Marko 12:14 - Somi He Ɔ

¹⁴ Nɛ benɛ a ba a, a ba de lɛ ke: “Tsɔɔlɔ, wa le kaa anɔkualetsɛ ji mo, nɛ o yi nɔ hɛ mi munyu tumi gbeye, ejakaa o hyɛ we nimli a hɛ mi, mohu o tsɔɔ Mawu blɔ ɔ ngɛ anɔkuale mi. Anɛ e da blɔ kaa a tsuɔ onia haa Kaisare aloo e dɛ? Wa ha aloo wa ko ha?”

BAIBLO ALOO NGMAMI KLƆUKLƆU Ɔ

¹⁴ Benɛ a ba a, a de lɛ ke, “Tsɔɔlɔ, wa le kaa o yeɔ anɔkuale, nɛ o yi nɔ hɛ mi munyu tumi gbeye, ejakaa o hyɛ we nɔ hɛ mi; mohu, bɔ nɛ Mawu suɔ kaa adesa nɛ ba e je mi ɔ, lɔ ɔ pɛ o tsɔɔ ngɛ anɔkuale mi. Anɛ e da blɔ kaa a tsuɔ tó haa Kaisare ɔ, aloo e dɛ? Wa ha, loo wa ko ha?”

Marko 12:14 ပူးပေါင်းရင်းမြစ်များ

1 Tesalonikabi 2:4

se mohu kaa bɔ nɛ Mawu bu wɔ nihi nɛ sa kaa a tu sane kpakpa a ngɔ wo wa dɛ mi ɔ, ja wa deɔ, pi bɔ nɛ sa nimli a hɛ mi, se mohu bɔ nɛ sa Mawu nɛ kaa tsuihi hyɛ ɔ hɛ mi.

Galatabi 2:6

Se ninɛmɛ nɛ a buu mɛ kaa a ngɛ biɛ ɔ, — bɔ tsuaa bɔ nɛ a ngɛ sa a, pi ye he sane ko, Mawu hyɛ we nimli a hɛ mi, — ejakaa imi lɛɛ, ninɛmɛ nɛ a buu mɛ ɔ tsɔɔ we mi nɔ́ ko ngɔ piɛ we he;

Galatabi 1:10

Blɔɔ jehanɛ nimli a hɛ mi i ngɛ hlɛe nɛ ma sa loo Mawu? Aloo i ngɛ nimli a hɛ mi hlae ma sa? Ejakaa ke i ngɛ nɔ ngɛ nimli a hɛ mi sae kɛ mwɔɔ ɔ, lɛɛ pi Kristo tsɔlɔ ji mi.

2 Korintobi 5:16

Lɔ ɔ he ɔ, kɛ je mwɔnɛ ligbi nɛ ɔ nɔ kɛ yaa nɛ ɔ, wa kojo we nɔ ko nɔ ko ngɛ he lo nya hu; nɛ ke be nɛ be ɔ mi ɔ wa le Kristo ngɛ he lo nya tete ɔ, kɛ̃ ɔ jehanɛ wa li lɛ ja hu.

2 Korintobi 5:11

Lɔ ɔ he ɔ, akɛnɛ wale Nyɔmtsɛ ɔ he nɛ ngɛ gbeye he je ɔ, wa tuɔ munyu tsɔɔ nimli, se Mawu le bɔ nɛ wa ngɛ, nɛ ye hɛ ngɛ nɔ kaa nyɛ he ni lemi mi hu ɔ nyɛ le wɔ.

2 Korintobi 2:17

Ejakaa wa be kaa ni komɛ nɛ juaa Mawu munyu ɔ, se mohu wa tuɔ lɛ ngmingmiingmi bɔ nɛ e je Mawu mi ɔ ngɛ Mawu hɛ mi, ngɛ Kristo mi.

2 Korintobi 2:2

Ejakaa ke i ha nyɛ ye kɔmɔ ɔ, mɛnɔ ji nɔ nɛ haa ye bua jɔɔ mɔ, kaa ja nɔ nɛ i ha e ye kɔmɔ ɔ nɔuu?

Yohane 7:18

Nɔ nɛ toɔ lɛ nitsɛ e yi mi nɛ e tuɔ munyu ɔ, lɛ nitsɛ e hɛ mi nyami e ngɛ hlae, se nɔ nɛ hlaa nɔ nɛ tsɔ lɛ ɔ hɛ mi nyami ɔ, lɛɛ anɔkualetsɛ ji lɛ, nɛ nɔ́ nɛ dɛ blɔ ko be e mi.

Romabi 13:6

Enɛ he je hulɔ nɛ nyɛ tsuɔ onia a nɛ. Ejakaa Mawu tsɔli ji mɛ, nɛ kikɛmɛ a sɔmɔmi nɛ ɔ nɔuu he nɛ a ngɛ ɔ nɛ.

Luka 23:2

Nɛ a bɔni e nya pomi ke: “Wa na nyumu nɛ ɔ nɛ e ngɛ wa ma a yi puɛe nɛ e ngɛ onia tsumi kɛ Kaisare hami gue, nɛ e ngɛ dee ke lɛ nitsɛ ji Kristo, matsɛ ɔ nɛ.”

Luka 20:22

Anɛ e da kaa wa tsuɔ onia haa Kaisare, aloo e dɛ?”

Marko 14:45

Nɛ benɛ Yuda su si nɔuu pɛ nɛ e ba Yesu ngɔ nɛ e ke: “Rabi!” nɛ e fiɔ e nya he.

Mateo 22:17

lɔ ɔ he ɔ de wɔ bɔ nɛ o susuu. Anɛ e da kaa a tsuɔ onia haa Kaisare, aloo e dɛ?”

2 Korintobi 4:1

Akɛnɛ wa hɛɛ kikɛmɛ a sɔmɔmi nɛ ɔ, kaa bɔ nɛ a na wɔ mɔbɔ ɔ, wa ji fɔ́,

Mateo 22:16

Nɛ a tsɔ a kaseli ɔmɛ kɛ Herodebi ɔmɛ kɛ ba e ngɔ ba de lɛ ke: “Tsɔɔlɔ, wa le kaa anɔkualetsɛ ji mo, nɛ o tsɔɔ Mawu blɔ ɔ ngɛ anɔkuale mi, nɛ o hlɛ́ nimli a mi; ejakaa o hyɛ we nimli a hɛ mi;

Marko 12:13

Nɛ a tsɔ Farisifo ɔmɛ kɛ Herodebi ɔmɛ a ti ni komɛ kɛ ba Yesu ngɔ konɛ a ba da lɛ ngɛ munyu tutui mi.

Marko 12:15

Se nɛ e na a osato peemi ɔ, e de mɛ ke: “Mɛni he je nɛ nyɛ ngɛ mi kae? Nyɛɛ kɛ sika ko nɛ ba nɛ ma hyɛ.”