Luka 8:15 - Somi He Ɔ

¹⁵ Se zugba kpakpa mi nɔ́ ɔ ji nihi nɛ benɛ a nu munyu ɔ, a kɛ toɔ tsui kpakpa mi, nɛ a kɛ tsui si tomi hɛɛ mi nɛ a woɔ yiblii.”

BAIBLO ALOO NGMAMI KLƆUKLƆU Ɔ

¹⁵ Wuhi nɛ ya pue zugba kpakpa mi ɔ daa si ha nihi nɛ a tsui mi hi, nɛ a yeɔ anɔkuale. Mɛɛ lɛɛ ke a nu Mawu munyu ɔ, a tsuɔ he ní hluu kɛ ya siɔ e woɔ yiblii.

Luka 8:15 ပူးပေါင်းရင်းမြစ်များ

Mateo 24:13

Se nɔ nɛ hɛɛ mi kɛ pii si ɔ, lɛ e yiwami a ma he.

Luka 11:28

Se Yesu he nɔ ke: “E ngɛ mi ja mohu, se a gbaa ninɛmɛ nɛ nuɔ Mawu munyu ɔ nɛ a yeɔ nɔ ɔ!”

Luka 6:45

Nɔmlɔ kpakpa jeɔ nɔ́ kpakpa kɛ jee e tsui mi juetli kpakpa a mi, nɛ nɔmlɔ yayami hu jeɔ nɔ́ yaya kɛ jee e tsui mi juetli yaya a mi, ejakaa nɔ́ nɛ hyi nɔmlɔ tsui kɛ be nɔ ɔ, lɔ ɔ e nya deɔ.”

Luka 8:14

Nɛ nɔ́ nɛ ya nɔ miohi a kpɛti ɔ ji nihi nɛ benɛ a nu ɔ, a yaa, se je nɛ ɔ mi he nya gbamihi kɛ ni namihi kɛ je mi ngɔmi yemi gbee mɛ nɛ a wui yiblii nɛ hi kɛ pi si.

Luka 8:16

“Nɔ ko su we kane nɛ e kɛ sowe bu nɔ aloo nɛ e kɛ ma sa tso sisi; se mohu kane tso nɔ e kɛ maa konɛ nihi nɛ ma a nɛ na la a.

Yohane 14:15

“Ke nyɛ suɔ mi ɔ, nyɛ maa ye ye kita amɛ a nɔ.

Yohane 15:10

Ke nyɛ ye ye kita amɛ a nɔ ɔ, nyɛ maa hi ye suɔmi ɔ mi; kaa bɔ nɛ imi hu i ye Tsaatsɛ kita amɛ a nɔ nɛ i ngɛ e suɔmi ɔ mi ɔ.

Romabi 2:7

Nihi nɛ kɛ kpakpa peemi kɛ tsui si tomi hlaa hɛ mi nyami kɛ bu kɛ si himi nɛ puɛ we ɔ, Mawu ma ha mɛ neneene wami.

Romabi 6:22

Se jeha nɛ ɔ, nɛ a kpɔ nyɛ kɛ je yayami dɛ mi nɛ nyɛ plɛ Mawu nyɔguɛhi nɛ ɔ, nyɛɛ wo yiblii ha klɔuklɔu peemi nɛ we nyagbe ji neneene wami ɔ.

Romabi 7:18

Ejakaa i le kaa ye mi, lɔ ɔ ji ye he lo ɔ mi ɔ, nɔ́ ko kpakpa ko be lejɛ ɔ; ejakaa suɔmi ɔ i ngɛ eko mohu, se kpakpa peemi lɛ bɔ mi.

Romabi 7:4

Mamimɛ, ja nɔuu nyɛ hu a kɛ Kristo nɔmlɔ tso ɔ gbe nyɛ ngɔ ha Mlaa a, konɛ nyɛ plɛ nɔ kpa na ji nɔ nɛ a tle lɛ si kɛ je gbeje ɔ nihi, konɛ waa wo yiblii ha Mawu.

Romabi 8:25

Se ke nɔ́ nɛ wa nɛ́ ɔ nɔ wa hɛ ngɛ ɔ, lɛɛ wa kɛ tsui si tomi hyɛɛ lɛ blɔ.

1 Korintobi 7:19

Nɔpomi pi nɔ́ ko, nɛ mɔmlɔtɔ hu pi nɔ́ ko, se Mawu kita amɛ a nɔ yemi mohu ji nɔ́ nɛ he hia.

Efesobi 2:8

Ejakaa dloomi a kɛ he nyɛ yi wami kɛ gu hemi kɛ yemi nɔ, nɛ enɛ ɔ lɛɛ, pi nyɛ mi nɛ e je, Mawu nɔke nɔ ʼi,

Filipibi 1:11

nɛ dami yiblii nɛ a woɔ ngɛ Yesu Kristo mi ɔ nɛ hyi nyɛ tɔtɔɔtɔ kɛ ha Mawu hɛ mi nyami womi kɛ yi jemi.

Kolosebi 1:10

konɛ nyɛɛ nyɛɛ bɔ nɛ sa Nyɔmtsɛ ɔ nɛ e sa e hɛ mi saminya, nɛ nyɛɛ wo yiblii ngɛ ni tsumi kpakpa tsuaa ni tsumi kpakpa mi;

Kolosebi 1:6

nɔ́ nɛ su nyɛ ngɔ kaa bɔ nɛ e ngɛ ngɛ je mluku ɔ kulaa mi, nɛ e woɔ yiblii nɛ e kekee kaa bɔ nɛ e peɔ ngɛ nyɛ hu nyɛ kpɛti kɛ je ligbi nɛ nyɛ nu nɛ nyɛ na le Mawu dloomi ɔ ngɛ anɔkuale mi ɔ:

Hebribi 10:36

Tsui si tomi he hia nyɛ, konɛ nyɛɛ pee Mawu suɔmi nya ni, nɛ nyɛ nine nɛ e su siwomi ɔ nɔ.

Hebribi 2:1

Lɔ ɔ he ɔ e sa kaa waa pɛtɛ nihi nɛ wa nu ɔmɛ a he wawɛɛ konɛ wa ko tsɔ kɛ je he.

Yakobo 1:4

Nyɛ ha tsui si tomi ɔ nɛ gbe e nitsumi nya kɛ pi si, konɛ nyɛɛ hi kɛ pi si, nɛ nyɛɛ su, nɛ e ko piɛ nyɛ nɔ́ ko nɔ́ ko.

1 Yohane 2:3

Nɛ enɛ ɔ waa kɛ maa nɔ mi kaa wa le lɛ, ke wa yeɔ e kita amɛ a nɔ ɔ.