Marko 1:1 - Somi He Ɔ

¹ Yesu Kristo, Mawu bi ɔ, he sane kpakpa a ji nɛ ɔ nɛ:

BAIBLO ALOO NGMAMI KLƆUKLƆU Ɔ

¹ Sane kpakpa a nɛ kɔɔ Yesu Kristo, Mawu Bi ɔ he ji nɛ ɔ nɛ.

Marko 1:1 ပူးပေါင်းရင်းမြစ်များ

Mateo 14:33

Nɛ nihi nɛ ngɛ lɛ ɔ mi ɔ ba ba ja lɛ de ke: “Niinɛ, Mawu bi ji mo!”

Mateo 17:5

Benɛ a ngɛ munyu ɔ tue kɛ mwɔɔ ɔ, oʼɛ, bɔku hleii ko ba ha a nɔ, nɛ oʼɛ, gbi je bɔku ɔ mi de ke: “Nɔ nɛ ɔ ji ye suɔmi bi nɛ i naa e he tsui ɔ nɛ; nyɛɛ bu lɛ tue!”

Mateo 3:17

Nɛ oʼɛ, gbi ko je hiɔwe ke: “Nɔ nɛ ɔ ji ye suɔmi bi nɛ i ngɛ e he tsui ɔ nɛ.”

Mateo 4:3

Nɛ nya tsɔlɔ ɔ ba e ngɔ ba de lɛ ke: “Ke Mawu bi ji mo ɔ, de konɛ tɛ nɛ ɔmɛ nɛ plɛ abolo.”

Luka 1:35

Nɛ bɔfo ɔ ha lɛ heto ke: “Mumi Klɔuklɔu maa ba o nɔ, nɛ lɔ ɔ he ɔ jamɛ a bi klɔuklɔu ɔ hu nɛ o ma fɔ ɔ, a ma tsɛ lɛ Mawu bi.

Yohane 1:14

Nɛ Munyu ɔ plɛ he lo, nɛ e ba hi wa kpɛti, nɛ wa na e hɛ mi nyami ɔ kaa Tsɛ ɔ Bi kaketoo ɔ hɛ mi nyami, nɛ dloomi kɛ anɔkuale hyi lɛ tɔtɔɔtɔ.

Yohane 1:34

Nɛ i na, nɛ i ye he odase kaa lɛ ji Mawu Bi ɔ nɛ.”

Yohane 1:49

Natanael he nɔ nɛ e de lɛ ke: “Rabi, mo ji Mawu Bi ɔ nɛ, mo ji Israel matsɛ ɔ nɛ!”

Yohane 20:31

se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu bi ɔ nɛ, nɛ ke nyɛ he ye ɔ, nɛ nyɛ na wami ngɛ e biɛ ɔ mi.

Yohane 3:16

Ejakaa Mawu suɔ je ɔ saminya, nɛ e ngɔ e bi kake ɔ ngɔ ha, konɛ nɔ tsuaa nɔ nɛ heɔ e nɔ yeɔ ɔ hɛ mi ko kpata, se mohu e na neneene wami.

Yohane 6:69

nɛ wɔɔ lɛɛ wa he ye, nɛ wa na le hulɔ kaa mo ji Mawu nɔ klɔuklɔu ɔ nɛ!”

Ni Tsumi 1:22

kɛ je Yohane baptisimi ɔ nɔ kɛ ya su ligbi nɛ a ngɔ lɛ kɛ je wa ngɔ kɛ ho hiɔwe ya a, a kpɛti nɔ kake nɛ plɛ e si temi ɔ he odase yelɔ ngɔ piɛ wa he.”

Ni Tsumi 13:24

Yohane sɛ hlami ba fiɛ baptisimi nɛ a kɛ naa tsui tsakemi ngɔ tsɔɔ Israel ma mluku ɔ tsuo kulaa.

Romabi 8:3

Ejakaa nɔ́ nɛ mlaa a nyɛ we nɛ e pee ngɛ gbedemi nɛ he lo ɔ gbede he je ɔ, Mawu tsɔ lɛ nitsɛ e bi ɔ ngɛ su nɛ ngɛ kaa yayami he lo su mi, nɛ ngɛ yayami he hulɔ, konɛ e bu yayami ɔ fɔ ngɛ he lo ɔ mi,

Romabi 8:32

Mawu nɛ kamaa we wɔ elɛ nitsɛ e Bi ɔ, se mohu e ngɔ lɛ ngɔ ha ngɛ wɔ tsuo wa nane mi ɔ, anɛ e be nihi tsuo kulaa ngɔe ngɔ piɛ e he kɛ ke wɔ lo?