Luka 24:44 - Somi He Ɔ

⁴⁴ Nɛ e de mɛ ke: “Enɛ ɔmɛ ji ye munyuhi nɛ i kɛ nyɛ tu benɛ i kɛ nyɛ ngɛ lolo ɔ nɛ, kaa ja nihi kulaa nɛ a ngma ngɛ Mose Mlaa a kɛ gbali ɔmɛ kɛ La amɛ a mi ngɛ ye he ɔ na ba mi.”

BAIBLO ALOO NGMAMI KLƆUKLƆU Ɔ

⁴⁴ Enɛ ɔ se ɔ, e de mɛ ke, “Benