Luka 6:26 - Somi He Ɔ

²⁶ “Musu tloo nyɛ ke nihi tsuo tu nyɛ he munyu kpakpa a, ejakaa ja nɔuu a tsɛmɛ ɔmɛ pee lakpa gbali ɔmɛ!”

BAIBLO ALOO NGMAMI KLƆUKLƆU Ɔ

²⁶ “Musu tloo nyɛ, ke nihi tsuo tuɔ nyɛ he munyu kpakpa; ejakaa ja nɔuu a nɛmɛ ɔmɛ pee lakpa gbali ɔmɛ!

Luka 6:26 ပူးပေါင်းရင်းမြစ်များ

Yohane 15:19

Kaa je ɔ mi nyɛ je jinɛ, je ɔ maa suɔ lɛ nitsɛ e nihi, se akɛnɛ nyɛ ji je ɔ mi se imi mohu lɛ i hla nyɛ kɛ je je ɔ mi ɔ, kɔlɔ ɔ he nɛ je ɔ nyɛɛ nyɛ ɔ nɛ.

Yakobo 4:4

Gbapuɛli! Nyɛ li kaa je nɛ ɔ kɛ huɛbɔmi ɔ Mawu nyɛmi ʼi lo? Lɔ ɔ he ɔ, nɔ tsuaa nɔ nɛ suɔ nɛ e kɛ je ɔ nɛ bɔ huɛ ɔ, e ji Mawu henyɛlɔ.

Mateo 7:15

“Nyɛɛ hyɛ saminya ngɛ osato gbali ɔmɛ a he, ejakaa a ngɔɔ to he womi ngɔ haa a he kɛ baa nyɛ ngɔ, se a mi mi je ɔ ogbetee ni hali ji mɛ.

Yohane 7:7

Je ɔ be nyɛe nyɛ maa nyɛ, se imi lɛɛ e nyɛɛ mi, ejakaa i yeɔ e he odase kaa e ni tsumi ɔmɛ ɔ ni tsumi yayamihi ʼi.

Romabi 16:18

Ejakaa nihi nɛ ngɛ kikɛ ɔ, pi wa Nyɔmtsɛ Yesu Kristo nɛ a sɔmɔɔ, se mohu mɛ nitsɛmɛ a muklii; nɛ a kɛ nya mi dɔkɔɔ kɛ sisimi munyuhi mlɔɔ nihi nɛ li yayami ɔmɛ a tsui.

Luka 6:25

“Musu tloo nyɛ, nyɛ nihi nɛ nyɛ tɔ amlɔ nɛ ɔ; ejakaa hwɔ maa ye nyɛ. Musu tloo nyɛ, nyɛ nihi nɛ nyɛ ngɛ muɔe amlɔ nɛ ɔ; ejakaa nyɛ maa ye kɔmɔ nɛ nyɛ ma fo ya.