Luka 5:5 - Somi He Ɔ

⁵ Simon de lɛ ke: “Nyɔmtsɛ, nyɔ nɛ ɔ mi tsuo ɔ wa tsu ni gbegbelii se wa nɛ nɔ́ ko; se kɛ ɔ, ngɛ o munyu ɔ nya a, ma fɔ̃ ya a.”

BAIBLO ALOO NGMAMI KLƆUKLƆU Ɔ

⁵ Simon he nɔ ke, “Nyɔmtsɛ, wa tsu ní wawɛɛ nyɔ nɛ ɔ mi tsuo, nɛ wa nɛ nɔ́ ko. Se kɛ̃, akɛnɛ mo lɛ o de ɔ, ma pue ya a.”

Luka 5:5 ပူးပေါင်းရင်းမြစ်များ

Luka 17:13

Nɛ a kpa ngmlaa ke: “Mawetsɛ Yesu naa wɔ mɔbɔ!”

Luka 8:24

Nɛ kaseli ɔmɛ ba Yesu ngɔ ba tsɛ̃ɛ lɛ nɛ a ke: “Nyɔmtsɛ, Nyɔmtsɛ, wa yi tã tã.” Se nɛ e hɛ tsɛ ɔ, e nga kɔɔhiɔ kɛ wo nɛ gli ɔ yi, nɛ a he jɔ, nɛ a ngmɛ.

Luka 8:45

Yesu bi ke: “Mɛnɔ ji nɔ nɛ ta ye he ɔ?” Benɛ ni ɔmɛ tsuo kua a, Petro kɛ nihi nɛ piɛ e he ɔ ke: “Mawetsɛ, asafo ɔ tɔtɔ mo nɛ a ngɛ mo miae, nɛ o ngɛ bie ke: ‘Mɛnɔ lɛ ta ye he ɔ”

Luka 9:33

Nɛ benɛ ni ɔmɛ ngɛ Yesu sie ɔ, Petro de Yesu ke: “Tsɔɔlɔ, e hi kaa waa hi hiɛ ɔ, nɛ ha nɛ waa ma bo tsu etɛ, o nɔ kake kɛ Mose nɔ kake kɛ Elia nɔ kake;” se e li nɔ nɛ e ngɛ dee ɔ.

Luka 9:49

Yohane he nɔ ke: “Tsɔɔlɔ, wa na nɔ ko nɛ e kɛ o biɛ ngɛ mumi yayami hiae, nɛ wa tsi lɛ blɔ, ejakaa e kɛ wɔ nyɛɛ we o se.”

Yohane 15:14

Ke nyɛ pee nihi nɛ i ngɛ nyɛ he kita woe nɛ ɔ, lɛɛ ye huɛmɛ ji nyɛ.

Yohane 2:5

E nyɛ de sɔmɔli ɔmɛ ke: “Nɔ́ tsuaa nɔ nɛ e ma de nyɛ ɔ nyɛɛ pee.”

Yohane 21:3

Simon Petro de mɛ ke: “I yaa wo.” A de lɛ ke: “Wɔ hu waa kɛ mo maa ya.” A pue nɔ nɛ a ya sɛ lɛ mi, nɛ lɛ nyɔ ɔ mi ɔ a gbi nɔ́ ko.