Marko 13:10 - Somi He Ɔ

¹⁰ Nɛ ja a fiɛ Sane Kpakpa a ngɔ tsɔɔ jejemawɛ tsuo lolo.

BAIBLO ALOO NGMAMI KLƆUKLƆU Ɔ

¹⁰ Ja a fiɛ sane kpakpa a ngɔ tsɔɔ je ma amɛ tsuo loko nyagbe ɔ maa ba.

Marko 13:10 ပူးပေါင်းရင်းမြစ်များ

Mateo 24:14

Nɛ a maa fiɛ matsɛ yemi ɔ Sane Kpakpa nɔ ngɔ tsɔɔ je ɔ tsuo, nɛ a kɛ ye majemaje ɔ tsuo odase; nɛ kɔlɔ ɔ loko nyagbe ɔ maa ba.”

Kolosebi 1:23

Nyɛɛ hɛɛ hemi kɛ yemi ɔ mi nɛ nyɛɛ da si kpitikplii, nɛ nyɛ ko sã nyɛ he kɛ je sane kpakpa a nɛ nyɛ nu nɛ a fiɛ tsɔɔ bɔ nihi kulaa nɛ ngɛ hiɔwe sisi, nɛ imi Paulo hu i sɔmɔɔ ngɛ he ɔ hɛ kɛ nɔ fɔmi ɔ he.

Kpojemi 14:6

Kɛkɛ nɛ i na hiɔwe bɔfo kpa ko nɛ e ngɛ tee ngɛ kɔɔhiɔ mi, nɛ e hɛɛ neneene Sane Kpakpa nɛ e yaa jaje ngɔ tsɔɔ nihi nɛ ngɛ zugba a nɔ kɛ je ma tsuaa je ma kɛ wɛtso tsuaa wɛtso kɛ mahi a nɔ gbi slɔɔtohi kɛ ma tsuaa ma a, nɛ e kɛ gbi ngua de ke:

Kolosebi 1:6

nɔ́ nɛ su nyɛ ngɔ kaa bɔ nɛ e ngɛ ngɛ je mluku ɔ kulaa mi, nɛ e woɔ yiblii nɛ e kekee kaa bɔ nɛ e peɔ ngɛ nyɛ hu nyɛ kpɛti kɛ je ligbi nɛ nyɛ nu nɛ nyɛ na le Mawu dloomi ɔ ngɛ anɔkuale mi ɔ:

Romabi 10:18

Se i ngɛ bie ke: “Anɛ numi nɛ a nui lo?” Niinɛ kaa a gbi jije kɛ ho zugba mluku ɔ tsuo nɔ ya, nɛ a munyu ɔ su je mi nyagbe he ɔmɛ.

Marko 16:15

Nɛ e de mɛ ke: “Nyɛɛ ya je ɔ tsuo kulaa mi nɛ nyɛ ya fiɛ Sane Kpakpa a ngɔ tsɔɔ nɔ tsuaa nɔ nɛ a bɔ ɔ.

Romabi 15:19

ngɛ okadihi kɛ nyakpɛ nihi a he wami mi, ngɛ Mawu Mumi he wami mi; enɛ ɔ he nɛ i je Yerusalem kɛ bɔle si hluu kɛ ya su Ilirikum, nɛ i fiɛ Kristo Sane Kpakpa a kɛ gbe nya a nɛ.

Romabi 1:8

Kekleekle ɔ, i ngɛ Yesu Kristo nɔ gue kɛ ngɛ ye Mawu ɔ si nae ngɛ nyɛ kulaa nyɛ he, ejakaa a gbaa nyɛ hemi kɛ yemi ɔ he sane ngɛ je ɔ mi tsuo.

Mateo 12:41

Ninive nyumu ɔmɛ maa te si ngɔ wo kikɛ yi nɔ bi nɛ ɔmɛ ngɛ kojomi ɔ mi, nɛ a maa bu mɛ fɔ; ejakaa a tsake a tsui ngɛ Yona fiɛmi ɔ nya; nɛ oʼɛ, nɔ́ nɛ pe Yona ngɛ hiɛ ɔ.