Luka 4:8 - Somi He Ɔ

⁸ Yesu he nɔ nɛ e de lɛ ke: “A ngma ke: ‘Ja Nyɔmtsɛ o Mawu ɔ, nɛ lɛ kɛkɛ o sɔmɔ.’ ”

BAIBLO ALOO NGMAMI KLƆUKLƆU Ɔ

⁸ Yesu he nɔ ke, “A ngma ke, ‘Já Nyɔmtsɛ, o Mawu ɔ, nɛ o sɔmɔ lɛ pɛ.’ ”

Luka 4:8 ပူးပေါင်းရင်းမြစ်များ

Mateo 16:23

Se Yesu plɛ e he nɛ e de lɛ ke: “Jee ye nɔ, Satan! O ngɛ ye nane kpatae; ejakaa o susuu we Mawu nihi a he, se nimli a nihi a he mohu o susuu.”

Mateo 4:10

Kɛkɛ nɛ Yesu de lɛ ke: “Jee ye nɔ, Satan! ejakaa a ngma ke: ‘Nyɔmtsɛ, o Mawu ɔ, o ja, nɛ lɛ kɛkɛ o sɔmɔ!’ ”

Luka 4:4

Nɛ Yesu he nɔ nɛ e de lɛ ke: “A ngma ke: Ti abolo kɛke nɔ nɛ nɔmlɔ guu kɛ hii si.’ ”

Luka 4:7

Kɛ o ma kpla si nɛ o ja mi ɔ, enɛ ɔmɛ tsuo kulaa maa pee o nɔ.”

Yakobo 4:7

Lɔ ɔ he ɔ, nyɛɛ ba nyɛ he si ha Mawu; nyɛɛ te si ngɔ wo Abosiami, nɛ e maa tu nyɛ nya fo.

1 Petro 5:9

Nyɛɛ da si kpitikplii ngɛ hemi kɛ yemi ɔ mi nɛ nyɛɛ tsi lɛ blɔ, ejakaa nyɛ le kaa jamɛ a amanehlu ɔmɛ nɔuu nyɛ nyɛmimɛ nɛ ngɛ je ɔ mi hu ngɛ nae.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke: “Koo pee! O nyɛmi sɔmɔlɔ kɛ o nyɛmimɛ nɛ hɛɛ Yesu odase mi ɔ a ti nɔ ko ji mi. Ja Mawu mohu!” Ejakaa Yesu odase ɔ ji gbami mumi ɔ nɛ.

Kpojemi 22:9

Nɛ e de mi ke: “Koo pee! ejakaa o nyɛmi sɔmɔlɔ kɛ gbali kɛ nihi nɛ toɔ kikɛmɛ a womi nɛ mi munyu ɔmɛ a kpɛti nɔ ko ji mi; ja Mawu mohu!”