Luka 9:48 - Somi He Ɔ

⁴⁸ nɛ e de mɛ ke: “Nɔ tsuaa nɔ nɛ maa ngɔ jokuɛ nyafii nɛ ɔ ngɛ ye biɛ mi ɔ, e ngɔ mi; nɛ nɔ nɛ ngɔ mi ɔ, e ngɔɔ nɔ nɛ tsɔ mi ɔ; ejakaa nɔ nɛ ji nyafii ngɛ nyɛ tsuo nyɛ kpɛti ɔ, lɛ nɔuu ji nɔ ngua.”

BAIBLO ALOO NGMAMI KLƆUKLƆU Ɔ

⁴⁸ nɛ e de mɛ ke, “Nɔ tsuaa nɔ nɛ ma he jokuɛ nyafii nɛ ɔ atuu ngɛ ye biɛ mi ɔ, imi e he atuu ɔ nɛ; nɔ tsuaa nɔ nɛ heɔ mi atuu ɔ, nɔ nɛ tsɔ mi ɔ lɛ e he atuu ɔ nɛ. Ejakaa nɔ nyafii pe kulaa ngɛ nyɛ tsuo nyɛ kpɛti ɔ, lɛ ji nɔmlɔ nguaa pe kulaa.”

Luka 9:48 ပူးပေါင်းရင်းမြစ်များ

Luka 14:11

Ejakaa nɔ tsuaa nɔ nɛ woɔ e he nɔ ɔ, a maa ba lɛ si, nɛ nɔ nɛ baa e he si ɔ, a ma wo e nɔ.”

1 Petro 5:6

Lɔ ɔ he ɔ, nyɛɛ ba nyɛ he si ngɛ Mawu nine nɛ he wa a sisi, konɛ e wo nyɛ nɔ ngɛ be nɛ sa mi.

Luka 22:26

Se nyɛɛ lɛɛ e be nyɛ ja; se mohu nɔ nɛ ji nɔ ngua ngɛ nyɛ kpɛti ɔ, e plɛ kaa jokuɛyo, nɛ nɔ nɛ ji nɔkɔtɔma a hu kaa nɔ nɛ sɔmɔɔ.

Yohane 13:20

I ngɛ nyɛ dee anɔkuale mi ke: Nɔ nɛ heɔ nɔ nɛ i tsɔ ɔ, imi nɔuu e heɔ ɔ nɛ. Nɛ nɔ nɛ heɔ mi ɔ, e heɔ nɔ nɛ tsɔ mi ɔ hulɔ.”

Luka 10:16

“Nɔ nɛ buɔ nyɛ tue ɔ, imi tue e buɔ ɔ nɛ; nɛ nɔ nɛ kuaa nyɛ ɔ, imi e kuaa a nɛ; nɛ nɔ nɛ kuaa mi ɔ, nɔ nɛ tsɔ mi ɔ e kuaa a nɛ.”

Kpojemi 3:21

Kunimi yelɔ ɔ, ma ha lɛ blɔ nɛ e kɛ mi nɛ hi ye matsɛ sɛ ɔ nɔ, kaa bɔ nɛ imi hu i ye kunimi nɛ i kɛ Tsaatsɛ hii si ngɛ e matsɛ sɛ ɔ nɔ ɔ.

1 Tesalonikabi 4:8

Lɔ ɔ he ɔ jehanɛ, nɔ nɛ bui tsɔɔmi nɛ ɔ ɔ, pi nɔmlɔ ko nɛ e bui ɔ, se mohu Mawu nɔ nɛ ngɔ e Mumi Klɔuklɔu ɔ ngɔ wo nyɛ mi ɔ ʼi.

Yohane 14:21

“Nɔ nɛ ngɔɔ ye kita amɛ nɛ e yeɔ nɔ ɔ, lɛ ji nɔ nɛ suɔ mi; nɛ nɔ nɛ suɔ mi ɔ, Tsaatsɛ maa suɔ lɛ, nɛ imi hu ma suɔ lɛ, nɛ ma je ye he si ngɔ tsɔɔ lɛ.”

Luka 22:30

konɛ nyɛɛ ye nɛ nyɛɛ nu ngɛ ye kplɔɔ ɔ he ngɛ ye matsɛ yemi ɔ mi, nɛ nyɛɛ hi sɛhi a nɔ nɛ nyɛɛ kojo Israel wɛtso nyɔngma kɛ enyɔ ɔ.”

Luka 7:28

I ngɛ nyɛ dee ke: Nihi nɛ yihi fɔ ɔmɛ a kpɛti ɔ, gbalɔ ko be nɛ pã Yohane; se nɔ nɛ ji nyafii ngɛ Mawu matsɛyemi ɔ mi ɔ pã lɛ.”

Marko 9:37

“Nɔ tsuaa nɔ nɛ heɔ jokuɛwi nɛ ngɛ kaa ni nɛ ɔmɛ a ti nɔ kake ngɛ ye biɛ mi ɔ, e heɔ mi; nɛ nɔ nɛ heɔ mi ɔ, tsa pi imi nɛ e ngɛ hee, se mohu nɔ nɛ tsɔ mi ɔ.”

Mateo 25:45

Kɛkɛ ɔ, e ma he nɔ nɛ e ma de mɛ ke: ‘Niinɛ, i ngɛ nyɛ dee ke: Ligbi abɔ kɛ̃ nɛ nyɛ pee we ngɔ hi nihi tsɔwi kulaa nɛ ɔmɛ a kpɛti nɔ kake ɔ, nyɛ pee we ngɔ hi mi hulɔ!’

Mateo 25:40

Nɛ matsɛ ɔ ma he nɔ nɛ e ma de mɛ ke: ‘Niinɛ, i ngɛ nyɛ dee ke: Ligbi abɔ kɛ̃ nɛ nyɛ pee ngɔ ha ye nyɛmimɛ nɛ ɔmɛ a ti nyafii kake ɔ, imi nɔuu nyɛ pee ngɔ ha a nɛ.’

Mateo 19:28

Se Yesu de mɛ ke: “Niinɛ, i ngɛ nyɛ dee ke; nyɛ nihi nɛ nyɛ nyɛɛ ye se nɛ ɔ ɔ, benɛ Nɔmlɔ Bi ɔ maa hi e nyami sɛ nɔ ngɛ je he ɔ mi ɔ, nyɛ hu nyɛ maa hi sɛ nyɔngma kɛ enyɔ nɔ, nɛ nyɛ maa kojo Israel wetso nyɔngma kɛ enyɔ ɔ.

Mateo 18:14

Ja nɔuu nɛ nyɛ tsɛ nɛ ngɛ hiɔwe ɔ sume kaa tsɔwi nɛ ɔmɛ a kpɛti kake laa.”

Mateo 18:10

“Nyɛɛ hyɛ saminyɛ konɛ nyɛ ko gbe ni tsɔwi nɛ ɔmɛ a ti nɔ kake he guɛ; ejakaa i ngɛ nyɛ dee ke, a bɔfohi nɛ ngɛ hiɔwe ɔ hyɛɛ Tsaatsɛ nɛ ngɛ hiɔwe ɔ hɛ mi daa.” [

Kpojemi 21:14

Nɛ ma a he gli ɔ ngɛ sisi tomihi (aloo fanesihi) ɔnyɔngma kɛ enyɔ, nɛ Tobi ɔ bɔfohi nyɔngma kɛ enyɔ ɔmɛ a biɛhi ngɛ a mi.