Marko 10:30 - Somi He Ɔ

³⁰ nɛ e be wehi kɛ nyɛmimɛ nyumuhi kɛ nyɛmimɛ yihi kɛ nyɛmɛ kɛ bimɛ kɛ zugbahi kɛ yi wami hu totoe lafa nae ngɛ be nɛ ɔ mi lokoo kɛ neneene wami hulɔ ngɛ je nɛ maa ba a mi.

BAIBLO ALOO NGMAMI KLƆUKLƆU Ɔ

³⁰ e nine maa su babauu nɔ ngɛ be nɛ ɔ mi. E ma na ní nɛ ɔmɛ kɛ bɔ he totoe lafa: we, nyɛminyumuhi, nyɛmiyihi, nyɛmɛ, bimɛ, zugba, kɛ yi wami hulɔ; nɛ e nine maa su neneene wami nɔ ngɛ je nɛ maa ba a mi.

Marko 10:30 ပူးပေါင်းရင်းမြစ်များ

Filipibi 3:8

Niinɛ kaa i buu lɛ tsuo kaa nihi nɛ laa ngɛ Kristo Yesu, ye Nyɔmtsɛ ɔ, he ni lemi nɛ pe kulaa a he, lɛ e he nɛ nihi kulaa bɔ mi, nɛ i buu mɛ kaa kuku nɔ nihi, konɛ Kristo mohu nɛ pee ye nɔ,

Luka 18:30

nɛ e be nane mi tomi si abɔ nae ngɛ be nɛ ɔ mi, nɛ je nɛ maa ba a mi hu e be neneene wami nae.”

2 Korintobi 6:10

kaa kɔmɔ yeli, se wa bua jɔɔ daa; kaa ohiafohi, se wa tsakee nihi fuu ngɔ peɔ niatsɛmɛ; kaa nihi nɛ be nɔ́ ko, se kɛ̃ ɔ wa ngɛ nihi kulaa.

Yakobo 1:12

Agbaa nyumu nɛ toɔ e tsui si ngɛ ka mi, ejakaa ke a ka lɛ nɛ e nyɛ nya da a, e ma na wami jlasi nɛ Nyɔmtsɛ ɔ wo he si ha ninɛmɛ nɛ suɔ lɛ ɔ.

Yakobo 5:11

Wa tsɛɔ ninɛmɛ nɛ toɔ a tsui si ɔ ke nihi nɛ a gbaa. Nyɛ nu Hiob tsui si tomi ɔ he, nɛ nyɛ na bɔ nɛ Nyɔmtsɛ ɔ to lɛ ha ngɛ nyagbe mi ɔ, ejakaa Nyɔmtsɛ ɔ mi mi saa lɛ babauu nɛ e muklii mi jɔ hulɔ.

Kpojemi 3:18

i ngɛ mo ga woe ke o he sika nɛ a tsu he ngɛ la mi kɛ je ye ngɔ, kone o na ni, kɛ tade hiɔ, kone o wo nɛ o he gu nɛ ngɛ zo ɔ nɛ ko fɔ si, kɛ hɛngmɛ tsopa nɛ o kɛ nga o hɛngmɛ nɔ, kone o hyɛ nɔ.

1 Timoteo 6:6

Se niinɛ, ni nami agbo ji Mawu jami, ke nɔ ko bua jɔ e nihi a he ɔ.

Ni Tsumi 5:41

Kɛkɛ nɛ a je gua ngua a hɛ mi kɛ ho kɛ bua jɔmi kaa e biɛ ɔ he ɔ, a bu mɛ nihi nɛ sa kaa a bɔ mɛ ahlua.

1 Yohane 3:1

Nyɛɛ hyɛ suɔmi abɔ sɔuu nɛ Tsɛ ɔ kɛ suɔ nyɛ, kaa a tsɛ wɔ Mawu bimɛ nɛ wa ji nɛ! Enɛ he ɔ, je ɔ li wɔ, ejakaa e li lɛ hulɔ.

2 Tesalonikabi 2:16

Se lɛ wa Mawetsɛ Yesu Kristo ɔ nitsɛ, kɛ wa Tsɛ Mawu nɛ suɔ wɔ nɛ e kɛ neneene bua womi kɛ hɛ kɛ nɔ fɔmi kpakpa ha wɔ ngɛ dloomi nya a,

Romabi 6:23

Ejakaa yayami dɛ mi hiɔwe ɔ gbenɔ ʼi; se Mawu dloomi nike ni ɔ neneene wami ʼi ngɛ Kristo Yesu wa Nyɔmtsɛ ɔ mi.

Romabi 5:3

Pi enɛ ɔ kɛkɛ, se mohu wa fiaa ngɛ dengme gbomihi a mi hulɔ, ejakaa wa le kaa dengme gbomi ɔ tsɛɛ tsui si tomi kɛ baa,

Ni Tsumi 16:25

Se nyɔ mi kpɛti ɔ Paulo kɛ Sila ngɛ sɔlee nɛ a ngɛ lae kɛ ngɛ Mawu yi jee; nɛ pa mi tsɛmɛ ɔmɛ ngɛ mɛ tue bue.

Yohane 10:23

Nɛ Yesu ngɛ si slae ngɛ sɔlemi we ɔ ngɛ Salomo ablanaa a nɔ.

Mateo 12:32

Nɛ ɔ tsuaa nɔ nɛ maa tu munyu ko ngɔ si Nɔmlɔ Bi ɔ, a kɛ maa pa lɛ; se nɔ tsuaa nɔ nɛ maa tu munyu ngɔ si Mumi Klɔuklɔu ɔ, a kɛ be lɛ pae ngɛ je nɛ ɔ mi aloo je nɛ maa ba a mi.”

Mateo 6:33

Nyɛ hla Mɛwu matsɛ yemi ɔ kɛ e dami kekle, nɛ akɛ ni nɛ ɔmɛ tsuo maa piɛ he ngɔ ha nyɛ.

Kpojemi 2:9

I le o ni tsumi ɔmɛ kɛ o dengme gbomi ɔmɛ kɛ o hia a, — se kɛ ɔ niatsɛ ji mo — nɛ i le ni yayahi nɛ nihi nɛ deɔ ke Yudafohi ji mɛ se a pi ja se mohu a ji Satan kpe mi bimɛ ɔ deɔ ngɛ o he ɔ.

1 Yohane 2:25

Nɛ enɛ ɔ ji si nɛ Kristo wo wɔ ɔ nɛ; neneene wami ɔ.

Mateo 13:8

Se ekomɛ hu ya pue zugba kpakpa nɔ, nɛ a wo yiblii, eko lafa, eko nyingmi ekpa, kɛ eko nyingmi etɛ.

Ni Tsumi 14:22

A kpale wo kaseli ɔmɛ a mumi mi wami ɔ he wami, nɛ a tu munyu tsɔɔ mɛ ke a hɛɛ hemi kɛ yemi ɔ mi, nɛ jeha nɛ ɔ hu e sa kaa wa guu dengme fuu mi kɛ sɛɛ Mawu matsɛ yemi ɔ mi.

1 Timoteo 4:8

Ejakaa nɔmlɔ tso he mɔde bɔmi he se nami pi, se Mawu jami he ngɛ se nami ngɛ nihi tsuo kulaa mi, nɛ e ngɛ wami nɛ ngɛ amlɔ nɛ ɔ kɛ nɔ nɛ maa ba a he si womi.