Luka 6:23 - Somi He Ɔ

²³ Nyɛ nya ngɛ jamɛ a ligbi ɔ nɔ nɛ nyɛɛ tuu kɛ buajɔmi ejakaa oʼɛ, nyɛ hiɔwo ngɛ hiɔwe; ejakaa ja nɔuu a tsɛmɛ ɔmɛ pee gbali ɔmɛ.

BAIBLO ALOO NGMAMI KLƆUKLƆU Ɔ

²³ Ke e ba mi ja a, nyɛ nya, nɛ nyɛ hlu kɛ bua jɔmi, ejakaa Mawu ngɔ hiɔwo agbo ngɔ to ha nyɛ ngɛ hiɔwe. Nyɛ kai kaa ja nɔuu a nɛmɛ ɔmɛ pee gbali ɔmɛ.

Luka 6:23 ပူးပေါင်းရင်းမြစ်များ

Mateo 5:12

Nyɛ nya nɛ nyɛ bua nɛ jɔ; ejakaa hiɔwo ngua ngɛ ha nyɛ ngɛ hiɔwe; ejakaa ja a wa gbali nɛ sɛ nyɛ hlami ɔ yi mi.”

Luka 1:41

Nɛ e ba mi kaa benɛ Elisabet nu Maria ngami ɔ, bimwɔyo ɔ hua ngɛ e mi mi; nɛ Mumi Klɔuklɔu hyi Elisabet tɔ.

Luka 1:44

Se oʼɛ, amlɔ pɛ nɛ o ngami ɔ pɛ ngɛ ye tue mi ɔ, bimwɔyo ɔ kɛ nyami hua ngɛ ye muklii mi.

Luka 6:35

Mohu nyɛɛ suɔ nyɛ henyɛli, nɛ nyɛɛ pee kpakpa nɛ nyɛɛ pa nɛ nyɛ ko hyɛ nɔ́ ko blɔ kulaa, nɛ nyɛ hiɔwo maa hiɛ, nɛ nyɛ ma plɛ Hiɔweno ɔ bimɛ, ejakaa e muklii mi jɔɔ haa tlumuhi kɛ nimli yayamihi.

Ni Tsumi 14:10

e kɛ gbi wawɛɛ de lɛ ke: “Tee si nɛ o da o nane nɔ tlɔmɔɔ!” Nɛ e hlu ma si nɛ e nyɛɛ.

Ni Tsumi 3:8

nɛ e hlu da si nɛ e bɔni nyɛɛmi, nɛ e kɛ mɛ nyɛɛ kɛ sɛ sɔlemi we ɔ kɛ hlumi kɛ Mawu yi jemi.

Ni Tsumi 5:41

Kɛkɛ nɛ a je gua ngua a hɛ mi kɛ ho kɛ bua jɔmi kaa e biɛ ɔ he ɔ, a bu mɛ nihi nɛ sa kaa a bɔ mɛ ahlua.

Romabi 5:3

Pi enɛ ɔ kɛkɛ, se mohu wa fiaa ngɛ dengme gbomihi a mi hulɔ, ejakaa wa le kaa dengme gbomi ɔ tsɛɛ tsui si tomi kɛ baa,

2 Korintobi 12:10

Lɔ ɔ he ɔ ngɛ Kristo he ɔ, ye bua jɔɔ ngɛ gbedee peemihi a mi, ngɛ hɛdo nihi a nami mi, ngɛ haomihi a mi, ngɛ yi wamihi a mi, ngɛ fimihi a mi; ejakaa ke i pee gbedee ɔ, kɔlɔ ɔ mohu i naa he wami.

Kolosebi 1:24

Jehanɛ ye bua jɔɔ ngɛ ye nɔ namihi nɛ i naa ngɛ nyɛ he ɔmɛ a mi, nɛ i haa nihi nɛ piɛ ngɛ Kristo amanehulu ɔmɛ a mi ɔ hyiɔ tɔ ngɛ ye he lo ɔ mi ha e nɔmlɔ tso nɛ ji asafo ɔ.

2 Timoteo 2:12

Ke wa mia wa hɛ mi ngɛ nɔ nami mi ɔ, waa kɛ lɛ maa ye matsɛ hulɔ; Ke wa kpa ngɛ e se ɔ, lɛ hu e ma kpa ngɛ wa se.

Hebribi 11:26

E bu Kristo ahluabɔmi ɔ kaa ni babauu pe Mizraim juetli, ejakaa e ngɛ hiɔwo ɔ hyɛe.

Hebribi 11:6

Ke hemi kɛ yemi be ɔ, a be Mawu hɛ mi nyɛe maa sa, ejakaa nɔ nɛ baa Mawu ngɔ ɔ, ja e he ye kaa e ngɛ, nɛ e ji ninɛmɛ nɛ hlaa e se blɔ ɔ a hiɔ wolɔ hulɔ.

Yakobo 1:2

Mamimɛ, ke nyɛ sɛ ka slɔɔtohi fuu a mi ɔ, nyɛɛ bu lɛ kaa bua jɔmi sɔuu;

1 Petro 4:13

se mohu si abɔ nɛ nyɛ ngɛ Kristo amanehlu ɔ eko nae ɔ, nyɛ bua nɛ jɔ, konɛ e hɛ mi nyami kpo jemi ɔ mi hu nyɛ bua nɛ jɔ nɛ nyɛ mi nɛ flii nyɛ.

Kpojemi 2:17

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ mana nɛ a kɛ laa a eko nɛ e ye, nɛ ma ha lɛ tɛ hiɔ, nɛ tɛ ɔ nɔ ɔ, a ngma biɛ he nɛ nɔ ko li ja nɔ nɛ naa a.”

Kpojemi 2:26

Nɛ kunimi yelɔ ɔ kɛ nɔ nɛ hɛɔ ye ni tsumi ɔmɛ a mi kɛ ya suu nyagbe ɔ, ma ha lɛ he wami ngɛ je ma amɛ a nɔ,

Kpojemi 2:7

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ wami tso ɔ nɛ ngɛ ye Mawu ɔ Paradeiso ɔ mi ɔ nɔ yiblii ɔ eko nɛ e ye.”

Kpojemi 21:7

Kunimi yelɔ ɔ maa pee kikɛmɛ a ni nɛ ɔmɛ kulaa yelɔ, nɛ ma pee e Mawu, nɛ lɛ hu e maa pee ye bi.

Kpojemi 3:12

Kunim yelɔ ɔ, ma ngɔ lɛ ngɔ pee Titima ngɛ ye Mawu ɔ sɔlemi tsu ɔ mi, nɛ e be kpo jee hu, nɛ ma ngma ye Mawu ɔ biɛ, kɛ ye Mawu ɔ ma nɛ ji Yerusalem he nɛ jee ye Mawu ngɔ ɔ biɛ, kɛ mi nitsɛ ye biɛ he ɔ ngɛ e nɔ.

Kpojemi 3:5

Kunimi yelɔ ɔ, a maa wo lɛ tade hiɔ, nɛ i be e biɛ gbee ngɛ wami womi ɔ mi gblegbleegblee, nɛ ma wo e biɛ ta ngɛ Tsaatsɛ hɛ mi kɛ e bɔfo ɔmɛ a hɛ mi.