Luka 5:24 - Somi He Ɔ

²⁴ Se benɛ pee nɛ nyɛɛ le kaa Nɔmlɔ Bi ɔ ngɛ he blɔ ngɛ zugba a nɔ kaa e ngɔɔ yayamihi ngɔ paa a,” e de nɔ nɛ hule ɔ ke: “I ngɛ mo dee ke: ‘Tee si nɛ o wo o sa a nɛ o ya o we mi.’ ”

BAIBLO ALOO NGMAMI KLƆUKLƆU Ɔ

²⁴ Lɔ ɔ he ɔ, ma tsɔɔ nyɛ kaa Nɔmlɔ Bi ɔ ngɛ he blɔ ngɛ je ɔ mi kaa e ngɔɔ yayamihi kɛ paa.” Kɛkɛ nɛ e de nyumu ɔ nɛ hule ɔ ke, “I ngɛ mo dee ke tee si! Ngɔɔ o sa a, nɛ o ho we mi ya!”

Luka 5:24 ပူးပေါင်းရင်းမြစ်များ

Kpojemi 1:13

kɛ nɔ ko ngɛ kane tso kpaago ɔmɛ sa kpɛti nɛ ngɛ kaa Nɔmlɔ Bi, nɛ e wo tade klɔii nɛ e kɛ sika kpa fi e gugue;

Ni Tsumi 14:10

e kɛ gbi wawɛɛ de lɛ ke: “Tee si nɛ o da o nane nɔ tlɔmɔɔ!” Nɛ e hlu ma si nɛ e nyɛɛ.

Ni Tsumi 9:40

Nɛ Petro fie mɛ kulaa kɛ je kpo, nɛ e kpla si nɛ e sɔle, nɛ e plɛ e he kɛ ya nɔ gbogboe ɔ ngɔ nɛ e ke: “Tabita, tee si!” Nɛ e bli e hɛngmɛ, nɛ benɛ e na Petro ɔ, e te si hi si.

Ni Tsumi 9:34

Nɛ Petro de lɛ ke: “Ainea, Yesu Kristo ngɛ mo tsae; tee si nɛ mo nitsɛ o dla o sa a!” Nɛ amlɔ ɔ, e te si.

Ni Tsumi 5:31

Lɛ e nɔ Mawu wo kɛ ho e hiɛ ɔ nɔ ya, nɛ e wo lɛ ganɔ kɛ yi wami helɔ, konɛ e ha Israel nɛ na tsui tsakemi kɛ yayami pami.

Yohane 17:2

Ejakaa o ha lɛ he blɔ ngɛ he lo tsuo nɔ, konɛ nihi tsuo nɛ o ngɔ ha lɛ ɔ, e ha mɛ neene wami.

Yohane 11:43

Nɛ benɛ e de kikɛ ɔ, e tsɛ lɛ kɛ gbi wawɛɛ ke: “Lazaro leee, jee kpo!”

Yohane 5:27

Nɛ e ha lɛ he blɔ kaa e kojo hulɔ, ejakaa Nɔmlɔ Bi ji lɛ.

Yohane 3:13

Nɔ ko kue kɛ yɛ hiɔwe, kaa ja nɔ nɛ je hiɔwe kple si ɔ, Nɔmlɔ Bi ɔ nɛ ngɛ hiɔwe ɔ.”

Luka 8:54

Se Yesu nu e nine si nɛ e tsɛ lɛ ke: “Jokuɛyo, tee si!”

Luka 7:14

Nɛ e ba nɛ e ba pɛtɛ daka a he nɛ nihi nɛ tloo ɔ da si. Nɛ Yesu ke: “Niheyo, i ngɛ mo de ke: Tee si!”

Luka 5:13

Yesu kpa e nine mi nɛ e ta e he nɛ e ke: “I suɔ, o he nɛ tsɔ!” Nɛ amlɔ ɔ tsi ɔ ta ngɛ e he.

Mateo 28:18

Nɛ Yesu ba nɛ e kɛ mɛ ba tu munyu ke: “A ngɔ he blɔ tsuo ngɔ ha mi ngɛ hiɔwe kɛ zugba a nɔ.

Mateo 26:64

Yesu de lɛ ke: “Jã o de ɔ nɛ! Se i ngɛ nyɛ dee ke: Kɛ je be nɛ ɔ kɛ yaa a, nyɛ maa na Nɔmlɔ Bi ɔ kaa e hii si ngɛ he wami ɔ hiɛ ɔ nɔ, nɛ e ma ngɛ hiɔwe bɔku ɔmɛ a mi.”

Mateo 25:31

“Se benɛ Nɔmlɔ Bi ɔ maa ba ngɛ e nyami ɔ mi, nɛ bɔfo ɔmɛ tsuo maa piɛ e he ɔ, lɛ be ɔ mi ɔ, e maa hi e nyami sɛ ɔ nɔ;

Mateo 16:13

Se benɛ Yesu ba Kaisaria Filipi ni ɔmɛ a mi ɔ, e bi e kaseli ɔmɛ ke: “Mɛnɔ nihi deɔ ke Nɔmlɔ Bi ɔ ji?”

Mateo 9:6

Se benɛ pee nɛ nyɛ na le kaa Nɔmlɔ Bi ɔ ngɛ he blɔ ngɛ zugba a nɔ kaa e ngɔɔ yayamihi ngɔ paa a,” e de hiɔtsɛ ɔ ke: “Tee si, wo o sa a nɛ o ya o we mi!”

Mateo 4:24

Nɛ e he sane gbɛ fia Siria tsuo, nɛ a kɛ nihi nɛ be saminya nɛ hiɔhi kɛ piimi slɔɔtohi hɛɛ mɛ kɛ nihi nɛ mumi yayamihi ngɛ a mi kɛ godotsɛmɛ kɛ nihi nɛ a gbɔjɔ ba e ngɔ nɛ e tsa mɛ.

Luka 5:18

Nɛ oʼɛ, ni komɛ kɛ nyumu ko nɛ hule nɛ fɔɔ si ngɛ sa nɔ ba, nɛ a ngɛ hlae nɛ a kɛ lɛ nɛ sɛ we ɔ mi konɛ a kɛ lɛ ba fɔ e hɛ mi.

Luka 5:23

Te nɔ́ nɛ demi wɛ hu? Nɔ́ nɛ a ma de ke: ‘A ngɔ o he yayami ɔmɛ ngɔ pa mo,’ aloo nɔ́ nɛ a ma de ke: ‘Tee si nɛ o nyɛɛ ɔ?’