Luka 7:16 - Somi He Ɔ

¹⁶ Nɛ gbeye nu mɛ tsuo, nɛ a wo Mawu hɛ mi nyami ke: “Gbalɔ kpetekpleenyɛ te si ngɛ wa kpɛti, nɛ Mawu ba slaa e ma a.”

BAIBLO ALOO NGMAMI KLƆUKLƆU Ɔ

¹⁶ Gbeye nu ni ɔmɛ tsuo, nɛ a je Mawu yi, nɛ a de ke, “Gbalɔ nguaa ko te si ngɛ wa kpɛti! Mawu ba, konɛ e ba kpɔ wɔ, e ma a!”

Luka 7:16 ပူးပေါင်းရင်းမြစ်များ

Mateo 15:31

Nɛ asafo ɔmɛ a nya kpɛ a he, benɛ a na kaa amuɛti ɔmɛ ngɛ munyu tue, nɛ glɔtsɛmɛ ɔmɛ a he mi wa mɛ, nɛ nihi nɛ a hule ɔmɛ ngɛ nyɛɛ, nɛ hɛ yuyuili ɔmɛ ngɛ nɔ hyɛe ɔ, nɛ a wo Israel Mawu ɔ hɛ mi nyami.

Mateo 21:11

Se asafo ɔ ke: “Nɔ nɛ ɔ ji Yesu, gbalɔ nɛ je Nazaret ngɛ Galilea a nɛ.”

Mateo 28:8

Nɛ a pue nɔ kɛ je nɔpu he ɔ esɔ esɔ kɛ gbeye kɛ nyami babauu, nɛ a hɛɛ fo konɛ a ya sɛɛ ha e kaseli ɔmɛ.

Mateo 9:8

Se benɛ asafo ɔ na a, a nya kpɛ a he, nɛ a wo Mawu hɛ mi nyami kaa e ngɔ kikɛmɛ a he blɔ ha nimli.

Luka 1:65

Nɛ gbeye nu e pakabi ɔmɛ tsuo, nɛ a tu ni nɛ ɔmɛ tsuo he munyu ngɛ Yudea yoku ɔmɛ kulaa nɔ.

Luka 1:68

“A gbaa Nyɔmtsɛ, Israel Mawu ɔ, Kaa de ba slaa e ma a, nɛ e tsu Kpɔmi nihi ha mɛ,

Luka 19:44

nɛ a maa ngɔ mo ngɔ fia si kɛ o bimɛ nɛ ngɛ o mi ɔ, nɛ a be tɛ kake sie ngɛ eko nɔ ngɛ o mi, ejakaa o yo we o slaami be ɔ!”

Luka 2:20

Nɛ to hyɛli ɔmɛ kpale a se nɛ a wo Mawu hɛ mi nyami, nɛ a je e yi ngɛ nihi tsuo kulaa nɛ a nu nɛ a na a he, kaa bɔ nɛ a sɛɛ ngɔ ha mɛ ɔ.

Luka 24:19

Nɛ e bi mɛ ke: “Mɛni sanehi?” Nɛ a de lɛ ke: “Yesu Nazareno ɔ nɛ ji gbalɔ nɛ ngɛ he wami ngɛ ni tsumi kɛ munyu tumi mi ngɛ Mawu kɛ ma a tsuo hɛ mi ɔ he sane ɔmɛ,

Luka 5:26

Nɛ mɛ tsuo a nya kpɛ a he, nɛ a wo Mawu hɛ mi nyami nɛ a ye gbeye wawɛɛ nɛ a ke: “Wa na nyakpɛ ni mwɔnɛ ɔ.”

Luka 5:8

Benɛ Simon Petro na enɛ ɔ ɔ, e nɔ si ngɛ Yesu nane nya nɛ e ke: “Nyɔmtsɛ jee ye kasa nya, ejakaa yayami peelɔ ji mi!”

Luka 7:15

Nɛ nɔ nɛ gbo ɔ te si hi si, nɛ e bɔni munyu tumi; nɛ e ngɔ lɛ ha e nyɛ.

Luka 7:39

Se benɛ Farisifono ɔ nɛ tsɛ Yesu ni yemi ɔ na a, e de ngɛ e mi ke: “Nɔmlɔ nɛ ɔ gbalɔ ji lɛ jinɛ e maa le nɔ́ nɔmlɔ kɛ nɔ́ yo nɛ ngɛ e he tae nɛ ɔ kaa yayami peelɔ ji lɛ.”

Luka 8:37

Kɛkɛ nɛ Gergesebi ɔmɛ nɛ ngɛ lejɛ ɔ ni ɔmɛ a mi ɔ tsuo ba ba kpa Yesu pɛɛ ke e je a ngɔ nɛ e ho, ejakaa gbeye nu mɛ nitsɛnitsɛ. Lɔ ɔ he ɔ e ya sɛ lɛ ɔ mi kɛ kpale e se.

Luka 9:19

A ha lɛ heto ke: “Yohane, baptisilɔ ɔ; nɛ ni komɛ deɔ ke: Elia; nɛ ni kpa komɛ hu deɔ ke: Blema gbali ɔmɛ a ti nɔ ko lɛ e te si ekohu.”

Yohane 1:21

Nɛ a bi lɛ ke: “Mɛnɔ ji mo mɔ? Elia ji mo lo?” Nɛ e ke: “Tsa pi lɛ ji mi.” “Gbalɔ ji mo lo?” Nɛ e he nɔ ke: “Dɛbi.”

Yohane 1:25

nɛ a ba bi lɛ ke: “Ke pi mo ji Kristo ɔ, loo Elia loo gbalɔ ɔ, lɛɛ mɛni he je o ngɛ baptisie mɔ?”

Yohane 4:19

Yo ɔ de lɛ ke: “Nyɔmtsɛ, i na kaa gbalɔ ji mo.

Yohane 6:14

Lɔ ɔ he ɔ benɛ ni ɔmɛ na okadi nɛ Yesu pee ɔ, a ke: “Niinɛ, nɔ nɛ ɔ ji gbalɔ ɔ nɛ ma je ɔ mi ɔ nɛ.”

Yohane 9:17

Kɛkɛ nɛ a bi hɛ yuyuilɔ ɔ ke: “Mo hu kɛ o ngɛ dee ngɛ e he kɛɛ, akɛnɛ e bli o hɛngmɛ ɔ?” Nɛ e ke: “Gbalɔ ji lɛ.”

Ni Tsumi 5:5

Nɛ benɛ Anania nu kikɛmɛ a munyu nɛ ɔmɛ ɔ, e nɔ si nɛ e gbo. Nɛ gbeye ngua nu ni ɔmɛ tsuo nɛ nu ɔ.

Ni Tsumi 7:37

Lɛ ji jamɛ a Mose nɛ de Israelbi ɔmɛ ke: ‘Nyɔmtsɛ nyɛ Mawu ɔ ma tle gbalɔ ko nɛ ngɛ kaa imi si kɛ maa je nyɛ nyɛmimɛ ɔmɛ a kpɛti ngɔ ha nyɛ; nyɛɛ bu lɛ tue.’

Galatabi 1:24

nɛ a wo Mawu hɛ mi nyami ngɛ ye he.