Luka 6:12 - Somi He Ɔ

¹² Jeha nɛ ɔ, e ba mi ngɛ jamɛ a be ɔmi kaa Yesu pue nɔ kɛ ho yoku ɔ nɔ ya nɛ e ya sɔle, nɛ e fɔ nyɔ kɛ sɔle kɛ tsɛ Mawu.

BAIBLO ALOO NGMAMI KLƆUKLƆU Ɔ

¹² Jamɛ a be ɔ mi ɔ, Yesu ho yoku ko nɔ ya nɛ e ya sɔle; e hi lejɛ ɔ nyɔ ɔ mi tsuo, nɛ e kɛ fa kue ha Mawu.

Luka 6:12 ပူးပေါင်းရင်းမြစ်များ

Hebribi 5:7

Ngɛ Yesu he lo be ɔmɛ a mi ɔ, e ngɔ sɔlemi kɛ pɛɛ kpami nɛ ngmlaa kpami nɛ nya wa kɛ vo nyu piɛ he sa bɔ ha nɔ nɛ ngɛ he wami nɛ e kɛ ma he lɛ kɛ je gbenɔ mi ɔ, nɛ a bu lɛ tue hulɔ, ejakaa e buu Mawu.

Marko 6:46

Nɛ benɛ e wo mɛ blɔ se ɔ, e pue nɔ kɛ ho yoku ɔ nɔ ya konɛ e ya sɔle.

Marko 1:35

Makɛ mla, benɛ je mi tsɔ we lolo ɔ, Yesu te si nɛ e je kpo kɛ ho nga a nɔ he ko banee ya, nɛ e ya sɔle.

Kolosebi 4:2

Nyɛɛ sɔle daa, nyɛɛ fɔ nyɔ ngɛ mi kɛ sina;

Mateo 6:6

Se ke o ngɛ sɔlee ɔ, sɛ o se tsu mi, nɛ po nga sinya a nɛ o sɔle ngɔ ha o tsɛ ngɛ laami mi, nɛ o tsɛ nɛ naa laami mi nihi ɔ maa wo mo hiɔ.

Mateo 5:1

Benɛ Yesu na asafo ɔ, e kuɔ kɛ ya yoku ɔ nɔ, nɛ e ya hi si. E kaseli ɔmɛ ba e ngɔ,

Marko 3:13

Nɛ Yesu ya yoku ɔ nɔ nɛ e tsɛ nihi nɛ lɛ nitsɛ e ngɛ hlae ɔ, nɛ a ba e ngɔ.

Luka 5:16

Se ke pee ɔ, e sãa e he si kɛ yaa nga a nɔ he komɛ banee nɛ e ya sɔlee.

Luka 6:11

Se mɛɛ lɛɛ a gli nɛ a bɔni Yesu he ga tomi bɔ nɛ a maa pee lɛ ha.

Luka 6:17

Nɛ Yesu kɛ mɛ kple si kɛ ba, nɛ a ba da he ko gbajaa kɛ e kaseli asafo ɔ, kɛ nihi fuu nɛ je Yudea tsuo kɛ Yerusalem kɛ Tiro kɛ Zidon wo nya ma amɛ a mi nɛ ma lɛ tue bumi kɛ a hiɔhi a tsami ɔ,

Luka 9:18

Ligbi ko benɛ Yesu nɔ kake ngɛ sɔlee ɔ, e kaseli ɔmɛ ba bua a he nya ngɛ e ngɔ; nɛ e bi mɛ ke: “Ni ɔmɛ deɔ ke mɛnɔ jimi?”

Luka 9:28

E ba mi kaa munyu nɛ ɔmɛ a se maa pee ligbi kpaanyɔ ɔ, Yesu ngɔ Petro kɛ Yohane kɛ Yakobo, nɛ e pue nɔ kɛ ho sɔlemi ya ngɛ yoku ɔ nɔ.

Luka 9:29

Nɛ benɛ e ngɛ sɔlee ɔ, e hɛ mi tsake nɛ e tade ɔ hiɛ futaa nɛ e ngɛ kpee klaiklai.

Yohane 6:3

Yesu ya yoku ɔ nɔ, nɛ e kɛ e kaseli ɔmɛ ya hi si ngɛ lejɛ ɔ.