Luka 5:11 - Somi He Ɔ

¹¹ Nɛ a kɛ lɛ ɔmɛ ba kple, nɛ a si kulaa nɛ a nyɛɛ e se.

BAIBLO ALOO NGMAMI KLƆUKLƆU Ɔ

¹¹ A sã lɛ ɔmɛ kɛ fɔ kpo, nɛ a si a nɔ́ tsuaa nɔ́, nɛ a ya nyɛɛ Yesu se.

Luka 5:11 ပူးပေါင်းရင်းမြစ်များ

Mateo 10:37

“Nɔ nɛ dɔɔ e tsɛ loo e nyɛ he pe mi ɔ, e sɛ́ mi; nɛ nɔ nɛ dɔɔ binyumu loo biyo he pe mi ɔ e se sɛ́ mi.

Mateo 19:27

Kɛkɛ nɛ Petro he nɔ nɛ e de lɛ ke: “Oʼɛ, wɔɔ lɛɛ wa si nɔ́ tsuaa nɔ́ nɛ wa ba nyɛɛ o se, lɛɛ mɛni wa ma na?”

Mateo 19:29

Nɛ nɔ tsuaa nɔ nɛ si wehi loo nyɛmimɛ nyumuhi loo nyɛmimɛ yihi loo tsɛ loo nyɛ loo bimɛ loo zugbahi ngɛ ye biɛ ɔ he ɔ, a maa ma lɛ nane mi totoe lafa, nɛ e ma na neneene wami.

Mateo 4:20

Nɛ amlɔ ɔ a si a ya amɛ, nɛ a ba nyɛɛ e se.

Mateo 4:22

Nɛ amlɔ ɔ mɛ hu a si lɛ ɔ kɛ a tsɛ ɔ nɛ a ba nyɛɛ e se.

Marko 10:21

Nɛ Yesu hyɛ lɛ nɛ e tsui nu lɛ, nɛ e de lɛ ke: “E piɛ mo nɔ́ kake. Yaa nɛ o ya jua niki tsuo nɛ o ngɛ ɔ nɛ o kɛ ha ohiafohi, nɛ o ma na juetli ngɛ hiɔwe; nɛ o ba nɛ o ba nyɛɛ ye se.”

Luka 5:28

Nɛ e si e ni ɔmɛ tsuo, nɛ e te si nyɛɛ e se.