Luka 3:8 - Somi He Ɔ

⁸ Lɔ ɔ he ɔ, nyɛɛ wo yiblii nɛ sa tsui tsakemi; nɛ nyɛ ko bɔni demi ngɛ nyɛ yi mi ke: ‘Wa tsɛ ji Abraham,’ ejakaa i ngɛ nyɛ dee ke, Mawu ma nyɛ ma tle bimɛ a si kɛ je tɛ nɛ ɔmɛ a mi ngɔ ha Abraham.

BAIBLO ALOO NGMAMI KLƆUKLƆU Ɔ

⁸ Ke nyɛ tsake nyɛ tsui niinɛ ɔ, lɛɛ nyɛɛ pee níhi nɛ tsɔɔ kaa nyɛ tsake nyɛ tsui. Nyɛ ko susu kaa ke nyɛ de ke nyɛ nɛ̃ ji Abraham ɔ kɛkɛ tue gblami ko be nyɛ nɔ bae. I ngɛ nyɛ dee ke Mawu ma nyɛ ngɔ tɛ nɛ ɔmɛ kɛ pee Abraham nina!

Luka 3:8 ပူးပေါင်းရင်းမြစ်များ

Mateo 21:43

Lɔ ɔ he je ɔ i ngɛ nyɛ dee ke: A ma kpɔ Mɛwu matsɛ yemi ɔ ngɛ nyɛ dɛ; nɛ a ma ngɔ ha majeli a ma ko nɛ woɔ yiblii. [

Mateo 3:8

Ke nyɛ tsake nyɛ tsui ɔ lɛɛ nyɛɛ wo yiblii nɛ sa tsui tsakemi mɔ!

Mateo 3:9

Nɛ nyɛ ko susu ngɛ nyɛ mi nɛ nyɛ de ke: ‘Wɔ ɔ lɛɛ wa tsɛ ji Abraham;’ se i ngɛ nyɛ dee ke: Mawu ma nyɛ kaa a tleɔ bihi a si kɛ jee tɛ nɛ ɔmɛ a mi ngɔ haa Abraham.

Luka 13:25

“Be mi nɛ we tsɛ ɔ te si nɛ e ya nga sinya a, nɛ nyɛ ma bɔni sinya a simi ngɛ se je, nɛ nyɛ ma de ke: ‘Nyɔ́mtsɛ, Nyɔmtsɛ, bli wɔ,’ nɛ e ma he nɔ nɛ e ma de nyɛ ke: I li he nɛ nyɛ je’ ɔ,

Luka 13:26

kɛkɛ ɔ nyɛ ma bɔni demi ke: ‘Wa ye ni nɛ wa nu ni ngɛ o hɛ mi, nɛ o tsɔɔ ni ngɛ wa magbɛ ɔmɛ a mi.’

Luka 14:9

konɛ nɔ nɛ kpee o kɛ jamɛ a tsɛ ɔ tsuo ɔ ko ba nɛ e ba de mo ke: ‘Ha nɔ nɛ ɔ blɔ,’ nɛ lɔ ɔ lɛɛ o kɛ zo ma ya hi nane si je.

Luka 19:40

Se Yesu he nɔ nɛ e de mɛ ke: “I ngɛ nyɛ dee ke, ke ni ne ɔmɛ ma ma a nya a, lɛɛ tɛhi ma kpa ngmlaa.”

Luka 19:9

Nɛ Yesu de lɛ ke: “Mwɔnɛ yi wami hemi ba we nɛ ɔ mi, ejakaa lɛ hu Abraham bi ji lɛ.

Luka 5:21

Mlaatsɔɔli ɔmɛ kɛ Farisifo ɔmɛ bɔni susumi ke: “Mɛnɔ ji nɔ nɛ ɔ nɛ tuɔ musu bɔmi munyu nɛ ɔ? Mɛnɔ ma nyɛ yayamihi kɛ pa kaa ja Mawu kɛkɛ?”

Yohane 8:33

A he nɔ ke: “Abraham nina ji wɔ, nɛ wa pee we nɔ ko nyɔguɛhi hyɛ; kɛ pee kɛɛ nɛ mo o deɔ ke: ‘Nyɛ maa ye nya he’ ɔ?”

Yohane 8:39

A he nɔ nɛ a de lɛ ke: “Wa tsɛ ji Abraham.” Yesu de mɛ ke: “Abraham bimɛ ji nyɛ jinɛ nyɛ ma tsu Abraham ni tsumihi.

Ni Tsumi 26:20

se mohu i jaje ngɔ tsɔɔni hi nɛ ngɛ Damasko ɔ kekle, kɛ nihi nɛ ngɛ Yerusalem kɛ Yudea zugba a nɔ kulaa, kɛ majeli ɔmɛ hulɔ, ke a tsake a tsui nɛ a kpale kɛ ba Mawu ngɔ nɛ a tsu nihi nɛ sa tsui tsakemi.

Romabi 4:16

Se enɛ ɔ he je nɛ e je hemi kɛ yemi mi ɔ nɛ, benɛ pee nɛ e pee dloomi sane, konɛ si womi ɔ nɛ ma si kpɛii ngɔ ha e nina tsuo, pi Mlaa sisibi ɔmɛ kɛkɛ, se mohu nihi nɛ je Abraham, nɛ ji wɔ tsuo wa tsɛ ɔ, hemi kɛ yemi ɔ mi ɔ hulɔ,

Romabi 9:7

nɛ jeha nɛ hu, pi kaa nɛ Abraham nina ji mɛ ɔ he je ɔ, bimɛ ji mɛ tsuo kulaa, se mohu: “Nihi nɛ je Isak mi ɔ, a ma tsɛ mɛ o nina.”

Filipibi 1:11

nɛ dami yiblii nɛ a woɔ ngɛ Yesu Kristo mi ɔ nɛ hyi nyɛ tɔtɔɔtɔ kɛ ha Mawu hɛ mi nyami womi kɛ yi jemi.