Luka 9:47 - Somi He Ɔ

⁴⁷ Se benɛ Yesu na le a tsui mi susumi ɔ, e ngɔ jokuɛ nyafii ko nɛ e kɛ lɛ ba da e kasa nya;

BAIBLO ALOO NGMAMI KLƆUKLƆU Ɔ

⁴⁷ Benɛ Yesu na a juɛmi ɔ, e ngɔ jokuɛ nyafii ko ba da e kasa nya,

Luka 9:47 ပူးပေါင်းရင်းမြစ်များ

Yohane 16:30

Jeha nɛ ɔ wa kɔ se kaa o le nihi tsuo nɛ e hia we kaa nɔ ko nɛ bi mo sane ko. Enɛ ɔ waa kɛ heɔ yeɔ kaa Mawu ngɔ o je.”

Kpojemi 2:23

Ma gbe e bimɛ ɔmɛ, nɛ asafo ɔmɛ kulaa ma na maa le kaa imi ji nɔ nɛ leɔ juɛmi kɛ tsui mi susumihi, nɛ ma wo nyɛ ti nɔ tsuaa nɔ hiɔ bɔ nɛ e ni tsumi ɔmɛ ngɛ ɔ.

Hebribi 4:13

A laa we bɔ nɔ́ ko ngɛ e hɛ mi, se nihi kulaa ngɛ paa nɛ a bli nɔ ngɛ lɛ nɔ nɛ waa kɛ ngɛ sane ɔ hɛngmɛ mi.

Luka 5:22

Se benɛ Yesu kpa a susumi ɔmɛ si ɔ, e bi mɛ ke: “Mɛni nyɛ ngɛ susue ngɛ nyɛ tsui mi ɔ?

Mateo 9:4

Nɛ benɛ Yesu na a juɛmi ɔ, e ke: “Mɛni he je nɛ nyɛ ngɛ ni yayahi susue ngɛ nyɛ tsui mi nɛɔ?

1 Korintobi 14:20

Mamimɛ, nyɛ ko pee nyɛ he jokuɛwi ngɛ juɛmi blɔfami, se yayami blɔfami ɔ, nyɛɛ pee nyɛ he bimwɔwi, se juɛmi blɔfami ɔ, nyɛɛ pee nyɛ he nihi nɛ a wa.

Yohane 21:17

Yesu bi lɛ nɔ́ nɛ ji si etɛ ke: “Simon, Yona bi, o suɔ mi lo?” E dɔ Petro kaa e bi lɛ si etɛ sɔuu ke: ‘O suɔ mo lo?’ ɔ; nɛ e de lɛ ke: “Mawetsɛ, o le nihi kulaa, o le kas i suɔ mo.” Yesu de lɛ ke: “Lɛɛ ye to omɛ!

Yohane 2:25

Nɛ e hia we lɛ kaa nɔ ko nɛ ye nɔmlɔ he odase ngɔ ha lɛ, ejakaa lɛ nitsɛ e le nɔ́ nɛ ngɛ nɔmlɔ mi.

Mateo 12:15

Se benɛ Yesu kpa enɛ ɔ si ɔ, e sa e he si kɛ je lejɛ ɔ. Nɛ nihi babauu nyɛɛ e se, nɛ e tsa mɛ tsuo,