Marko 10:1 - Somi He Ɔ

¹ Kɛkɛ nɛ Yesu si lejɛ ɔ nɛ e pue nɔ kɛ ho Yudea ni ɔmɛ a mi kɛ Yordan se blɔ ya. Nihi fuu ba ba bua a he nya ekohu ngɛ e he, nɛ e tsɔɔ mɛ ni ekohu kaa bɔ nɛ e pɔɔ peemi ɔ.

BAIBLO ALOO NGMAMI KLƆUKLƆU Ɔ

¹ Enɛ ɔ se ɔ, Yesu si lejɛ ɔ, nɛ e pue nɔ kɛ ho Yudea ní ɔmɛ a mi, kɛ Yordan pa a se ya. Nihi babauu ba bu e nɔ ekohu, nɛ e tsɔɔ mɛ ní kaa bɔ nɛ e pɔɔ peemi ɔ.

Marko 10:1 ပူးပေါင်းရင်းမြစ်များ

Yohane 10:40

Yesu pue nɔ kɛ ho Yordan se ya ekohu, he nɛ Yohane baptisi ngɛ kekle ɔ, nɛ e ya hi lejɛ ɔ.

Marko 4:2

E tsɔɔ mɛ nihi fuu ngɛ abɛhi a mi, nɛ e de mɛ ngɛ e ni tsɔɔmi ɔ mi ke:

Yohane 11:7

Nɛ lɔ ɔ se ɔ, e de e kaseli ɔmɛ ke: “Nyɛ ha waa ya Yudea ekohu.”

Marko 6:34

Benɛ Yesu kple ɔ, e na asafo gidiglɛmɛ, nɛ e mi mi sa lɛ ngɛ a he, ejakaa a ngɛ kaa tohi nɛ be hyɛlɔ; nɛ e bɔni mɛ nihi fuu tsɔɔmi.

Mateo 4:23

Nɛ Yesu kpa Galilea tsuo, e tsɔɔ ni ngɛ a kpe he ɔmɛ, nɛ e fiɛ matsɛ yemi ɔ he Sane Kpakpa a tsɔɔ, nɛ e tsa hiɔ tsuaa hiɔ kɛ he hiami tsuaa he hiami ngɛ ma a mi.

Yohane 18:20

Yesu he nɔ nɛ e de lɛ ke: “Pãa i tuɔ munyu kɛ tsɔɔ je ɔ. Daa nɛ ɔ i tsɔɔ ni ngɛ kpe he ɔmɛ kɛ sɔlemi we ɔ, he nɛ Yudafo ɔmɛ tsuo kpee ngɛ ɔ, nɛ i de we nɔ́ ko nɔ́ ko ngɛ laami mi.

Marko 6:6

E hɛ mi pee lɛ yaa ngɛ hemi nɛ a he we yi ɔ he.

Marko 2:13

Yesu kpale e se ekohu kɛ ho Galilea Wo ɔ nya ya. Asafo ɔ tsuo ba e ngɔ, nɛ e bɔni mɛ ni tsɔɔmi.

Mateo 26:55

Jamɛ a ngmlɛfia a nɔ nɔuu ɔ, Yesu de asafo ɔ ke: “Imi numi nyɛ ba kaa a nuu ojo fialɔ ko ke klaate kɛ tsokpotihi nɛ ɔ? I hii sɔlemi we ɔ daa nɛ i tsɔɔ ni, nɛ nyɛ nui mi.

Marko 1:21

A ba ma nɛ a tsɛɛ Kapernaum ɔ mi, nɛ Hejɔɔmi Ligbi ɔ nɔ ɔ, Yesu ya kpe he ɔ, nɛ e ya tsɔɔ ni.

Marko 6:2

Nɛ benɛ e su Hejɔɔmi Ligbi ɔ, e bɔni ni tsɔɔmi ngɛ kpe he ɔ; nɛ nihi fuu nɛ nu ɔ he nya si mɛ nɛ a bi ke: “Jije nɔ nɛ ɔ ya na ni nɛ ɔmɛ kɛ je? Mɛni ni lemi a kɛ ha lɛ, nɛ mɛni blɔ nɔ e guu kɛ tsuɔ kikɛmɛ a nyakpɛ ni tsumi nɛ ɔmɛ?

Marko 10:2

Nɛ Farisifo ɔmɛ ekomɛ ba e ngɔ, nɛ a da lɛ nɛ a bi lɛ ke: “Anɛ wa Mlaa a ngmɛɛ blɔ kaa nyumu fieɔ e yo lo?”

Marko 12:35

Nɛ benɛ Yesu ngɛ ni tsɔɔe ngɛ sɔlemi we ɔ, e wo e nya nɔ nɛ e bi ke: “Kɛ pee kɛɛ nɛ mlaa tsɔɔli ɔmɛ deɔ ke Kristo ɔ David bi ji lɛ ɔ?

Marko 14:49

Daa nɛ i kɛ nyɛ ngɛ sɔlemi we ɔ nɛ i tsɔɔ nihi a ni ɔ, lɔ ɔ lɛɛ nyɛ nui mi; se benɛ pee nɛ ngmami ɔmɛ nɛ na ba mi he je.”