Marko 11:18 - Somi He Ɔ

¹⁸ Nɛ osɔfo nikɔtɔma amɛ kɛ mlaa tsɔɔli ɔmɛ nu, nɛ lɔ ɔ he ɔ a hla bɔ nɛ a maa pee nɛ a kpata e hɛ mi; se a ngɛ lɛ gbeye yee, ejakaa asafo ɔ kulaa nya kpɛ a he ngɛ e ni tsɔɔmi ɔ he.

BAIBLO ALOO NGMAMI KLƆUKLƆU Ɔ

¹⁸ Osɔfo nikɔtɔma amɛ, kɛ mlaa tsɔɔli ɔmɛ nu nɔ́ nɛ e de ɔ, lɔ ɔ he ɔ, a bɔni hlami bɔ nɛ a maa pee nɛ a kpata e hɛ mi. Se a ngɛ lɛ gbeye yee, ejakaa bɔ nɛ e ngɛ mɛ ní tsɔɔe ɔ, ma kpekpemi ɔ tsuo a he mi po.

Marko 11:18 ပူးပေါင်းရင်းမြစ်များ

Mateo 7:28

Nɛ e ba mi kaa benɛ Yesu gbe munyu nɛ ɔmɛ a nya a, ni ɔmɛ a he nya si mɛ ngɛ e ni tsɔɔmi ɔ he;

Marko 12:12

Yudafo ɔmɛ a nikɔtɔma amɛ ngɛ lɛ hlae nɛ a nu, ejakaa a le kaa a he nɛ e bu kikɛmɛ a abɛ nɛ ɔ nɛ, se a ngɛ asafo ɔ gbeye yee. Nɛ a si lɛ nɛ a je.

Ni Tsumi 24:25

Se benɛ e ngɛ dami kɛ he nɔ yemi kɛ kojomi nɛ maa ba a he munyu tue ɔ, Felike ye gbeye wawɛɛ, nɛ e de lɛ ke: “Yaa lolo; se ke i na ye he deka hu ɔ, ma tsɛ mo ekohu.”

Yohane 7:46

Tsɔli ɔmɛ he nɔ ke: “Bɔ nɛ nɔmlɔ nɔ ngɛ munyu tue ɔ, nɔ ko tui munyu ja gblee.”

Luka 20:19

Osɔfo nikɔtɔma amɛ kɛ mlaa tsɔɔli ɔmɛ ngɛ hlae nɛ a nu Yesu ngɛ lɛ ngmlɛfia a nɔ nɔuu se a ya ye ma a gbeye, ejakaa a kɔ se kaa a he nɛ e bu kikɛmɛ a bɛ nɛ ɔ nɛ.

Luka 19:47

Nɛ Yesu ya tsɔɔ ni daa ngɛ sɔlemi we ɔ; se osɔfo nikɔtɔma amɛ kɛ mlaa tsɔɔli ɔmɛ kɛ ma a mi nikɔtɔma amɛ ngɛ hlae nɛ a kpata e hɛ mi;

Luka 4:22

Nɛ nihi tsuo ye lɛ odase, nɛ a nya kpɛ a he ngɛ dloomi munyuhi nɛ je e nya a he, nɛ a de ke: “Anɛ pi Yosef bi nyumu ɔ ji nɛ ɔ?”

Marko 11:32

Nɛ ke wa ke e je nimli a dɛ mi ɔ,” (a ngɛ ma a gbeye yee ejakaa nihi tsuo buu Yohane gbalɔ niinɛ.)

Marko 6:20

ejakaa Herode ngɛ Yohane gbeye yee akɛnɛ e le kaa dalɔ kɛ nɔ klɔuklɔu ji lɛ ɔ, nɛ e ngɔ lɛ ngɔ to sɔkee. E suɔ kaa e bu lɛ tue, se be tsuaa be nɛ e maa bu lɛ tue ɔ, e haoɔ lɛ.

Marko 3:6

Lɔ ɔ he ɔ Farisifo ɔmɛ je kpo, nɛ amlɔ ɔ a kɛ Herodebi ɔmɛ ya so e yi nɔ bɔ nɛ a maa pee ha nɛ a kpata e hɛ mi.

Marko 1:22

Nihi nɛ bu lɛ tue ɔ nya kpɛ a he ngɛ e ni tsɔɔmi ɔ he. E tsɔɔ mɛ ni kaa nɔ nɛ ngɛ he blɔ se tsa pi kaa mlaa tsɔɔli ɔmɛ.

Mateo 21:15

Se benɛ osɔfo nikɔtɔma amɛ kɛ mlaa tsɔɔli ɔmɛ na nyakpɛ nihi nɛ e pee kɛ jokuɛwi ɔmɛ nɛ a ngɛ lele wɔe ngɛ sɔlemi we ɔ ke: “Hosiana David bi” ɔ, a muklii mi wo la,

Luka 2:47

Nɛ nihi tsuo nɛ ngɛ lɛ tue bue ɔ nya kpɛ a he ngɛ e ni lemi kɛ e heto nɛ e ngɛ hae ɔmɛ a he.

Yohane 7:1

Enɛ ɔ se ɔ, Yesu kpa si ngɛ Galilea, se e sume kaa e ya kpaa si ngɛ Yudea ejakaa Yudafo ɔmɛ ngɛ lɛ hlae nɛ a gbe.

Yohane 7:19

Anɛ pi Mose nɛ ha nyɛ Mlaa a lo? Nɛ nyɛ ti nɔ ko yi Mlaa a nɔ. Mɛni he je nyɛ ngɛ mi hlae nɛ nyɛ maa gbe ɔ?”