Luka 24:47 - Somi He Ɔ

⁴⁷ nɛ a fiɛ tsui tsakemi kɛ yayami pami ngɛ e biɛ ɔ mi ngɔ tsɔɔ mahi tsuo, nɛ a bɔni kɛ je Yerusalem.

BAIBLO ALOO NGMAMI KLƆUKLƆU Ɔ

⁴⁷ A ngma hu ke, a maa fiɛ ha je ma amɛ tsuo ngɛ e biɛ mi kaa a tsake a tsui, konɛ a ngɔ a he yayami ɔmɛ ngɔ pa mɛ. A maa je sisi kɛ je Yerusalem.

Luka 24:47 ပူးပေါင်းရင်းမြစ်များ

Ni Tsumi 5:31

Lɛ e nɔ Mawu wo kɛ ho e hiɛ ɔ nɔ ya, nɛ e wo lɛ ganɔ kɛ yi wami helɔ, konɛ e ha Israel nɛ na tsui tsakemi kɛ yayami pami.

Ni Tsumi 2:38

Petro de mɛ ke: Nyɛ tsake nyɛ tsui nɛ nyɛ ti nɔ tsuaa nɔ nɛ ha a baptisi lɛ ngɔ wo Yesu Kristo biɛ mi, konɛ a ngɔ nyɛ he yayami ɔmɛ ngɔ pa nyɛ, nɛ nyɛ ma na Mumi Klɔuklɔu nɔke nɔ ɔ.

Ni Tsumi 20:21

nɛ i ye tsui tsakemi kɛ Mawu hami kɛ wa Nyɔmtsɛ Yesu Kristo nɔ hemi kɛ yemi ɔ he odase ngɔ tsɔɔ Yudafohi kɛ Helabihi kulaa.

Ni Tsumi 13:46

Nɛ Paulo kɛ Barnaba tu munyu kɛ kã ke: “Nyɛ kekle e sa kaa a jajeɔ Mawu munyu ɔ ngɔ tsɔɔ, se akɛnɛ nyɛ kua munyu ɔ nɛ nyɛ bui nyɛ he kaa nyɛ sa neneene wami ɔ he je ɔ, oʼɛ, wa dɔ wa yi kɛ yaa majeli ɔmɛ a ngɔ.

Mateo 28:19

Lɔ ɔ he ɔ rnyɛɛ ya nɛ nyɛ ya pee majemaje tsuo ye kaseli, nyɛɛ baptisi mɛ ngɔ wo Tsɛ ɔ kɛ Bi ɔ kɛ Mumi Klɔuklɔu ɔ biɛ mi,

Ni Tsumi 11:18

Se benɛ a nu munyu nɛ ɔmɛ ɔ, a ma a nya, nɛ a wo Mawu hɛ mi nyami de ke: ‘Lɛɛ majeli ɔmɛ hu Mawu ha mɛ tsui tsakemi nɛ a kɛ he a yi wami!’

Ni Tsumi 26:18

nɛ o ya bli a hɛngmɛ komɛ a kpale kɛ je diblii mi kɛ ba la he, kɛ je abosiami he wami mi kɛ ba Mawu ngɔ, nɛ a na a he yayami pami kɛ gbo si ni ngɛ nihi nɛ a kɛ ye nɔ hemi kɛ yemi pee mɛ klɔuklɔu ɔmɛ a kpɛti.’ ”

Mateo 3:2

nɛ e de ke: “Nyɛɛ kpale kɛ je nyɛ blɔ yaya amɛ a nɔ, se hiɔwe matsɛ yemi ɔ su si ta.”

1 Yohane 2:12

I ngɛ nyɛ ngmae, bimɛ tsɔwi, ejakaa a ngɔ nyɛ he yayami ɔmɛ ngɔ pa nyɛ ngɛ Kristo biɛ ɔ he.

Kolosebi 1:27

nihi nɛ Mawu suɔ kaa a ha a le nɔ́ nɛ ji kikɛmɛ a laami sane nɛ ɔ hɛ mi nyami hiɛmi ɔ ngɛ ma jeli ɔmɛ a kpɛti, nɛ ji Kristo ngɛ nyɛ mi, nɛ ji hɛ mi nyami hɛ kɛ nɔ fɔmi ɔ.

Ni Tsumi 10:43

Lɛ e he odase gbali ɔmɛ kulaa yeɔ, kaa nɔ tsuaa nɔ nɛ heɔ e nɔ yeɔ ɔ ma na e he yayami pami ngɛ e biɛ ɔ he.”

Ni Tsumi 4:12

Ejakaa yi wami hemi be nɔ ko nɔ ko mi; nɛ jeha nɛ ɔ hu, biɛ kpã ko be hiɔwe sisi nɛ a ngɔ ha nimli nɛ sa kaa a gu nɔ kɛ he wa yi wami.”

Ni Tsumi 3:19

Lɔ ɔ he ɔ, nyɛ tsake nyɛ tsui nɛ nyɛɛ kpale nyɛ se, kone a gbe nyɛ he yayami ɔmɛ,

Efesobi 3:8

Imi nɛ i ji nɔ wayo pe he tsɔli ɔmɛ kulaa a, a ngɔ kikɛmɛ a dloomi nɛ ɔ ngɔ ha mi, kaa ma jaje Kristo nihiɛmi nɛ a be sisi nyɛe maa na kɛ gbe nya a he sane kpakpa a ngɔ tsɔɔ maje li ɔmɛ,

Efesobi 1:6

konɛ a kɛ je e dloomi hɛ mi nyami ɔ yi, nɔ́ nɛ e kɛ dloo wɔ ngɛ nɔ nɛ a suɔ lɛ ɔ mi ɔ.

Romabi 5:20

Se Mlaa a ba hɔ kpɛ konɛ si gbeemi ɔ nɛ hiɛ kɛ be nɔ. Se he nɛ yayami hiɛ ngɛ ɔ, lejɛ ɔ Mawu dloomi ɔ hiɛ kɛ be nɔ babauu ngɛ;

Ni Tsumi 28:28

“Lɔ ɔ he ɔ nyɛ na nyɛɛ le kaa, a tsɔ nɛ a kɛ Mawu Yi wami hemi sane ɔ ya ha majeli ɔmɛ, nɛ mɛɛ lɛɛ a maa bu tue hulɔ.” [

Ni Tsumi 26:20

se mohu i jaje ngɔ tsɔɔni hi nɛ ngɛ Damasko ɔ kekle, kɛ nihi nɛ ngɛ Yerusalem kɛ Yudea zugba a nɔ kulaa, kɛ majeli ɔmɛ hulɔ, ke a tsake a tsui nɛ a kpale kɛ ba Mawu ngɔ nɛ a tsu nihi nɛ sa tsui tsakemi.

Luka 13:34

“Yerusalem, Yerusalem, mo nɛ o gbee gbali ɔmɛ, nɛ o fiaa nihi nɛ a tsɔɔ mɛ o ngɔ ɔ tɛ, si nyɛmɛ i hla kaa i buaa o bimɛ ɔmɛ a nya, kaa bɔ nɛ kungwɔ buaa e bimɛ a nyɛ ngɔ woɔ e pɛlihi a sisi ɔ, nɛ nyɛ kplɛɛ we.’

Mateo 9:13

Nyɛɛ ya nɛ nyɛ ya kase enɛ ɔ sisi: ‘Mɔbɔ nami i ngɛ hlae, se pi bɔ sami!’ Ejakaa i bɛ dali a tsemi, se mohu yayami peeli nɛ a tsake a tsui.”