Luka 9:26 - Somi He Ɔ

²⁶ Ejakaa nɔ tsuaa nɔ nɛ imi kɛ ye munyu ɔmɛ a he peɔ lɛ zo ɔ, lɛ hu e he maa pee Nɔmlɔ Bi ɔ zo benɛ e maa ba ngɛ lɛ nitse e nyami ɔ kɛ e tsɛ nɔ ɔ kɛ bɔfo klɔuklɔu ɔmɛ a nɔ ɔ mi ɔ.

BAIBLO ALOO NGMAMI KLƆUKLƆU Ɔ

²⁶ Nɔ tsuaa nɔ nɛ imi, kɛ ye munyu ɔ, wa he peeɔ lɛ zo ɔ, lɛ hu e he maa pee Nɔmlɔ Bi ɔ zo benɛ e maa ba ngɛ lɛ nitsɛ e hɛ mi nyami ɔ mi, kɛ e Tsɛ nɔ́ ɔ, kɛ bɔfo klɔuklɔu ɔmɛ a nɔ́ ɔ mi.

Luka 9:26 ပူးပေါင်းရင်းမြစ်များ

Mateo 16:27

Ejakaa nɔmlɔ Bi ɔ maa ba ngɛ e tsɛ nyami ɔ mi kɛ e bɔfo ɔmɛ; nɛ lɛ be ɔ mi ɔ, e maa wo nɔ tsuaa nɔ hiɔ ngɛ e ni tsumi nya.

Mateo 25:31

“Se benɛ Nɔmlɔ Bi ɔ maa ba ngɛ e nyami ɔ mi, nɛ bɔfo ɔmɛ tsuo maa piɛ e he ɔ, lɛ be ɔ mi ɔ, e maa hi e nyami sɛ ɔ nɔ;

Mateo 26:64

Yesu de lɛ ke: “Jã o de ɔ nɛ! Se i ngɛ nyɛ dee ke: Kɛ je be nɛ ɔ kɛ yaa a, nyɛ maa na Nɔmlɔ Bi ɔ kaa e hii si ngɛ he wami ɔ hiɛ ɔ nɔ, nɛ e ma ngɛ hiɔwe bɔku ɔmɛ a mi.”

Marko 8:38

Nɔ tsuaa nɔ nɛ imi kɛ ye munyu ɔmɛ a he peɔ lɛ zo ngɛ yi nɔ bi gba puɛli kɛ yayami peeli nɛ ɔmɛ a kpɛti ɔ, lɛ hu e he maa pee Nɔmlɔ Bi ɔ zo be mi nɛ e maa ba ngɛ e tsɛ nyami ɔ mi kɛ bɔfo klɔuklɔu ɔmɛ ɔ.

Yohane 12:43

ejakaa a suɔ nimli a hɛ mi nyami pe Mawu nɔ́.

Yohane 5:44

Nyɛ nɛ nyɛ ngɛ hɛ mi nyɛmi he hae ngɛ nyɛ kpɛti, se hɛ mi nyami nɛ jee Mawu kake too ɔ ngɔ ɔ lɛɛ nyɛ di se ɔ, kɛ maa pee kɛɛ nɛ nyɛ ma nyɛ he ye mɔ?

Ni Tsumi 10:22

Nɛ a ke: “Asafoatsɛ Kornelio, nɛ ji nyumu dalɔ kɛ Mawu gbeye yelɔ nɛ Yudafohi a ma mluku ɔ kulaa tuɔ e he munyu kpakpa a, lɛ hiɔwe bɔfo klɔuklɔu ko de lɛ ke e tsɔ nɛ a ba kpee mo kɛ ba e we ɔ mi, konɛ e bu o nya munyu tue.”

Romabi 1:16

Ejakaa Kristo Sane Kpakpa a he zo pee we mi, mɛni he je ɔ, e ji Mawu he wami nɛ a kɛ heɔ nɔ tsuaa nɔ nɛ heɔ yeɔ ɔ yi wami, Yuda no kekle kɛ Hela no hulɔ.

