Luka 6:47 - Somi He Ɔ

⁴⁷ Nɔ tsuaa nɔ nɛ baa ye ngɔ nɛ e nuɔ ye munyu ɔmɛ nɛ e yeɔ nɔ ɔ, ma tsɔɔ nyɛ bɔ nɛ e ngɛ ha:

BAIBLO ALOO NGMAMI KLƆUKLƆU Ɔ

⁴⁷ Nɔ tsuaa nɔ nɛ baa ye ngɔ, nɛ e ba nuɔ ye munyu ɔmɛ, nɛ e yeɔ nɔ ɔ, ma tsɔɔ nyɛ bɔ nɛ e ngɛ ha.

Luka 6:47 ပူးပေါင်းရင်းမြစ်များ

Luka 11:28

Se Yesu he nɔ ke: “E ngɛ mi ja mohu, se a gbaa ninɛmɛ nɛ nuɔ Mawu munyu ɔ nɛ a yeɔ nɔ ɔ!”

Yohane 14:15

“Ke nyɛ suɔ mi ɔ, nyɛ maa ye ye kita amɛ a nɔ.

Yakobo 4:17

Lɔ ɔ he ɔ, nɔ nɛ le kpakpa peemi nɛ e pee we ɔ, e ji yayami ha lɛ.

Mateo 12:50

Ejakaa nɔ tsuaa nɔ nɛ peɔ Tsaatsɛ nɛ ngɛ hiɔwe ɔ suɔmi nya ni ɔ, lɛ nɔuu ji ye nyɛmi nyumu kɛ ye nyɛmi yo kɛ ye nyɛ.”

Yohane 13:17

Ke nyɛ le ni nɛ ɔmɛ ɔ, a gbaa nyɛ ke nyɛ ye nɔ.

1 Petro 2:4

Nyɛɛ ba Nyɔmtsɛ ɔ ngɔ kaa tɛ nɛ hɛ ngɛ nɛ nimli kua lɛ mohu, se Mawu lɛɛ, e hla lɛ nɛ e he jua wa ngɛ e hɛ mi,

Hebribi 5:9

nɛ benɛ a ha e hi kɛ pi si ɔ, e plɛ nɔ nɛ mi nɛ neneene yi wami hemi jee kɛ haa nihi tsuo nɛ buɔ lɛ tue ɔ,

Kpojemi 22:14

A gbaa nihi nɛ fɔɔ a tade ɔmɛ a he ɔ, konɛ a na wami tso ɔ nɔ yiblii ɔ yemi he blɔ, nɛ a gu a gbo ɔmɛ a mi kɛ sɛ ma a mi.

Luka 14:26

“Ke nɔ ko ma ye ngɔ nɛ e nyɛ́ e tsɛ kɛ e nyɛ kɛ e yo kɛ e bimɛ kɛ e nyɛmimɛ nyumuhi kɛ lɛ nitsɛ e klaa hu tete ɔ, e be nyɛe ye kaselɔ peemi.

1 Yohane 3:7

Bimɛ tsɔwi, nyɛ ko ha nɛ nɔ ko nɛ mlɔɔ nyɛ. Nɔ nɛ tsuɔ dami nihi ɔ, dalɔ ji lɛ, kaa bɔ nɛ Kristo hu ji dalɔ ɔ.

1 Yohane 2:29

Ke nyɛ le kaa dalɔ ji Kristo ɔ, nyɛ na nɛ nyɛɛ le kaa nɔ tsuaa nɔ nɛ ytsuɔ dami ni ɔ, Mawu bi ji lɛ.

Yohane 10:27

Ye to ɔmɛ nuɔ ye gbi, nɛ i le mɛ, nɛ a nyɛɛ ye se,

2 Petro 1:10

Lɔ ɔ he ɔ, mamimɛ, nyɛɛ bɔ mɔde nɛ nyɛɛ wa je nyɛ tsɛmi kɛ nyɛ hlami ɔ, ejakaa ke nyɛ pee enɛ ɔ ɔ, nyɛ be si gbee gblegbleegblee.

Yohane 6:37

Nihi tsuo nɛ Tsɛ ɔ ngɔ ha mi ɔ maa ba ye ngɔ, nɛ nɔ nɛ baa ye ngɔ ɔ, i be lɛ fiee kɔkɔɔkɔ.

Yohane 6:35

Se Yesu de mɛ ke: “Imi ji wami ngma a nɛ; nɔ nɛ baa ye ngɔ ɔ, hwɔ be lɛ yee gblegbleegblee, nɛ nɔ nɛ heɔ ye nɔ yeɔ ɔ, kuma be lɛ tɔe gblegbleegblee.

Yohane 5:40

Se nyɛ sume kaa nyɛ baa ye ngɔ nɛ nyɛ na wami.

Luka 8:13

Nihi nɛ ya nɔ tɛ sa nɔ ɔ ji nihi nɛ benɛ a nu ɔ, a heɔ munyu ɔ kɛ buajɔmi, se akɛnɛ a be sipoku he je ɔ a heɔ yeɔ be kpiti kɛkɛ, nɛ ka be mi ɔ a kuaa a hemi kɛ yemi ɔ.

Luka 8:8

Nɛ eko hu ya nɔ zugba kpakpa nɔ, nɛ e puɛ, nɛ e wo yiblii totoe lafa.” Benɛ e de ni nɛ ɔmɛ ɔ, e wo e gbi nɔ nɛ e de ke: “Nɔ nɛ ngɛ tue nɛ e kɛ maa nu ɔ, e nu.”

Mateo 17:5

Benɛ a ngɛ munyu ɔ tue kɛ mwɔɔ ɔ, oʼɛ, bɔku hleii ko ba ha a nɔ, nɛ oʼɛ, gbi je bɔku ɔ mi de ke: “Nɔ nɛ ɔ ji ye suɔmi bi nɛ i naa e he tsui ɔ nɛ; nyɛɛ bu lɛ tue!”

Yohane 8:52

Kɛkɛ nɛ Yudafo ɔmɛ de lɛ ke: “Kpaako wa na le kãa mumi yayami ngɛ o mi. Abraham gbo, nɛ gbali ɔmɛ hu gbo, nɛ moo lɛɛ o deɔ ke: ‘Ke nɔ ko ye ye munyu ɔ nɔ ɔ, e be gboe ligbi ko ligbi ko kɛ maa ya neneene.’

Luka 6:48

E ngɛ kaa nyumu ko nɛ benɛ e maa ma tsu ɔ, e tsua si voo nɛ e to sisi ngɛ tɛ sa nɔ; nɛ benɛ pa hia a, e si tsu ɔ, se e nyɛ we lɛ nɛ e hule, mɛni he je ɔ, a to sisi ngɛ tɛ sa nɔ.