Marko 1:7 - Somi He Ɔ

⁷ E fiɛ tsɔɔ ni ɔmɛ ke: “Nɔ nɛ maa ba ngɛ ye se ɔ kle pe mi kulaa; i sɛ́ nɔ nɛ kplaa si pɛneɔ e tokotahi a nya kpa tete.

BAIBLO ALOO NGMAMI KLƆUKLƆU Ɔ

⁷ E fiɛ ha ni ɔmɛ ke, “Nɔ nɛ ma ngɛ ye se ɔ kle kulaa pe mi; e tokota nya kpa tete po i sɛ nɔ nɛ kplaa si nɛ e pɛneɔ.

Marko 1:7 ပူးပေါင်းရင်းမြစ်များ

Mateo 3:11

Imi lɛɛ nyu i kɛ ngɛ nyɛ baptisie ha tsui tsakemi, se nɔ nɛ ma ngɛ ye se ɔ he wa pe mi, e tokotahi tete i sɛ́ nɔ nɛ hɛo; lɛ e kɛ Mumi Klɔuklɔu kɛ la maa baptisi nyɛ.

Mateo 3:14

Se Yohane ka lɛ blɔ tsimi ke: “Imi mohu nɛ e hia kaa mo o baptisii mi ɔ, nɛ mo o ma ye ngɔ nɛ ɔ?”

Marko 1:6

Yohane ɔ, afukpɔngɔ he bwɔmi tade e woɔ, nɛ lohwe he womi kpa fi e mlɛ mi, nɛ e yeɔ baalɛ kɛ nga nɔ hwo.

Marko 1:8

Imi lɛɛ nyu i kɛ ngɛ nyɛ baptisie, se lɛɛ, Mumi Klɔuklɔu e kɛ maa baptisi nyɛ.

Luka 3:16

Yohane he nɔ nɛ e de ni ɔmɛ tsuo ke: “Imi lɛɛ, nyu i kɛ baptisi nyɛ; se nɔ ko nɛ he wa pe mi ma, nɛ i sɛ nɔ nɛ pɛneɔ e tokotahi a nya kpa, lɛ e kɛ Mumi Klɔuklɔu kɛ la maa baptisi nyɛ,

Yohane 1:27

lɛ ji nɔ nɛ ma ngɛ ye se, se e sɛ ye hlami, nɔ nɛ i sɛ kaa i pɛneɔ e tokota nya kpa a.”

Ni Tsumi 13:25

Nɛ loko Yohane maa gbe e nitsumi ɔ nya a, e ke: ‘Mɛnɔ nyɛ susuu kaa i ji? Tsa pi imi ji nɔ nɛ blɔ nɛ nyɛ ngɛ hyɛe ɔ. Se oʼɛ, nɔ ko ma ngɛ ye se, nɛ i sɛ́ nɔ nɛ pɛneɔ e tokota ngɛ e nane.’

Ni Tsumi 19:4

Nɛ Paulo ke: “Yohane ɔ, tsuitsakemi baptisimi e kɛ baptisi, se e de ma a ke, a he nɔ nɛ ma ngɛ e se ɔ mohu nɔ ngɔ ye, lɛ ji Nyɔmtsɛ Yesu ɔ nɛ.”