Luka 3:14 - Somi He Ɔ

¹⁴ Nɛ aslaafohi hu ba bi lɛ ke: “Nɛ wɔ hu, mɛni waa pee?” Nɛ e de mɛ ke: “Nyɛ ko hɛɛ nɔ ko soisoi, nɛ nyɛ ko po nɔ ko nya yaka gu; nɛ nyɛ ha nyɛ hiɔwo nɛ sa nyɛ hɛ mi.”

BAIBLO ALOO NGMAMI KLƆUKLƆU Ɔ

¹⁴ Ta buli komɛ hu ba bi lɛ ke, “Wɔ hu mɛni sa wɔ peemi?” E de mɛ ke, “Nyɛ ko fia ojo! Nyɛ ko po sane ngɔ fɔ nɔ ko nɔ yaka gu nɛ nyɛ kpɔ sika ngɛ e dɛ! Nyɛ hiɔwo nɛ sa nyɛ hɛ mi!”

Luka 3:14 ပူးပေါင်းရင်းမြစ်များ

Filipibi 4:11

Pi kaa fimi nya nɛ i ngɛ munyu tue nɛ ɔ, ejakaa imi lɛɛ i kase kaa si himi tsuaa si himi nɛ i ngɛ mi ɔ ye bua nɛ jɔ ye he.

Luka 19:8

Se Zakeo da si nɛ e de Nyɔmtsɛ ke: “Nyɔmtsɛ, oʼɛ, ma ngɔ ye nihi fa ngɔ ke ohiafohi, nɛ ke i kɛ yaka nya pomi kpɔ nɔ ko nɔ́ ko ngɛ e dɛ ɔ, ma ku ngɔ bɔ he si eywiɛ ha lɛ.”

Kpojemi 12:10

Nɛ i nu gbi ngua ko ngɛ hiɔwe ke: “Jehanɛ yi wami hemi ɔ kɛ he wami ɔ kɛ matsɛ yemi ɔ plɛ wa Mawu ɔ nɔ, nɛ a kɛ he blɔ ɔ ha e Kristo (nɔ nɛ a pɔ lɛ nu) ɔ, ejakaa a sake wa nyɛmimɛ ɔmɛ a nya polɔ ɔ nɛ poo a nya ngɛ wa Mawu ɔ hɛ mi nyɔ kɛ pia a ngɔ fɔ he.

Tito 2:3

Yimowi hu ja nɔuu kãa a ba a je mi bɔ nɛ sa ni klɔuklɔu ɔmɛ. A ko tu nihi a he munyu a ko pee dadeli, a pee nihi nɛ tsɔɔ ni kpakpahi,

Filipibi 2:15

konɛ nyɛ he ko hi piami, nɛ nyɛɛ pee he tsɔli, Mawu bimɛ nɛ a he be piami ko ngɛ yi nɔ kpɛkpɛɛ nɛ be e jebo nɔ nɛ ɔ mi, nihi a kpɛti nɛ nyɛ tsoo kaa kane ngɛ je nɛ ɔ mi,

Ni Tsumi 10:7

Benɛ bɔfo ɔ nɛ kɛ lɛ ba tu munyu ɔ je ɔ, e tsɛ e webi ɔmɛ a ti ni enyɔ kɛ aslaafono ko nɛ yee Mawu gbeye nɛ ji nihi nɛ sɔmɔɔ lɛ ɔ a ti nɔ kake,

Mateo 8:5

Benɛ Yesu sɛ Kapernaum ɔ, aslaafohi lafa a nyatsɛ ko ba e ngɔ ba kpa lɛ pɛɛ

Luka 3:10

Nɛ asafo ɔmɛ bi lɛ ke: “Lɛɛ mɛni waa pee mɔ?”

Luka 3:13

Nɛ e de mɛ ke: “Nyɛ ko he pe bɔ nɛ a to ha nyɛ ɔ.”