Luka 9:33 - Somi He Ɔ

³³ Nɛ benɛ ni ɔmɛ ngɛ Yesu sie ɔ, Petro de Yesu ke: “Tsɔɔlɔ, e hi kaa waa hi hiɛ ɔ, nɛ ha nɛ waa ma bo tsu etɛ, o nɔ kake kɛ Mose nɔ kake kɛ Elia nɔ kake;” se e li nɔ nɛ e ngɛ dee ɔ.

BAIBLO ALOO NGMAMI KLƆUKLƆU Ɔ

³³ Benɛ nyumu ɔmɛ ngɛ Yesu sie ɔ, Petro de lɛ ke, “Nyɔmtsɛ, e hi kaa wa ngɛ hiɛ ɔ! Wa maa ma bo tsu etɛ, o nɔ́ kake, Mose nɔ́ kake, kɛ Eliya hu nɔ́ kake.” (Se e li nɔ́ nɛ e ngɛ dee tete).

Luka 9:33 ပူးပေါင်းရင်းမြစ်များ

2 Korintobi 4:6

Ejakaa Mawu nɛ de ke: “La nɛ je diblii mi nɛ e kpɛ” ɔ, lɛ nɔuu lɛ e kpɛ ngɛ wa tsui mi hulɔ, konɛ Mawu hɛ mi nyami he ni lemi ɔ nɛ kpɛ ngɛ Yesu Kristo hɛ mi.

Yohane 14:8

Filipo de lɛ ke: “Nyɔmtsɛ, tsɔɔ wɔ Tsɛ ɔ, nɛ lɔ ɔ hiɛ ha wɔ.”

Luka 5:5

Simon de lɛ ke: “Nyɔmtsɛ, nyɔ nɛ ɔ mi tsuo ɔ wa tsu ni gbegbelii se wa nɛ nɔ́ ko; se kɛ ɔ, ngɛ o munyu ɔ nya a, ma fɔ̃ ya a.”

Marko 10:38

Yesu de mɛ ke: “Nyɛ li nɔ́ nɛ nyɛ ngɛ bie ɔ; anɛ nyɛ ma nyɛ ɛye kplu ɔ nɛ ma nu ɛ maa nu, aloo nyɛ ma nyɛ nɛ a baptisi nyɛ kɛ baptisimi nɛ a kɛ maa baptisi mi ɔ lo?”

Mateo 17:14

Nɛ benɛ a su asafo ɔ ngɔ ɔ, nyumu ko ba e ngɔ, nɛ e ba kpla si ngɛ e hɛ mi,

Mateo 17:4

Nɛ maa je Petro nya a, e de Yesu ke: “Nyɔmtsɛ, e hi ha wɔ kaa waa hi hiɛ ɔ; ke o suɔ ɔ, ma pee bo tsuhi etɛ ngɛ hiɛ ɔ, o nɔ kake, kɛ Mose nɔ kake, kɛ Elia nɔ kake.”

Luka 9:34

Nɛ benɛ e ngɛ ni nɛ ɔmɛ dee ɔ, bɔku ko ba ha a nɔ; nɛ benɛ a sɛ bɔku ɔ mi ɔ, a ye gbeye.

Luka 9:49

Yohane he nɔ ke: “Tsɔɔlɔ, wa na nɔ ko nɛ e kɛ o biɛ ngɛ mumi yayami hiae, nɛ wa tsi lɛ blɔ, ejakaa e kɛ wɔ nyɛɛ we o se.”