Luka 8:35 - Somi He Ɔ

³⁵ Kɛkɛ nɛ ni ɔmɛ je kpo kɛ ho nɔ́ nɛ a pee ɔ hyɛmi ya; nɛ a ba Yesu ngɔ nɛ a ba na nyumu nɛ mumi yayami ɔmɛ je e mi ɔ nɛ e hii si ngɛ Yesu nane nya nɛ e wo tade, nɛ e hɛ mi tsɔ lɛ, nɛ a ye gbeye.

BAIBLO ALOO NGMAMI KLƆUKLƆU Ɔ

³⁵ nɛ nihi je kpo kɛ ba, konɛ a ba hyɛ. Benɛ a ba su Yesu ngɔ ɔ, a na nyumu ɔ nɛ mumi yayami ɔmɛ je e mi ɔ nɛ e hii si ngɛ Yesu nane nya. E wo tade, nɛ e hɛ mi tsɔ lɛ. Nɛ mɛ tsuo a ye gbeye.

Luka 8:35 ပူးပေါင်းရင်းမြစ်များ

Luka 10:39

Marta ngɛ nyɛmi yo ko nɛ a tsɛɛ lɛ Maria, nɛ lɛ hu e ba hi si ngɛ Yesu nane nya nɛ e bu e munyu ɔ tue.

1 Yohane 3:8

Nɔ nɛ peɔ yayami ɔ, e je abosiami mi, ejakaa kɛ je sisije lokoo nɛ abosiami pee yayami. Enɛ ɔ he nɛ Mawu Bi ɔ je e he kpo konɛ e puɛ abosiami ni tsumi ɔmɛ ɔ nɛ.

Ni Tsumi 22:3

“I mi lɛɛ Yuda no ji mi, nɛ a fɔ mi ngɛ Tarso ngɛ Kilikia mohu, se ma nɛ ɔ mi a lɛ mi ngɛ, nɛ Gamaliel nane nya a tsɔse mi ngɛ, ngɛ wa tsɛmɛ ɔmɛ a Mlaa a nya fitsofitso, nɛ ye hɛ dɔɔ ngɛ Mawu sane he, kaa bɔ nɛ nyɛ tsuo nyɛ ngɛ pee mwɔnɛ nɛ ɔ.

Luka 8:27

Nɛ benɛ e ba kple ɔ, nyumu ko nɛ mumi yayamihi ngɛ e mi nɛ je ma a mi kɛ lɛ ba kpe. Nɛ e wui tade gblee, nɛ e hi we mi ja yɔkɔhi a mi kɛkɛ.

Luka 15:17

Nɛ benɛ e hɛ mi tsɔ lɛ ɔ, e ke: ‘Yaa hyɛ tsaatsɛ apaatsɛmɛ abɔ sɔuu nɛ ngɛ niyeni babauu nɛ a pee we he nɔ ko, nɛ imi lɛɛ hwɔ gɛ mi gbee ngɛ hiɛ ɔ nɛ ɔ.

Luka 2:46

Nɛ e ba mi kaa ligbi etɛ se ɔ, a ya na lɛ ngɛ sɔlemi we ɔ nɛ e hii si ngɛ tsɔɔli ɔmɛ a kpɛti nɛ e ngɛ mɛ tue bue, nɛ e ngɛ mɛ ni bie.

Marko 5:15

A ba Yesu ngɔ nɛ a ba na nyumu nɛ jinɛ mumihi asafo ngɛ e mi ɔ nɛ e hii si nɛ e wo tade nɛ e hɛ mi tsɔ lɛ; nɛ e pee mɛ gbeye.

Mateo 4:24

Nɛ e he sane gbɛ fia Siria tsuo, nɛ a kɛ nihi nɛ be saminya nɛ hiɔhi kɛ piimi slɔɔtohi hɛɛ mɛ kɛ nihi nɛ mumi yayamihi ngɛ a mi kɛ godotsɛmɛ kɛ nihi nɛ a gbɔjɔ ba e ngɔ nɛ e tsa mɛ.

Luka 8:34

Nɛ benɛ nihi nɛ ngɛ kpotoo ɔmɛ hyɛe ɔ na nɔ́ nɛ a pee ɔ, a tu fo nɛ a ya sɛ̃ɛ ngɛ ma a kɛ kɔpe ɔmɛ a mi.