Luka 6:27 - Somi He Ɔ

²⁷ “Se nyɛ nihi nɛ nyɛ ngɛ tue bue nɛ ɔ, i ngɛ nyɛ dee ke: Nyɛɛ suɔ nyɛ henyɛli; nyɛɛ pee nihi nɛ nyɛɛ nyɛ ɔ kpakpa.

BAIBLO ALOO NGMAMI KLƆUKLƆU Ɔ

²⁷ “Se nyɛ nihi nɛ nyɛ ngɛ mi tue bue nɛ ɔ, i ngɛ nyɛ dee ke nyɛɛ suɔ nyɛ he nyɛli, nɛ nihi nɛ nyɛɛ nyɛ ɔ, nyɛɛ pee mɛ kpakpa;

Luka 6:27 ပူးပေါင်းရင်းမြစ်များ

1 Tesalonikabi 5:15

Nyɛɛ hyɛ nɛ hi konɛ nɔ ko ko ngɔ yayami ngɔ to yayami nane mi, se mohu daa nɛ ɔ nyɛɛ di kpakpa peemi se ngɔ ha nyɛ he kɛ nihi kulaa.

Luka 6:35

Mohu nyɛɛ suɔ nyɛ henyɛli, nɛ nyɛɛ pee kpakpa nɛ nyɛɛ pa nɛ nyɛ ko hyɛ nɔ́ ko blɔ kulaa, nɛ nyɛ hiɔwo maa hiɛ, nɛ nyɛ ma plɛ Hiɔweno ɔ bimɛ, ejakaa e muklii mi jɔɔ haa tlumuhi kɛ nimli yayamihi.

Galatabi 6:10

Lɔ ɔ he ɔ, akɛnɛ wa ngɛ deka he je ɔ, nyɛ ha waa pee nihi tsuo kpakpa, se titli ɔ, ninɛme nɛ ji hemi kɛ yemi ɔ mi bi ɔmɛ.

Marko 4:24

Nɛ e kpale de mɛ ke: “Nyɛ susu nɔ́ nɛ nyɛ ngɛ nue nɛ ɔ he saminya! Kalemi nɔ́ nɛ nyɛɛ kɛ kaleɔ ɔ, kɔlɔ ɔ Mawu ma kɛ kale ha nyɛ, nɛ a maa piɛ he ha nyɛ.

Ni Tsumi 10:38

bɔ nɛ Mawu ngɔ Mumi Klɔuklɔu kɛ he wami ngɔ pɔ Yesu nɛ je Nazaret ɔ nu, nɛ e kpaa si peɔ kpakpa, nɛ e tsaa nihi kulaa nɛ abosiami haoɔ mɛ ɔ, ejakaa Mawu kɛ lɛ ngɛ.

Ni Tsumi 7:60

Nɛ e kpla si, nɛ e kpa ngmlaa wawɛɛ ke: “Mawetsɛ, koo ngɔ kikɛmɛ a yayami nɛ ɔ ngɔ fɔ a nɔ!” Nɛ benɛ e de kikɛ ɔ, e ngɔ e nya.

Luka 23:34

Nɛ Yesu de ke: “Tsaatsɛ kɛ pa mɛ, se a li nɔ́ nɛ a ngɛ pee ɔ.” Nɛ a fɔ̃ sɔ kɛ dla e tade ɔmɛ.

Luka 8:18

“Lɔ ɔ he ɔ nyɛɛ hyɛ nɛ hi ngɛ bɔ nɛ nyɛ ngɛ nue ɔ he; ejakaa nɔ tsuaa nɔ nɛ ngɛ nɔ́ ko ɔ, a ma ha lɛ; se nɔ nɛ be nɔ́ ko ɔ, a ma kpɔ nɔ́ nɛ e peɔ lɛ kaa e ngɛ ɔ tete ngɛ e dɛ.”

Luka 8:15

Se zugba kpakpa mi nɔ́ ɔ ji nihi nɛ benɛ a nu munyu ɔ, a kɛ toɔ tsui kpakpa mi, nɛ a kɛ tsui si tomi hɛɛ mi nɛ a woɔ yiblii.”

Luka 8:8

Nɛ eko hu ya nɔ zugba kpakpa nɔ, nɛ e puɛ, nɛ e wo yiblii totoe lafa.” Benɛ e de ni nɛ ɔmɛ ɔ, e wo e gbi nɔ nɛ e de ke: “Nɔ nɛ ngɛ tue nɛ e kɛ maa nu ɔ, e nu.”

Luka 6:22

“A gbaa nyɛ, ke nihi nyɛ nyɛ, nɛ a kɛ nyɛ po tako mi, nɛ a jɛ nyɛ, nɛ a po nyɛ biɛ mi kaa biɛ yaya ngɛ Nɔmlɔ Bi ɔ he ɔ.

3 Yohane 1:11

Mami nɛ i suɔ, koo kase nɔ yaya, se moo kase nɔ kpakpa mohu. Nɔ nɛ peɔ nɔ kpakpa a, e je Mawu mi; nɔ nɛ peɔ nɔ yaya a, e nɛ Mawu.

Ni Tsumi 16:28

Se Paulo nga ke: “Koo pee o he yayami ko, se wɔ tsuo wa ngɛ hiɛ ɔ.”