Luka 6:19 - Somi He Ɔ

¹⁹ Nɛ asafo mluku ɔ tsuo ngɛ hlae nɛ a ta e he, ejakaa hewami ngɛ e mi jee kɛ ngɛ mɛ tsuo tsae.

BAIBLO ALOO NGMAMI KLƆUKLƆU Ɔ

¹⁹ Nimli babauu ɔ tsuo hla kaa a maa ta e he, ejakaa he wami ngɛ e mi jee kɛ ngɛ mɛ tsuo tsae.

Luka 6:19 ပူးပေါင်းရင်းမြစ်များ

Mateo 14:36

nɛ a ba kpa lɛ pɛɛ wawɛɛ kaa e ha a na e tade ɔ nya a he kɛkɛ nɛ a ta: nɛ nihi abɔ nɛ ta he ɔ tsuo he wa mɛ kulaa.

Marko 3:10

E tsa nihi fuu he je ɔ nihi nɛ hiɔhi hɛɛ mɛ tsuo bu kɛ ba e ngɔ kone a ba ta e he.

Marko 6:56

Nɛ he tsuaa he nɛ Yesu ya ngɛ kpe hehi loo mahi loo ngmɔ ɔmɛ a si ɔ, a kɛ hiɔtsɛmɛ ɔmɛ ba pueɔ blohu ɔmɛ a mi, nɛ a kpaa lɛ pɛɛ konɛ e ha a na e tade ɔ nya kɛkɛ he nɛ a ta. Nɛ nihi abɔ nɛ ta he ɔ he wa mɛ.

Marko 5:30

Nɛ amlɔ ɔ Yesu nu he ngɛ e mi kaa he wami ko je e mi, nɛ e plɛ e he ngɛ ni ɔmɛ a kpɛti nɛ e bi ke: “Mɛnɔ ta ye tade ɔ he ɔ?”

1 Petro 2:9

Se nyɛɛ lɛɛ, weku nɛ a hla ji nyɛ, matsɛmɛ nɛ yeɔ osɔlohi, je ma klɔuklɔu, ma nɛ e ngɔ pee e nɔ, konɛ nyɛɛ jaje nɔ nɛ tsɛ nyɛ kɛ je diblii ɔ mi kɛ ba lɛ nitsɛ e nyakpɛ la a he ɔ agbo jemi ɔ.

Marko 8:22

A ba Betsaida, nɛ ni komɛ kɛ hɛyuyuilɔ ko ba e ngɔ nɛ a kpa lɛ pɛɛ konɛ e ta e he.

Ni Tsumi 19:12

hluu po nɛ a ngɔɔ e dukuhi kɛ e tade hɛ mi hami bohi tete ya haa hiɔtsɛmɛ a nɔ nɛ a hiɔ ɔmɛ jɔɔ, nɛ mumi yayami ɔmɛ hu jee a mi.

Luka 5:17

Jeha nɛ ɔ, ligbi ɔ eko nɔ nɛ Yesu ngɛ ni tsɔɔe ɔ, Farisifohi kɛ mlaa tsɔɔli nɛ je Galilea kɛ Yudea ma amɛ tsuo nɔ kɛ Yerusalem ba a hii si ngɛ lejɛ ɔ. Nɛ a je Nyɔmtsɛ ɔ hewami ɔ kpo tsɔɔ ngɛ lejɛ ɔ nɛ e kɛ tsa hiɔtsɛmɛ ɔmɛ.

Luka 6:18

kɛ nihi nɛ mumi yayamihi ngɛ mɛ haoe ɔ, nɛ e tsa mɛ.