Luka 8:30 - Somi He Ɔ

³⁰ Yesu bi lɛ ke: “Kɛ a tsɛɛ mo kɛɛ?” Nɛ e ke: “Asafo;” ejakaa mumi yayamihi fuu lɛ a ngɛ ye mi ɔ nɛ.

BAIBLO ALOO NGMAMI KLƆUKLƆU Ɔ

³⁰ Jehanɛ ɔ, Yesu bi nyumu ɔ ke, “Kɛ a tsɛɛ mo kɛɛ?” E he nɔ ke, “Asafo”, ejakaa mumi yayamihi fuu lɛ ngɛ e mi.

Luka 8:30 ပူးပေါင်းရင်းမြစ်များ

Mateo 26:53

Aloo o susu kaa i be nyɛe Tsaatsɛ pɛɛ ma kpa nɛ amlɔ nɛ ɔ nɔuu e ma ha mi hiɔwe bɔfohi pe asafo nyɔnmga kɛ enyɔ nɛ a ba fã ye he?

Luka 8:2

kɛ yi komɛ hu nɛ a hia a mumi yayamihi nɛ a tsa a hiɔhi: Maria, nɔ nɛ a tsɛɛ lɛ Magdalena, nɔ nɛ mumi yayami kpaago je e mi ɔ,

Marko 16:9

Benɛ Yesu te si mɔtu mla ngɛ otsi ɔ kekleekle ligbi ɔ nɔ ɔ, nɔ kekleekle nɛ e je e he kpo tsɔɔ ji Maria Magdalena, nɔ nɛ mi nɛ pe hia mumi yayamihi kpaago kɛ je ɔ.

Mateo 8:29

Nɛ oʼɛ, a kpa ngmlaa ke: “Mɛni sane waa kɛ mo ngɛ mo Yesu, Mawu bi ɔ? Anɛ o ba wɔ dengme womi loko be ɔ nɛ su lo?”

Marko 5:9

Kɛkɛ nɛ Yesu bi lɛ ke: “O biɛ nɛɛ?” Nyumu ɔ he nɔ ke: “Ye biɛ ji Asafo, ejakaa wa he hiɛ!

Mateo 4:24

Nɛ e he sane gbɛ fia Siria tsuo, nɛ a kɛ nihi nɛ be saminya nɛ hiɔhi kɛ piimi slɔɔtohi hɛɛ mɛ kɛ nihi nɛ mumi yayamihi ngɛ a mi kɛ godotsɛmɛ kɛ nihi nɛ a gbɔjɔ ba e ngɔ nɛ e tsa mɛ.

Luka 8:29

Ejakaa Yesu nga mumi yayami ɔ yi ke e je nyumu ɔ mi. E nuu lɛ kpitikpiti, nɛ a woɔ lɛ kɔsɔkɔsɔhi nɛ a kaa lɛ pã kɛ tsiɔ e nya, se etsɔɔ nihi nɛ a kɛ woɔ lɛ ɔmɛ a mi, nɛ mumi yayami ɔ kpakaa lɛ kɛ yaa nga a mi.