Marko 13:9 - Somi He Ɔ

⁹ “Se nyɛɛ lɛɛ nyɛɛ le nyɛ he nɔ hyemi, ejakaa a maa ngɔ nyɛ kɛ maa ya guahi a nɔ, nɛ a maa fia nyɛ kpa ngɛ kpe he ɔmɛ, nɛ a kɛ nyɛ maa da ganɔhi kɛ matsɛmɛ a hɛ mi ngɛ ye he, konɛ nyɛɛ ye odase ngɔ tsɔɔ mɛ.

BAIBLO ALOO NGMAMI KLƆUKLƆU Ɔ

⁹ “Se nyɛɛ lɛɛ nyɛɛ le nyɛ he nɔ hyɛmi saminya. A maa ngɔ nyɛ kɛ ya kojomi hehi. A maa fia nyɛ kpa ngɛ kpe he ɔmɛ, nɛ ye he ɔ, a kɛ nyɛ maa da amlaalohi, kɛ matsɛmɛ a hɛ mi, konɛ nyɛɛ ye odase ngɔ tsɔɔ mɛ.

Marko 13:9 ပူးပေါင်းရင်းမြစ်များ

Yohane 16:2

A maa fie nyɛ kɛ maa je kpe he ɔmɛ. Nɛ be maa ba tete nɛ nɔ tsuaa nɔ nɛ gbee nyɛ ɔ a ma susu kaa e kɛ ngɛ Mawu jae.

Marko 13:5

Nɛ Yesu he nɔ nɛ e bɔni mɛ demi ke: “Nyɛɛ hyɛ saminya konɛ nɔ ko ko mlɔɔ nyɛ.

Kpojemi 2:13

I le he nɛ o hii ɔ, he nɛ Satan matsɛ sɛ ɔ ngɛ ɔ. O hɛɛ ye biɛ ɔ mi, nɛ o kua we o hemi kɛ yemi ɔ ngɛ jamɛ a ligbi ɔmɛ a mi po, bene a gbe Antipa, ye o daseyelɔ anɔkualetsɛ ɔ ngɛ nyɛ kpɛti, he nɛ Satan hii ɔ.

Kpojemi 2:10

Koo ye amanehlu nɛ o maa na eko eko gbeye, oʼɛ, abosiami maa ngɔ nyɛ ti ni komɛ ngɔ wo tsu mi, kone a kɛ ka nyɛ, nɛ nyɛ maa na amanehlu ligbi nyɔngma. Pee anɔkualetsɛ kɛ ya su gbenɔ mi, nɛ ma ha mo wami jlasi ɔ.

Kpojemi 1:9

Imi Yohane nɛ ji nyɛ nyɛmi kɛ nyɛ huɛ ngɛ Yesu Kristo amanehlu ɔ kɛ e matsɛ yemi ɔ kɛ e tsui si tomi ɔ mi ɔ, i ngɛ zugba kpɔ nɛ wo bɔle lɛ nɛ a tsɛɛ lɛ Patmo ɔ nɔ ngɛ Mawu munyu ɔ kɛ Yesu Kristo he odase yemi he.

2 Tesalonikabi 1:5

Enɛ ɔ ji Mawu kojomi nɛ da a he okadi nɛ a naa paa, konɛ a bu nyɛ kaa nyɛ sa Mawu matsɛ yemi nɛ nyɛ ngɛ nɔ nae ngɛ he ɔ.

Filipibi 1:29

Ejakaa nyɛɛ lɛɛ a dloo nyɛ ngɛ Kristo he, pi ngɛ e nɔ hemi kɛ yemi mi kɛkɛ, se mohu kaa nyɛ na nɔ ngɛ e he hulɔ,

Ni Tsumi 21:11

Benɛ e ba wa ngɔ ɔ, e ngɔ Paulo mlɛ mi fimi nɔ́ ɔ nɛ e kɛ fi lɛ nitse e ninehi kɛ e nanehi nɛ e ke: Bɔ nɛ Mumi Klɔuklɔu ɔ de ji nɛ ɔ nɛ: Nyumu nɔ nɛ nɔ́ nɛ ji mlɛ mi fimi nɔ́ nɛ ɔ ɔ, kikɛ Yudafo ɔmɛ maa fi lɛ ngɛ Yerusalem, nɛ a maa ngɔ lɛ ngɔ wo majemajeli a bimɛ ɔmɛ a dɛ mi.

Ni Tsumi 9:16

Ejakaa ma tsɔɔ lɛ dengmehi abɔ nɛ e maa na ngɛ ye biɛ ɔhe.”

Ni Tsumi 7:54

Se benɛ a nu kikɛmɛ a munyu nɛ ɔmɛ ɔ, e gbɔ a tsui mi, nɛ a kpe a lungu nya pue e nɔ.

Yohane 15:20

Nyɛ hɛ nɛ hi munyu nɛ i tu nyɛ ɔ nɔ ke: ‘Nyɔguɛ pa we e nyɔmtsɛ.’ Ke a wa mi yi mi ɔ, a maa wa nyɛ hu yi mi; ke a ye ye munyu ɔ nɔ ɔ, a maa ye nyɛ hu nyɛ nɔ ɔ nɔ.

Luka 9:5

Nihi abɔ nɛ he we nyɛ ɔ, ke nyɛ maa je jamɛ a ma a mi ɔ, nyɛ blɛ nyɛ nane si zu ɔ kɛ ye mɛ odase.”

Marko 6:11

He tsuaa he nɛ ni ɔmɛ he we nyɛ nɛ a bu we nyɛ tue ngɛ ɔ, ke nyɛ ngɛ lejɛ ɔ jee ɔ, nyɛ blɛ nyɛ nane si zu ngɔ pue si kaa okadi ngɔ ha mɛ.”

Marko 1:44

“Bu tue, ko de nɔ ko enɛ ɔ; se mohu ngɔɔ o he ya tsɔɔ osɔfo ɔ nɛ e sia mo, nɛ o sa bɔ nɛ Mose to ɔ, konɛ kɔlɔ ɔ nɛ pee odase ha nɔ tsuaa nɔ kaa jeha nɛ ɔ lɛɛ o he tsɔ.”

Mateo 5:22

Se i ngɛ nyɛ dee ke: nɔ tsuaa nɔ nɛ muklii mi fuɔ e nyɛmi (yaka a), a kɛ lɛ maa ba kojolɔ ɔ hɛ mi; nɛ nɔ tsuaa nɔ nɛ deɔ e nyɛmi ke: ‘Yaka nɔmlɔ’ ɔ, a kɛ lɛ maa ba gua ngua a hɛ mi; nɛ nɔ tsuaa nɔ nɛ tsɛɛ e nyɛmi ke kuasia nɛ he be senami ɔ, e maa ye abosiami a je la a mi yami fɔ?

Marko 13:8

Ma maa te si ngɔ wo ma, nɛ matsɛ yemi maa te si ngɔ wo matsɛ yemi, nɛ zugba mimiɛmi maa ba ngɛ hehi slɔɔtohi, nɛ hwɔ maa ba. Enɛ ɔmɛ ji kɔɔmi ɔmɛ a sisi jemi.

2 Yohane 1:8

Nyɛɛ hyɛ nyɛ he saminya, konɛ nyɛ ko laa nihi nɛ wa tsu ɔ, se mohu nyɛ na hiɔwo nɛ sa.