Luka 4:18 - Somi He Ɔ

¹⁸ “Nyɔmtsɛ ɔ mumi ɔ ngɛ ye nɔ. Lɔ ɔ he ɔ, e pɔ mi nu konɛ ma fiɛ Sane Kpakpa a ngɔ tsɔɔ ohiafohi, Konɛ ma fiɛ he yemi ngɔ tsɔɔ nyɔgue ɔmɛ, Kɛ nɔ́ hyemi ha hɛyuyuili.

BAIBLO ALOO NGMAMI KLƆUKLƆU Ɔ

¹⁸ “Nyɔmtsɛ ɔ Mumi ɔ ngɛ ye nɔ; Nyɔmtsɛ ɔ hla mi ke ma ngɔ sane kpakpa a ba ha nihi nɛ a ni ngɛ mɔbɔ. E tsɔ mi ke ma ba fiɛ ke, ‘Nyɛ nyɔguɛhi, nyɛ ye nyɛ he oo nyɛ ye nyɛ he! Hɛ yuyuili, nyɛ maa hyɛ nɔ́ oo nyɛ maa hyɛ nɔ!’ E tsɔ mi ke ma ba kpɔ nihi nɛ a ngɛ mɛ yi mi wae ɔ,

Luka 4:18 ပူးပေါင်းရင်းမြစ်များ

Mateo 11:5

hɛyuyuili ngɛ nɔ hyɛe, nɛ ninɛmɛ nɛ a hule ɔ ngɛ nyɛɛe; tsitsɛmɛ a he ngɛ tsɔe, nɛ otokuli ngɛ nɔ nue; ni gbogboehi ngɛ si tee, nɛ ohiafo ɔmɛ ɔ, a ngɛ Sane Kpakpa a fiee kɛ ngɛ mɛ tsɔɔe?

Mateo 12:18

“Oʼɛ, ye tsɔlɔ nɛ i hla a, Ye suɔlɔ nɛ ye klaa naa e he tsui ɔ, I kɛ ye mumi ɔ maa to e nɔ, Nɛ e maa fiɛ kojomi ngɔ tsɔɔ majeli ɔmɛ.

Mateo 12:20

Gla nɛ a kɔ ɔ, e be kue, Nɛ kane mi tako nɛ ngɛ tsoe suhi ɔ e be gbee, Kɛ maa su be nɛ e ma ha kojomi maa su kunimi yemi mi.

Mateo 4:16

Ma nɛ hii si ngɛ diblii mi ɔ na la kpetekpleenyɛ, nɛ ninɛmɛ nɛ hii si ngɛ gbenɔ zugba kɛ e hɔ́ ɔ mi ɔ, la te si ha mɛ!”

Mateo 5:3

“A gbaa ninɛmɛ nɛ le kaa mumi mi ohiafohi ji mɛ ɔ: se a nɔ ji hiɔwe matsɛ yemi ɔ nɛ.

Luka 4:17

a ngɔ gbalɔ Yesaia womi ɔ ngɔ sɔle lɛ. Nɛ benɛ e bli womi ɔ mi ɔ, e na he nɛ a ngma ngɛ ke:

Luka 6:20

Kɛkɛ nɛ Yesu plɛ e hɛ ngɔ tsɔɔ e kaseli ɔmɛ nɛ e ke: “A gbaa nyɛ, ohiafo ɔmɛ; ejakaa nyɛ nɔ́ ji Mawu matsɛyemi ɔ nɛ.

Luka 7:22

Nɛ Yesu ha tsɔli ɔmɛ heto ke: “Nyɛɛ ya nɛ nyɛ ya sɛɛ ha Yohane nihi nɛ nyɛ na nɛ nyɛ nu ɔ, kaa hɛyuyuili ngɛ nɔ hyɛe, nihi nɛ hule ngɛ nyɛɛe, tsitsɛmɛ a he ngɛ tsɔe, tuekpokuli ngɛ nɔ nuɛ, ni gbogboehi ngɛ si tee, nɛ a ngɛ Sane Kpakpa a fiɛe kɛ ngɛ ohiafohi tsɔɔe;

Yohane 1:41

Andrea ya na lɛ nitsɛ e nyɛmi Simon kekle, nɛ e de lɛ ke: “Wa na Mesia a.” (E sisi ji Kristo, loo cnɔ nɛ a pɔ lɛ nu.)

Yohane 12:46

Imi lɛɛ i ba je ɔ mi kaa la, konɛ nɔ tsuaa nɔ nɛ heɔ ye nɔ yeɔ ɔ, e ko hi diblii ɔ mi.

Yohane 3:34

Ejakaa nɔ nɛ Mawu tsɔ ɔ, Mawu munyu e tuɔ; ejakaa Mawu haa lɛ e Mumi ɔ faa.

Ni Tsumi 10:38

bɔ nɛ Mawu ngɔ Mumi Klɔuklɔu kɛ he wami ngɔ pɔ Yesu nɛ je Nazaret ɔ nu, nɛ e kpaa si peɔ kpakpa, nɛ e tsaa nihi kulaa nɛ abosiami haoɔ mɛ ɔ, ejakaa Mawu kɛ lɛ ngɛ.

Ni Tsumi 26:18

nɛ o ya bli a hɛngmɛ komɛ a kpale kɛ je diblii mi kɛ ba la he, kɛ je abosiami he wami mi kɛ ba Mawu ngɔ, nɛ a na a he yayami pami kɛ gbo si ni ngɛ nihi nɛ a kɛ ye nɔ hemi kɛ yemi pee mɛ klɔuklɔu ɔmɛ a kpɛti.’ ”

Ni Tsumi 4:26

Zugba a nɔ matsɛmɛ ɔmɛ te da si, Nɛ ganɔ ɔmɛ hu a nya ba bua Ngɔ wo Nyɔmtsɛ ɔ kɛ nɔ nɛ a pɔ lɛ nu ɔ.’

Ni Tsumi 4:27

Niinɛ, Herode kɛ Pontio Pilato kɛ majemajeli ɔmɛ kɛ Israel ma amɛ hu ba bua a he nya ngɛ ma nɛ ɔ mi ngɔ wo o tsɔlɔ klɔuklɔu Yesu, nɔ nɛ o pɔ lɛ nu ɔ,

Kolosebi 1:13

nɛ e je wɔ kɛ je diblii he wami ɔ mi, nɛ e kɛ wɔ ba to e suɔmi bi ɔ matsɛ yemi ɔ mi ɔ,

Yakobo 2:5

Mamimɛ nɛ i suɔ, nyɛɛ bu tue! Anɛ pi je nɛ ɔ mi ohiafohi nɛ ji niatsɛmɛ ngɛ hemi kɛ yemi blɔfami ɔ nɛ Mawu hla, konɛ matsɛyemi nɛ e wo he si ngɔ ha ninɛmɛ nɛ a suɔ lɛ ɔ nɛ e pee a nɔ lo?

1 Petro 2:9

Se nyɛɛ lɛɛ, weku nɛ a hla ji nyɛ, matsɛmɛ nɛ yeɔ osɔlohi, je ma klɔuklɔu, ma nɛ e ngɔ pee e nɔ, konɛ nyɛɛ jaje nɔ nɛ tsɛ nyɛ kɛ je diblii ɔ mi kɛ ba lɛ nitsɛ e nyakpɛ la a he ɔ agbo jemi ɔ.