Luka 8:39 - Somi He Ɔ

³⁹ “Kpale o se kɛ ho o we mi ya, nɛ o ya sɛ̃ɛ ni nguahi nɛ Mawu pee ha mo ɔ.” Nɛ e pue nɔ kɛ ho nɛ e ya fiɛ ni nguahi nɛ Yesu pee ha lɛ ɔ ngɛ ma a mi tsuo.

BAIBLO ALOO NGMAMI KLƆUKLƆU Ɔ

³⁹ “Kpale o se kɛ ho we mi ya, nɛ o ya sɛɛ nɔ́ nɛ Mawu pee ha mo ɔ.” Kɛkɛ nɛ nyumu ɔ ya kpa ma a mi tsuo, nɛ e ngɛ nɔ́ nɛ Yesu pee ha lɛ ɔ fiɛe.

Luka 8:39 ပူးပေါင်းရင်းမြစ်များ

1 Timoteo 5:8

Ke nɔ ko hyɛ we lɛ nitsɛ e nihi, titli ɔ, lɛ nitsɛ e we mi bimɛ ɔ, e kpa ngɛ hemi kɛ yemi ɔ se, nɛ afani nɔ nɛ he we yi ɔ ngɛ e he.

Yohane 4:29

“Nyɛɛ ba nɛ nyɛ ba hyɛ nyumu ko nɛ jaje nihi tsuo nɛ i pee ɔ ngɔ ha mi, kaa pi Kristo ɔ ji nɛ ɔ lo?”

Marko 1:45

Se lɛɛ e pue nɔ kɛ ho nɛ e ya bɔni sane ɔ fiɛmi ngɛ he tsuaa he. Enɛ ɔ ha sane ɔ gbɛ fia bɔ nɛ Yesu nyɛ we nɛ e je paa kɛ sɛ ma ko mi hu; se e hi nga a nɔ he komɛ banee, nɛ nihi jee he tsuaa he baa engɔ.

Marko 5:18

Nɛ benɛ Yesu ngɛ lɛ ɔ mi sɛe ɔ, nyumu nɛ jinɛ mumi yayami hi e mi ɔ kpa lɛ pɛɛ nɛ e ha e kɛ lɛ nɛ hi si.

Marko 5:19

Se Yesu kplɛɛ we; mohu e de lɛ ke: “Kpale o se nɛ o ya we mi kɛ o wekuli a ngɔ nɛ o ya sɛɛ ni nguahi nɛ Nyɔmtsɛ ɔ pee ha mo ɔ, kɛ mɔbɔ nɛ e na mo ɔ ha mɛ!”

Luka 8:38

Nyumu ɔ nɛ mumi yayami ɔmɛ je e mi ɔ kpa Yesu pɛɛ ke e ngmɛ lɛ blɔ nɛ e kɛ lɛ nɛ hi si. Se Yesu wo lɛ blɔ nɛ e de lɛ ke:

Luka 8:40

Jeha nɛ ɔ benɛ Yesu kpale e se kɛ ba a, asafo ɔ nya e he, ejakaa mɛ tsuo a ngɛ lɛ mlɛe.