Luka 8:29 - Somi He Ɔ

²⁹ Ejakaa Yesu nga mumi yayami ɔ yi ke e je nyumu ɔ mi. E nuu lɛ kpitikpiti, nɛ a woɔ lɛ kɔsɔkɔsɔhi nɛ a kaa lɛ pã kɛ tsiɔ e nya, se etsɔɔ nihi nɛ a kɛ woɔ lɛ ɔmɛ a mi, nɛ mumi yayami ɔ kpakaa lɛ kɛ yaa nga a mi.

BAIBLO ALOO NGMAMI KLƆUKLƆU Ɔ

²⁹ Nyumu ɔ de ja, ejakaa Yesu nga mumi yayami ɔ yi ke e je e mi. Behi fuu ke mumi yayami ɔ nu lɛ fɔ si kikɛ nɛ ɔ, a maa tsi e nya, nɛ a maa wo lɛ kɔsɔkɔsɔ. Se kɛ̃, e ma tsɔ kɔsɔkɔsɔ ɔ, nɛ mumi yayami ɔ maa wo lɛ fo kɛ ya nga a nɔ.

Luka 8:29 ပူးပေါင်းရင်းမြစ်များ

Luka 9:42

Se benɛ jokuɛ ɔ ma a, mumi yayami ɔ po lɛ fɔ̃ si nɛ e ha e hua. Se Yesu nga mumi ɔ yi, nɛ e tsa jokuɛ ɔ, nɛ e ngɔ lɛ ngɔ ha e tsɛ ɔ ekohu.

Luka 9:39

Oʼɛ, mumi ko nuu lɛ nɛ e kpaa ngmlaa tlukaa, nɛ e haa e huaa gɛgɛnii, nɛ e nya fiaa hwɔli, nɛ e gbɔnyɔɔ lɛ hluu loko e jee e mi.

Marko 5:8

(E de enɛ ɔ) ejakaa Yesu ke: “Jee nɔmlɔ nɛ ɔ mi, mo mumi yayami!”

Luka 8:28

Nɛ be nɛ e na Yesu ɔ, e kpa ngmlaa wawɛɛ nɛ e ba kpla si ngɛ e hɛ mi, nɛ e kɛ gbi wawɛɛ de ke: “Mɛni sane i kɛ mo ngɛ, mo Yesu, Mawu nɛ ngɛ hiɔwe lokoo ɔ bi? I kpa mo pɛɛ ko pii mi!”

Luka 8:30

Yesu bi lɛ ke: “Kɛ a tsɛɛ mo kɛɛ?” Nɛ e ke: “Asafo;” ejakaa mumi yayamihi fuu lɛ a ngɛ ye mi ɔ nɛ.