Marko 1:34 - Somi He Ɔ

³⁴ Yesu tsa nihi babauu nɛ hiɔhi slɔɔtohi hɛɛ mɛ ɔ, nɛ e hia mumi yayamihi fuu. E ha we mumi yayami ɔmɛ blɔ nɛ a de nɔ́ ko, ejakaa a le nɔ nɛ ji lɛ.

BAIBLO ALOO NGMAMI KLƆUKLƆU Ɔ

³⁴ Yesu tsa nihi nɛ ngɛ hiɔ slɔɔtoslɔɔtohi nue, nɛ e hia mumi yayamihi babauu. Se e ha we mumi yayami ɔmɛ blɔ nɛ a de nɔ́ ko, ejakaa a le kaa lɛ ji Kristo ɔ nɛ.

Marko 1:34 ပူးပေါင်းရင်းမြစ်များ

Mateo 4:23

Nɛ Yesu kpa Galilea tsuo, e tsɔɔ ni ngɛ a kpe he ɔmɛ, nɛ e fiɛ matsɛ yemi ɔ he Sane Kpakpa a tsɔɔ, nɛ e tsa hiɔ tsuaa hiɔ kɛ he hiami tsuaa he hiami ngɛ ma a mi.

Mateo 4:24

Nɛ e he sane gbɛ fia Siria tsuo, nɛ a kɛ nihi nɛ be saminya nɛ hiɔhi kɛ piimi slɔɔtohi hɛɛ mɛ kɛ nihi nɛ mumi yayamihi ngɛ a mi kɛ godotsɛmɛ kɛ nihi nɛ a gbɔjɔ ba e ngɔ nɛ e tsa mɛ.

Marko 1:25

Yesu nga mumi yayami ɔ yi ke: “Ma o nya nɛ o je e mi!”

Marko 3:12

Nɛ Yesu bɔɔ mɛ kɔkɔ ke a ko je lɛ si.

Luka 4:41

Mumi yayamihi hu je nihi fuu a mi nɛ a kpa ngmlaa ke: “Mo ji Mawu bi ɔ nɛ!” Nɛ e nga a yi nɛ e ngmɛ́ mɛ blɔ nɛ a de ke a le kaa lɛ ji Kristo ɔ.