Luka 8:28 - Somi He Ɔ

²⁸ Nɛ be nɛ e na Yesu ɔ, e kpa ngmlaa wawɛɛ nɛ e ba kpla si ngɛ e hɛ mi, nɛ e kɛ gbi wawɛɛ de ke: “Mɛni sane i kɛ mo ngɛ, mo Yesu, Mawu nɛ ngɛ hiɔwe lokoo ɔ bi? I kpa mo pɛɛ ko pii mi!”

BAIBLO ALOO NGMAMI KLƆUKLƆU Ɔ

²⁸ Benɛ e na Yesu ɔ, e hia ngmlaa nɛ e ho ya kpla si ngɛ e nane nya, nɛ e kɛ ngmlaa de ke, “Yesu, Hiɔwe Mawu No ɔ Bi! Mɛni sane i kɛ mo ngɛ? I kpa mo pɛɛ, koo hao mi!”

Luka 8:28 ပူးပေါင်းရင်းမြစ်များ

Mateo 8:29

Nɛ oʼɛ, a kpa ngmlaa ke: “Mɛni sane waa kɛ mo ngɛ mo Yesu, Mawu bi ɔ? Anɛ o ba wɔ dengme womi loko be ɔ nɛ su lo?”

2 Petro 2:4

Ejakaa Mawu ngɔɛ bɔfohi nɛ pee yayami ɔmɛ a he ngɔ ki mɛ, se mohu e tsitsɛɛ mɛ wo gbeje muɔ mi, he nɛ a fi mɛ kɛ diblii kpa ngɔ to ha kojomi.

Kpojemi 20:10

Nɛ Abosiami ɔ nɛ sisi mɛ ɔ, a ngɔ lɛ ngɔ wo la gligliigli taku ɔ mi, he nɛ lohwe ɔ kɛ lakpa gbalɔ ɔ hu ngɛ ɔ, nɛ a ma pii mɛ nyɔ kɛ pia kɛ maa ya neneene kɛ neneene.

1 Yohane 3:8

Nɔ nɛ peɔ yayami ɔ, e je abosiami mi, ejakaa kɛ je sisije lokoo nɛ abosiami pee yayami. Enɛ ɔ he nɛ Mawu Bi ɔ je e he kpo konɛ e puɛ abosiami ni tsumi ɔmɛ ɔ nɛ.

Yakobo 2:19

Moo lɛɛ o heɔ yeɔ kaa Mawu ɔ nɔ kake ʼi. O pee saminya! Mumi yayami ɔmɛ hu heɔ yee ja, nɛ a he doo kɛ gbeye yemi.

Luka 8:27

Nɛ benɛ e ba kple ɔ, nyumu ko nɛ mumi yayamihi ngɛ e mi nɛ je ma a mi kɛ lɛ ba kpe. Nɛ e wui tade gblee, nɛ e hi we mi ja yɔkɔhi a mi kɛkɛ.

Luka 8:29

Ejakaa Yesu nga mumi yayami ɔ yi ke e je nyumu ɔ mi. E nuu lɛ kpitikpiti, nɛ a woɔ lɛ kɔsɔkɔsɔhi nɛ a kaa lɛ pã kɛ tsiɔ e nya, se etsɔɔ nihi nɛ a kɛ woɔ lɛ ɔmɛ a mi, nɛ mumi yayami ɔ kpakaa lɛ kɛ yaa nga a mi.