Marko 12:6 - Somi He Ɔ

⁶ Jeha nɛ ɔ e ngɛ nɔ kake nɛ piɛ, e binyumu nɛ e suɔ. Nyagbe ɔ, e tsɔ lɛ a ngɔ nɛ e ke: ‘A ma gbo ye bi ɔ zo.’

BAIBLO ALOO NGMAMI KLƆUKLƆU Ɔ

⁶ Nyumu nɛ ɔ ngɛ binyumu kake too nɛ e suɔ lɛ saminya. Nyagbe ɔ, e tsɔ binyumu nɛ ɔ apaa yeli ɔmɛ a ngɔ, nɛ e ke, ‘A ma gbo ye bi ɔ zo.’

Marko 12:6 ပူးပေါင်းရင်းမြစ်များ

Yohane 1:34

Nɛ i na, nɛ i ye he odase kaa lɛ ji Mawu Bi ɔ nɛ.”

Mateo 3:17

Nɛ oʼɛ, gbi ko je hiɔwe ke: “Nɔ nɛ ɔ ji ye suɔmi bi nɛ i ngɛ e he tsui ɔ nɛ.”

1 Yohane 4:9

Enɛ ɔ mi Mawu suɔmi nɛ e kɛ suɔ wɔ ɔ jee kpo ngɛ, kaa Mawu tsɔ iɛ nitsɛ e Bi kake ɔ kɛ ba je ɔ mi, konɛ waa gu e nɔ nɛ wa na wami.

Hebribi 1:6

Nɛ benɛ e kɛ e bi Tete ɔ ma je ɔ mi ɔ, e kpale de ke: “Ha Mawu bɔfo ɔmɛ kulaa nɛ a ja lɛ.”

Yohane 5:23

konɛ nihi tsuo bu Bi ɔ, kaa bɔ nɛ a buu Tsɛ ɔ. Nɔ nɛ bui Bi ɔ, e bui Tsɛ ɔ nɛ tsɔ lɛ ɔ hulɔ.

Yohane 3:35

Tsɛ ɔ suɔ Bi ɔ, nɛ e tu nihi kulaa ngɔ wo e dɛ.

Yohane 1:49

Natanael he nɔ nɛ e de lɛ ke: “Rabi, mo ji Mawu Bi ɔ nɛ, mo ji Israel matsɛ ɔ nɛ!”

Yohane 1:18

Mawu ɔp nɔ ko nɛ́ lɛ hyɛ; Bi kaketoo nɛ ngɛ Tsɛ o mi si ɔ, lɛ nɛ e ba je lɛ si ngɔ tsɔɔ paa.

Yohane 1:14

Nɛ Munyu ɔ plɛ he lo, nɛ e ba hi wa kpɛti, nɛ wa na e hɛ mi nyami ɔ kaa Tsɛ ɔ Bi kaketoo ɔ hɛ mi nyami, nɛ dloomi kɛ anɔkuale hyi lɛ tɔtɔɔtɔ.

Luka 9:35

Nɛ gbi ko je bɔku ɔ mi de ke: “Ye suɔmi bi ɔ ji nɛ ɔ nɛ, nyɛɛ bu lɛ tue!”

Luka 3:22

nɛ Mumi Klɔuklɔu ɔ kple si kɛ su nɛ ngɛ kaa okpo kɛ ba e nɔ. Nɛ gbi ko je hiɔwe de ke: “Mo ji ye suɔmi bi ɔ nɛ, mo o he ye tsui ngɛ!”

Marko 9:7

Nɛ bɔku ko ba ha a nɔ, nɛ gbi ko je bɔku ɔ mi de ke: “Nɔ nɛ ɔ ji ye suɔmi bi ɔ nɛ, nyɛɛ bu lɛ tue!”

Marko 1:11

Nɛ e nu gbi ko kɛ je hiɔwe de ke: “Mo ji imi nitsɛ ye suɔmi bi. I ngɛ o he suɔmi!”

Mateo 26:63

Se Yesu pɛ̃ e nya mi. Nɛ osɔfo nɔkɔtɔma a he nɔ nɛ e de lɛ ke: “I na Mawu hɛ kalɔ ɔ kaa, ke mo ji Kristo, Mawu bi ɔ, de wɔ!”

Mateo 17:5

Benɛ a ngɛ munyu ɔ tue kɛ mwɔɔ ɔ, oʼɛ, bɔku hleii ko ba ha a nɔ, nɛ oʼɛ, gbi je bɔku ɔ mi de ke: “Nɔ nɛ ɔ ji ye suɔmi bi nɛ i naa e he tsui ɔ nɛ; nyɛɛ bu lɛ tue!”

Mateo 11:27

“Tsaatsɛ tu nihi kulaa ngɔ wo ye dɛ mi; nɛ nɔ ko nɔ ko li Bi ɔ, kaa ja Tsɛ ɔ kɛkɛ; jeha nɛ ɔ, nɔ ko nɔ ko li Tsɛ ɔ, kaa ja Bi ɔ, kɛ nɔ nɛ Bi ɔ suɔ kaa e je lɛ kpo ngɔ tsɔɔ ɔ.

Mateo 1:23

“Oʼɛ, zangmayo ɔ ma na muklii, nɛ e ma fɔ binyumu, nɛ a maa wo lɛ biɛ ke: Yimanuel” (e sisi ji: “Mawu kɛ wɔ ngɛ”).

Marko 12:5

Jeha nɛ ɔ hu e tsɔ nɔ kpa ko ekohu nɛ lɛɛ a gbe lɛ; kɛ ni kpa komɛ hulɔ; a fia ni komɛ kpa, nɛ a gbe ni komɛ.

Marko 12:7

Se kikɛmɛ a paatsɛmɛ nɛ ɔmɛ de a he ke: Ni yelɔ ɔ ji nɛ ɔ nɛ; nyɛ ha waa gbe lɛ, nɛ gbo si ni ɔmɛ maa pee wa nɔ.

3 Yohane 1:1

Nɔkɔtɔma a ngma ya ha Gaio nɛ a suɔ ɔ, nɔ nɛ imi hu i suɔ ngɛ anɔkuale mi ɔ.