Marko 10:24 - Somi He Ɔ

²⁴ Kaseli ɔmɛ a he mi po ngɛ e munyu ɔmɛ a he. Se Yesu tsa nɔ nɛ e de mɛ ke: “Bimɛ, tse nyɛ na bɔ nɛ e wa ha nihi nɛ ngɔɔ a hɛ ngɔ fɔɔ a nihi a nɔ ɔ kaa a maa sɛ Mawu matsɛ yemi ɔ mi!

BAIBLO ALOO NGMAMI KLƆUKLƆU Ɔ

²⁴ Nɛ e de kikɛ nɛ ɔ, e kaseli ɔmɛ a he mi po. Se Yesu ya nɔ nɛ e de mɛ ke “Ye bimɛ, tse nyɛ na bɔ nɛ e wa ha nɔ ko nɛ ngɔɔ e hɛ ngɔ fɔɔ sika nɔ kaa e maa sɛ Mawu matsɛ yemi ɔ mi.

Marko 10:24 ပူးပေါင်းရင်းမြစ်များ

Kpojemi 3:17

Ejakaa o deɔ ke: ‘Niatsɛ ji mi nɛ i ngɛ ni, nɛ nɔ́ ko nɔ́ ko hia we mi,’ nɛ o li kaa o ngɛ dengme mi nɛ o ni hu ngɛ mɔbɔ, nɛ ohiafo kɛ hɛ yuyuilɔ kɛ hegutsɛ ji mo,

1 Timoteo 6:17

Niatsɛmɛ nɛ ngɛ je nɛ ɔ mi ɔ, wo mɛ kita konɛ a ko susu ni nguahi, nɛ a ko ngɔ a hɛ ngɔ fɔ ni nami nɛ be sɔkee ɔ nɔ, se mohu Mawu hɛ kalɔ ɔ nɔ, nɔ nɛ ngɔɔ nihi kulaa ngɔ haa wɔ babauu ke waa ye mi ngɔmi ɔ.

Luka 16:14

Nɛ Farisifo ɔmɛ nɛ ji sikasuɔli ɔmɛ nu ni nɛ ɔmɛ tsuo nɛ a muɔ lɛ.

1 Yohane 2:1

Ye bimɛ tsɔwi, i ngɛ nyɛ ni nɛ ɔmɛ ngmae, konɛ nyɛ ko pee yayami. Se ke nɔ ko pee yayami po hu ɔ, wa ngɛ mi dalɔ ngɛ Tsɛ ɔ ngɔ, Yesu Kristo, dalɔ ɔ;

Yohane 13:33

Bimɛ tsɔwi, be bɔɔ kɛkɛ e piɛ nɛ i kɛ nyɛ maa hi si; nyɛ ma hla mi, nɛ bɔ nɛ i de Yudafo ɔmɛ ke: ‘He nɛ i yaa a, nyɛɛ lɛɛ nyɛ be lejɛ ɔ nyɛe maa bɛ’ a, jã i ngɛ nyɛ hu dee jeha nɛ ɔ nɛ.

1 Yohane 5:21

Bimɛ tsɔwi, nyɛɛ hyɛ nyɛ he nɛ hi ngɛ wɔhi a he.

1 Yohane 4:4

Bimɛ tsɔwi, nyɛɛ lɛɛ nyɛ je Mawu mi, nɛ nyɛ ye lakpa gbali ɔmɛ a nɔ kunimi; ejakaa mumi nɛ ngɛ nyɛ mi ɔ kle pe mumi nɛ ngɛ je ɔ mi ɔ.

Galatabi 4:19

Ye bimɛ kpakpahi, i nu kɔɔmi ngɛ nyɛ fɔmi he ekohu kɛ maa su be nɛ a maa bɔ Kristo subai ɔ ngɛ nyɛ mi.

Yohane 21:5

Jeha nɛ ɔ Yesu bi mɛ ke: “Bimɛ, nyɛ gbe lo ko lo?” A he nɔ ke: “Dɛbi.”

Yohane 6:60

Enɛ ɔ he je ɔ, benɛ e kaseli ɔmɛ a ti nihi fuu nu enɛ ɔ ɔ, a ke: “Munyu nɛ he wa ji nɛ ɔ nɛ; mɛnɔ ma nyɛ tue bu?”

Mateo 19:25

Benɛ e kaseli ɔmɛ nu enɛ ɔ ɔ, a he nya si mɛ tsɔ nɛ a de ke: “Lɛɛ mɛnɔ yi wami a ma nyɛ ma he mɔ?”

Marko 1:27

Ni ɔmɛ tsuo pɛpɛɛpɛ nɛ ngɛ kpe he ɔ he nya si mɛ nɛ a bɔni a he bimi ke: “Mɛni ji nɛ ɔ? Oʼɛ tsɔɔmi he ko nɛ hewami ngɛ mi! Nɔmlɔ nɛ ɔ ngɛ he blɔ nɛ e kɛ keɔ mumi yayamihi a yi nɛ a buɔ lɛ tue!”

Marko 10:23

Yesu hyɛ e he kɛ kpe, nɛ e de e kaseli ɔmɛ ke: “Nyɛ na bɔ nɛ e wa ha niatsɛmɛ kaa a maa sɛ Mawu matsɛ yemi ɔ mi!”