Luka 3:22 - Somi He Ɔ

²² nɛ Mumi Klɔuklɔu ɔ kple si kɛ su nɛ ngɛ kaa okpo kɛ ba e nɔ. Nɛ gbi ko je hiɔwe de ke: “Mo ji ye suɔmi bi ɔ nɛ, mo o he ye tsui ngɛ!”

BAIBLO ALOO NGMAMI KLƆUKLƆU Ɔ

²² nɛ Mumi Klɔuklɔu ɔ kple si kɛ ba e nɔ kɛ su nɛ ngɛ kaa lahuɛ. Nɛ gbi ko je hiɔwe de ke, “Mo ji ye bi nɛ i suɔ; i naa o he bua jɔmi saminya.”

Luka 3:22 ပူးပေါင်းရင်းမြစ်များ

Yohane 1:32

Yohane ye odase ke: “I na Mumi ɔ nɛ kple si kɛ je hiɔwe kaa lahuɛ, nɛ e ba ma e nɔ.

Mateo 17:5

Benɛ a ngɛ munyu ɔ tue kɛ mwɔɔ ɔ, oʼɛ, bɔku hleii ko ba ha a nɔ, nɛ oʼɛ, gbi je bɔku ɔ mi de ke: “Nɔ nɛ ɔ ji ye suɔmi bi nɛ i naa e he tsui ɔ nɛ; nyɛɛ bu lɛ tue!”

Ni Tsumi 10:38

bɔ nɛ Mawu ngɔ Mumi Klɔuklɔu kɛ he wami ngɔ pɔ Yesu nɛ je Nazaret ɔ nu, nɛ e kpaa si peɔ kpakpa, nɛ e tsaa nihi kulaa nɛ abosiami haoɔ mɛ ɔ, ejakaa Mawu kɛ lɛ ngɛ.

Mateo 3:17

Nɛ oʼɛ, gbi ko je hiɔwe ke: “Nɔ nɛ ɔ ji ye suɔmi bi nɛ i ngɛ e he tsui ɔ nɛ.”

1 Petro 2:4

Nyɛɛ ba Nyɔmtsɛ ɔ ngɔ kaa tɛ nɛ hɛ ngɛ nɛ nimli kua lɛ mohu, se Mawu lɛɛ, e hla lɛ nɛ e he jua wa ngɛ e hɛ mi,

Mateo 12:18

“Oʼɛ, ye tsɔlɔ nɛ i hla a, Ye suɔlɔ nɛ ye klaa naa e he tsui ɔ, I kɛ ye mumi ɔ maa to e nɔ, Nɛ e maa fiɛ kojomi ngɔ tsɔɔ majeli ɔmɛ.

Kolosebi 1:13

nɛ e je wɔ kɛ je diblii he wami ɔ mi, nɛ e kɛ wɔ ba to e suɔmi bi ɔ matsɛ yemi ɔ mi ɔ,

Luka 4:21

Kɛkɛ nɛ e kɛ mɛ bɔni munyu tumi ke; “Mwɔnɛ ɔ ngmami nɛ ɔ ba mi ngɛ nyɛ hɛ mi.”

Mateo 27:43

E ke Mawu nɔ e hɛ ngɛ: Ha nɛ e je lɛ koo, ke e ngɛ e he tsui ɔ; ejakaa e de ke: ‘Mawu bi ji mi.’ ”

Mateo 3:13

Kɛkɛ nɛ Yesu je Galilea kɛ ba Yohane ngɔ ngɛ Yordan nya konɛ Yohane nɛ baptisi lɛ.

Mateo 3:16

Nɛ benɛ e baptisi Yesu ɔ, e je kpo amlɔ kɛ je nyu ɔ mi nɛ oʼɛ, a bli hiɔwe nya ha lɛ, nɛ e na Mawu Mumi ɔ nɛ ngɛ si kplee kaa okpo kɛ ma e nɔ.

Marko 1:9

Be bɔɔ ko se ɔ, Yesu je ma nɛ a tsɛɛ Nazaret ngɛ Galilea zugba a nɔ ɔ mi ba nɛ Yohane baptisi lɛ ngɛ Yordan mi.

Marko 1:11

Nɛ e nu gbi ko kɛ je hiɔwe de ke: “Mo ji imi nitsɛ ye suɔmi bi. I ngɛ o he suɔmi!”

Marko 9:7

Nɛ bɔku ko ba ha a nɔ, nɛ gbi ko je bɔku ɔ mi de ke: “Nɔ nɛ ɔ ji ye suɔmi bi ɔ nɛ, nyɛɛ bu lɛ tue!”

Luka 2:14

“Hɛ mi nyami ha Mawu ngɛ hiɔwe lokoo, Nɛ he jɔmi nɛ ba zugba a nɔ Ha nihi nɛ sa e hɛ mi.”

Yohane 5:37

Nɛ Tsɛ ɔ nɛ tsɔ mi ɔ, lɛ nitsɛ e ye ye he odase. Nyɛ nui e gbi hyɛ ɔ, pohu nyɛ nɛ e subai hyɛ;

Yohane 12:28

Tsaatsɛ, wo o biɛ ɔ hɛ mi nyami!” Kɛkɛ nɛ gbi ko je hiɔwe de ke: “I na wo e hɛ mi nyami momo, nɛ ma kpale wo e hɛ mi nyami ekohu.”