Luka 8:47 - Somi He Ɔ

⁴⁷ Kɛkɛ nɛ benɛ yo ɔ na kaa e hi lɛ laami hu ɔ, e kɛ hedomi ba ba kpla si ngɛ e hɛ mi, nɛ e ba jaje nɔ́ he je nɛ e ta e he ɔ kɛ bɔ nɛ e he wa lɛ amlɔ ɔ nɔuu ɔ.

BAIBLO ALOO NGMAMI KLƆUKLƆU Ɔ

⁴⁷ Jehanɛ ɔ, benɛ yo ɔ na kaa e hí lɛ laami hu ɔ, e kɛ he domi blibliibli ba kpla si ngɛ Yesu nane nya. Ngɛ ni ɔmɛ tsuo a hɛ mi ɔ, e de lɛ nɔ́ he je nɛ e ta e he ɔ, kɛ bɔ nɛ a tsa lɛ amlɔ nɔuu ɔ.

Luka 8:47 ပူးပေါင်းရင်းမြစ်များ

Marko 5:33

Se akɛnɛ yo ɔ le nɔ́ nɛ a pee ha lɛ he je ɔ, e kɛ gbeye yemi kɛ he domi ba nɔ si ngɛ e hɛ mi, nɛ e de lɛ anɔkuale ɔ tsuo.

2 Korintobi 7:15

Nɛ e ngɛ nyɛ he tsui babauu pe kekle ɔ, ejakaa e kaii nyɛ kulaa nyɛ tue bumi ɔ, bɔ nɛ nyɛɛ kɛ gbeye yemi kɛ he domi he lɛ hɛmuɔ ɔ.

Hebribi 12:28

Lɔ ɔ he ɔ, akɛnɛ wa na matsɛ yemi nɛ a be nyɛe ma mimiɛ nɛ ɔ ɔ, nyɛ ha waa na si, nɛ wa kɛ sɔmɔ Mawu bɔ nɛ sa e hɛ mi kɛ bu kɛ gbeye yemi;

1 Korintobi 2:3

Nɛ i kɛ nyɛ hi si ngɛ gbɔjɔmi kɛ gbeyeyemi kɛ hedomi babauu mi;

Ni Tsumi 16:29

Kɛkɛ nɛ pã mi tsɛmɛ a nɔ hyɛlɔ ɔ tsɛ nɛ a ba ha lɛ la, nɛ e sa fo kɛ sɛ tsu ɔ mi, nɛ e kɛ hedomi be nɔ Paulo kɛ Sila hɛ mi;

Filipibi 2:12

Lɔ ɔ he ɔ, mamimɛ, kaa bɔ nɛ nyɛ buɔ tue daa nɛ ɔ, pi benɛ i kɛ nyɛ ngɛ ɔ kɛkɛ, se mohu titli ɔ, jehanɛ nɛ i be nyɛ ngɔ nɛ ɔ hu ɔ, nyɛɛ kɛ gbeye yemi kɛ he domi nɛ tsu nyɛ nitsɛmɛ nyɛ yi wami hemi ɔ he ni,

Mateo 28:8

Nɛ a pue nɔ kɛ je nɔpu he ɔ esɔ esɔ kɛ gbeye kɛ nyami babauu, nɛ a hɛɛ fo konɛ a ya sɛɛ ha e kaseli ɔmɛ.

Luka 8:46

Se Yesu ke: “Nɔ ko ta ye he, ejakaa i nu he kaa hewami ko je ye mi.’

Luka 8:48

Yesu de lɛ ngɛ asafo ɔ kulaa hɛ mi ke: “Biyo, o tsui nɛ nɔ o mi, o hemi kɛ yemi tsa mo; yaa ngɛ hejɔmi mi!”