Luka 6:21 - Somi He Ɔ

²¹ “A gbaa nyɛ nihi nɛ hwɔ ngɛ nyɛ yee amlɔ nɛ ɔ; ejakaa a ma ha nyɛ maa tɔ. “A gba nyɛ nihi nɛ nyɛ ngɛ ya foe amlɔ nɛ ɔ; ejakaa nyɛ maa muɔ.

BAIBLO ALOO NGMAMI KLƆUKLƆU Ɔ

²¹ “A gbaa nyɛ nihi nɛ hwɔ ngɛ nyɛ yee amlɔ nɛ ɔ; Mawu ma ha nyɛ maa tɔ! “A gbaa nyɛ nihi nɛ nyɛ ngɛ ya foe amlɔ nɛ ɔ, ejakaa nyɛ ma ba muɔ!

Luka 6:21 ပူးပေါင်းရင်းမြစ်များ

Yohane 6:35

Se Yesu de mɛ ke: “Imi ji wami ngma a nɛ; nɔ nɛ baa ye ngɔ ɔ, hwɔ be lɛ yee gblegbleegblee, nɛ nɔ nɛ heɔ ye nɔ yeɔ ɔ, kuma be lɛ tɔe gblegbleegblee.

Mateo 5:6

“A gbaa ninɛmɛ nɛ a suɔmi nya ni ji kaa a pee nɔ nɛ Mawu suɔ ɔ: se Mawu ma ha a maa to kɛ bua jɔmi.

Yakobo 1:12

Agbaa nyumu nɛ toɔ e tsui si ngɛ ka mi, ejakaa ke a ka lɛ nɛ e nyɛ nya da a, e ma na wami jlasi nɛ Nyɔmtsɛ ɔ wo he si ha ninɛmɛ nɛ suɔ lɛ ɔ.

Luka 1:53

E ha hwɔ hwɔli tɔ kɛ ni kpakpahi, Nɛ he nali ɔmɛ ɔ, e fie mɛ kɛ ho dɛ gu.

Mateo 5:4

“A gbaa ninɛmɛ nɛ yeɔ kɔmɔ ɔ: se Mawu maa jɔɔ a bua.

Kpojemi 7:16

Hwɔ be mɛ yee hu, nɛ kuma hu be mɛ tɔe hu, nɛ jeha nɛ hu, pu loo latsa ko be a he sae hu;

Luka 6:25

“Musu tloo nyɛ, nyɛ nihi nɛ nyɛ tɔ amlɔ nɛ ɔ; ejakaa hwɔ maa ye nyɛ. Musu tloo nyɛ, nyɛ nihi nɛ nyɛ ngɛ muɔe amlɔ nɛ ɔ; ejakaa nyɛ maa ye kɔmɔ nɛ nyɛ ma fo ya.

1 Korintobi 4:11

Kɛ ba su be nɛ ɔ tsuo ɔ, hwɔ kɛ kuma yee wɔ, nɛ wa nyɛɛ wa he gu, nɛ a gbaa wɔ mahi, nɛ wa be hi he tutuutu ko,

Yohane 4:10

Yesu he nɔ nɛ e de lɛ ke: “Kaa o le Mawu nɔke nɔ́ ɔ kɛ nɔ nɛ ngɛ mo dee ke: ‘Ha mi eko ma nu’ ɔ, jinɛ mo mohu o maa ba lɛ nɛ e ha mo wami nyu.”

Kpojemi 21:3

Nɛ i nu gbi ngua ko je matsɛ sɛ ɔ mi de ke: “Oʼɛ Mawu bo tsu ɔ ngɛ nimli a kpɛti, nɛ e maa hi a kpɛti, nɛ a maa pee e ma, nɛ Mawu nitsɛ kɛ mɛ maa hi si, nɛ e maa pee a Mawu.

2 Korintobi 12:10

Lɔ ɔ he ɔ ngɛ Kristo he ɔ, ye bua jɔɔ ngɛ gbedee peemihi a mi, ngɛ hɛdo nihi a nami mi, ngɛ haomihi a mi, ngɛ yi wamihi a mi, ngɛ fimihi a mi; ejakaa ke i pee gbedee ɔ, kɔlɔ ɔ mohu i naa he wami.

2 Korintobi 11:27

ngɛ ni tsumi kɛ pɔtɔ mi, ngɛ nyɔ fɔmihi a mi kpitikpiti, ngɛ hwɔ kɛ kuma mi, ngɛ hwɔ hamihi a mi kpitikpiti, ngɛ fiɛ̃ kɛ he gu nyɛɛmi mi?

2 Korintobi 6:10

kaa kɔmɔ yeli, se wa bua jɔɔ daa; kaa ohiafohi, se wa tsakee nihi fuu ngɔ peɔ niatsɛmɛ; kaa nihi nɛ be nɔ́ ko, se kɛ̃ ɔ wa ngɛ nihi kulaa.

Yohane 11:35

Nɛ Yesu fo ya.

Luka 6:20

Kɛkɛ nɛ Yesu plɛ e hɛ ngɔ tsɔɔ e kaseli ɔmɛ nɛ e ke: “A gbaa nyɛ, ohiafo ɔmɛ; ejakaa nyɛ nɔ́ ji Mawu matsɛyemi ɔ nɛ.

Luka 6:22

“A gbaa nyɛ, ke nihi nyɛ nyɛ, nɛ a kɛ nyɛ po tako mi, nɛ a jɛ nyɛ, nɛ a po nyɛ biɛ mi kaa biɛ yaya ngɛ Nɔmlɔ Bi ɔ he ɔ.