Luka 9:32 - Somi He Ɔ

³² Se mahɛ gbe Petro kɛ nihi nɛ piɛ e he ɔ; nɛ benɛ a hɛ tsɛ kulaa a, a na e hɛ mi nyami ɔ kɛ nyumuhi enyɔ ɔmɛ nɛ a daa si ngɛ e kasa nya a.

BAIBLO ALOO NGMAMI KLƆUKLƆU Ɔ

³² Be nɛ ɔ mi tsuo ɔ, mahe gbe Petro kɛ e huɛmɛ ɔmɛ. Se benɛ a hɛ tsɛ̃ ɔ, a na Yesu hɛ mi nyami ɔ, kɛ nyumuhi enyɔ ɔmɛ nɛ daa si ngɛ e kasa nya a.

Luka 9:32 ပူးပေါင်းရင်းမြစ်များ

Yohane 1:14

Nɛ Munyu ɔ plɛ he lo, nɛ e ba hi wa kpɛti, nɛ wa na e hɛ mi nyami ɔ kaa Tsɛ ɔ Bi kaketoo ɔ hɛ mi nyami, nɛ dloomi kɛ anɔkuale hyi lɛ tɔtɔɔtɔ.

2 Petro 1:16

Ejakaa pi nyaziahi nɛ a sia ngɛ ga mi ɔ, se wa nyɛɛ kɛ jaje wa Nyɔmtsɛ Yesu Kristo he wami kɛ e bami ɔ he sane tsɔɔ nyɛ, se mohu wɔ ji odase yeli nɛ na e hɛ mi nyami kpete-kpleenyɛ ɔ kɛ wa hɛngmɛ.

Yohane 17:24

“Tsaatsɛ, nihi nɛ o ngɔ ha mi ɔ i suɔ kaa he nɛ i ngɛ ɔ mɛ hu a kɛ mi ba hi lejɛ ɔ, konɛ a na ye hɛ mi nyami nɛ o ngɔ ha mi ɔ, ejakaa o suɔ mi loko a to je ɔ sisi.

1 Yohane 3:2

Mamimɛ, jehanɛ ɔ, Mawu bimɛ ji wɔ, nɛ a na we nɛ a je bɔ nɛ wa maa hi ha a si; se wa le kaa benɛ Kristo ma pue ɔ, wa maa hi kaa lɛ, ejakaa wa maa na lɛ bɔ nɛ e ngɛ ɔ.

Marko 14:40

Nɛ benɛ e kpale e se kɛ ba ekohu ɔ, e ba na kaa a hwɔ mahɛ, ejakaa nyɔ gbe mɛ, nɛ a li nɔ heto nɛ a ngɛ lɛ hae.