Luka 6:29 - Somi He Ɔ

²⁹ Nɔ nɛ ma gba o tue kake mi ma a, plɛ kake ɔ hu ngɔ ha lɛ; nɛ nɔ nɛ ma kpɔ o nɔ bɔ ɔ, koo nyɛ lɛ o gugue tade ɔ hu he.

BAIBLO ALOO NGMAMI KLƆUKLƆU Ɔ

²⁹ Ke nɔ ko gba o tue mi ma a, plɛ kake ɔ hu ha lɛ; ke nɔ ko kpɔ o hiɔwe tade ɔ, ha nɛ e ngɔ o tade klɔii ɔ hulɔ.

Luka 6:29 ပူးပေါင်းရင်းမြစ်များ

Hebribi 10:34

Nyɛ muklii mi sa nyɛ ngɛ ninɛmɛ nɛ a bɔ mɛ pa amɛ a he, nɛ nyɛ nihi nɛ a ha amɛ hu nyɛɛ kɛ bua jɔmi kplɛɛ, akɛnɛ nyɛ le kaa nyɛ ngɛ juetli nɛ hi pe kɔlɔ ɔ babauu nɛ hii si daa ngɛ hiɔwe ɔ.

2 Korintobi 11:20

Ejakaa, ke nɔ ko ngɛ nyɛ nyɔguɛ yee, ke nɔ ko ngɛ nyɛ adufude yee, ke neɔ ko ngɛ nyɛ klama tsɔe, ke nɔ ko ngɛ e he nɔ woe ngɛ nyɛ nɔ, ke nɔ ko ngɛ nyɛ hɛ mi ma gbae ɔ, nyɛ kplɛɔ lɛ.

1 Korintobi 6:7

Enɛ ɔ lɛɛ nyɛ gbee si mo, akɛnɛ nyɛɛ kɛ nyɛ he yeɔ munyu ɔ. Mɛ he je nyɛ ha we nɛ a ye nyɛ amim mohu? Mɛni he je nyɛ ha we nɛ a sisi nyɛ mohu?

Yohane 18:22

Se benɛ e de kikɛ ɔ, sɔmɔli nɛ daa si ɔmɛ a ti nɔ kake gba Yesu ma nɛ e ke: “Heto nɛ o ha osɔfo nɔkɔtɔma a ji nɛ ɔ?”

Mateo 26:67

Kɛkɛ nɛ a la lada ngɔ pue e hɛ mi, nɛ a gba lɛ mahi; nɛ ni komɛ hu fia lɛ ni,

1 Korintobi 4:11

Kɛ ba su be nɛ ɔ tsuo ɔ, hwɔ kɛ kuma yee wɔ, nɛ wa nyɛɛ wa he gu, nɛ a gbaa wɔ mahi, nɛ wa be hi he tutuutu ko,

Luka 22:64

Nɛ a fi e hɛ mi, nɛ a gba e hɛ mi ma, nɛ a de lɛ ke: “Gbaa, mɛnɔ ji nɔ nɛ gba mo ma a?”

Ni Tsumi 23:2

Kɛkɛ nɛ osɔfo nɔkɔtɔma Anania fa nihi nɛ daa si ngɛ e kasa nya a ke a gba e nya ma.

Luka 6:30

Nɔ tsuaa nɔ nɛ baa mo nɔ́ ko ɔ, ha lɛ; nɛ nɔ nɛ ma kpɔ o nihi ɔ, ko bi lɛ hu.