Luka 9:43 - Somi He Ɔ

⁴³ Nɛ mɛ tsuo a nya kpɛ a he ngɛ Mawu he wami kpetekpleenyɛ ɔ he. Se benɛ ni ɔmɛ tsuo a hɛ mi pee mɛ yaa ngɛ nihi tsu nɛ Yesu pee ɔ he ɔ, e de e kaseli ɔmɛ ke:

BAIBLO ALOO NGMAMI KLƆUKLƆU Ɔ

⁴³ Mawu he wami kpetekpleenyɛ nɛ je kpo nɛ ɔ ha nɛ ni ɔmɛ tsuo a he mi po. Benɛ ni ɔmɛ a hɛ mi pee mɛ yaa ngɛ níhi tsuo nɛ Yesu ngɛ pee ɔ a he ɔ, e de e kaseli ɔmɛ ke,

Luka 9:43 ပူးပေါင်းရင်းမြစ်များ

Mateo 17:22

Benɛ a ngɛ si kpae ngɛ Galilea a, Yesu de mɛ ke: “A maa ngɔ Nɔmlɔ Bi ɔ ngɔ wo nimli a dɛ mi,

2 Petro 1:16

Ejakaa pi nyaziahi nɛ a sia ngɛ ga mi ɔ, se wa nyɛɛ kɛ jaje wa Nyɔmtsɛ Yesu Kristo he wami kɛ e bami ɔ he sane tsɔɔ nyɛ, se mohu wɔ ji odase yeli nɛ na e hɛ mi nyami kpete-kpleenyɛ ɔ kɛ wa hɛngmɛ.

Luka 8:25

Kɛkɛ nɛ e bi mɛ ke: “Jije nyɛ hemi kɛ yemi ngɛ?” Nɛ a ye gbeye nɛ a hɛ mi pee mɛ yaa nɛ a de a he ke: “Mɛni nɔmlɔ slɔɔto ko po je nɛ ɔ nɛ e ngaa kɔɔhiɔ kɛ nyu tete yi nɛ a buɔ lɛ tue nɛ ɔ?”

Luka 5:26

Nɛ mɛ tsuo a nya kpɛ a he, nɛ a wo Mawu hɛ mi nyami nɛ a ye gbeye wawɛɛ nɛ a ke: “Wa na nyakpɛ ni mwɔnɛ ɔ.”

Luka 4:36

Ni ɔmɛ tsuo a he nya si mɛ, nɛ a de a he ke: “Mɛni munyu ji nɛ ɔ! Ejakaa he blɔ kɛ hewami e kɛ hiaa mumi yayami ɔmɛ nɛ a jee kpo ɔ nɛ!”

Luka 5:9

Nɛ e kɛ nihi nɛ piɛ e he ɔ tsuo a he mi po ngɛ lo fuu nɛ a gbe ɔ he;

Marko 6:51

Nɛ e ba a ngɔ ngɛ lɛ ɔ mi, nɛ kɔɔhiɔ ɔ jɔɔ fiami. Nɛ a nya kpɛ a he nitsɛnitsɛ, nɛ a hɛ mi pee mɛ yaa.

Luka 9:42

Se benɛ jokuɛ ɔ ma a, mumi yayami ɔ po lɛ fɔ̃ si nɛ e ha e hua. Se Yesu nga mumi ɔ yi, nɛ e tsa jokuɛ ɔ, nɛ e ngɔ lɛ ngɔ ha e tsɛ ɔ ekohu.

Luka 18:43

Nɛ amlɔ ɔ nɔuu ɔ, e hyɛ nɔ, nɛ e nyɛɛ e se nɛ e wo Mawu hɛ mi nyami; nɛ benɛ asafo ɔ tsuo na a, a je Mawu yi.