2 Korintobi 12:10

Lɔ ɔ he ɔ ngɛ Kristo he ɔ, ye bua jɔɔ ngɛ gbedee peemihi a mi, ngɛ hɛdo nihi a nami mi, ngɛ haomihi a mi, ngɛ yi wamihi a mi, ngɛ fimihi a mi; ejakaa ke i pee gbedee ɔ, kɔlɔ ɔ mohu i naa he wami.

Galatabi 6:14

Se imi lɛɛ e ya je ngɛ se lokoo kaa ma fia ngɔ fɔ nɔ́ ko nɔ kaa ja wa Nyɔmtsɛ Yesu Kristo sɛumi tso ɔ nɔ, kɔlɔ ɔ nɔuu nɔ a gu kɛ sɛu je ɔ ha mi, nɛ imi hu a sɛu mi ha je ɔ.

1 Timoteo 5:21

I ngɛ mo mlaa woe ngɛ Mawu kɛ Mawetsɛ Yesu Kristo kɛ e bɔfohi nɛ e hia amɛ a hɛ mi, kaa o ye ni nɛ ɔmɛ a nɔ nɛ o ko hyɛ nihi a hɛ mi kɛ kojo, nɛ jehanɛ hu, o ko hia nɔ mi.

2 Timoteo 1:12

kɔlɔ ɔ nɔuu he nɛ i ngɛ nɛ ɔ nae nɔ nɛ. Se kɛ ɔ, e pee we mi zo, ejakaa i le nɔ nɛ i he ye ɔ, nɛ i ngɛ he wami ngɛ nɔ kaa e ma nyɛ nihi nɛ e to ha mi ɔmɛ a he maa bu kɛ ya si jamɛ a Ligbi ɔ nɔ.

2 Timoteo 2:12

Ke wa mia wa hɛ mi ngɛ nɔ nami mi ɔ, waa kɛ lɛ maa ye matsɛ hulɔ; Ke wa kpa ngɛ e se ɔ, lɛ hu e ma kpa ngɛ wa se.

Hebribi 11:26

E bu Kristo ahluabɔmi ɔ kaa ni babauu pe Mizraim juetli, ejakaa e ngɛ hiɔwo ɔ hyɛe.

Hebribi 13:13

Lɔ ɔ he ɔ, jeha nɛ, nyɛ ha waa je kpo kɛ ya e ngɔ ngɛ sada a se nɛ wa ya tloo e ahlua bɔmi ɔ.

Yuda 1:14

Nimli nɛ ɔmɛ a he nɛ Henok nɔ nɛ ji nɔ kapaago kɛ je Adam nɔ ɔ gba ngɛ ke: “Oʼɛ, Nyɔmtsɛ ɔ ma kɛ e klɔuklɔu bihi akpe nyɔngma nyɔngmahi abɔ,

Kpojemi 1:7

Oʼɛ, e ma kɛ bɔku ɔmɛ, nɛ hɛngmɛ tsuaa hɛngmɛ maa na lɛ kɛ nihi nɛ gbɔɔ lɛ ni ɔ hulɔ, nɛ zugba a nɔ weku ɔmɛ kulaa maa wo ya ngɛ e he. Ee, Amen.

Kpojemi 20:11

Kɛkɛ nɛ i na matsɛ sɛ hiɔ ngua ko, kɛ nɔ nɛ hii si ngɛ nɔ ɔ, nɛ zugba kɛ hiɔwe tu fo ngɛ e hɛ mi, nɛ a nɛ blɔ ha mɛ.

Kpojemi 21:8

Se ninɛmɛ nɛ ji sfɔli kɛ ninɛmɛ nɛ he we yi kɛ nihi nɛ peɔ ninyɛ nihi kɛ awi yeli kɛ ya holi kɛ nyuali kɛ wɔ jali kɛ lakpatsɛmɛ kulaa a, a ma na a blɔ nya ngɛ taku ɔ nɛ ngɛ tsoe kɛ la gligliigli ɔ mi, nɔ́ nɛ ji gbenɔ nɛ ji enyɔ ɔ.”

Kpojemi 3:5

Kunimi yelɔ ɔ, a maa wo lɛ tade hiɔ, nɛ i be e biɛ gbee ngɛ wami womi ɔ mi gblegbleegblee, nɛ ma wo e biɛ ta ngɛ Tsaatsɛ hɛ mi kɛ e bɔfo ɔmɛ a hɛ mi.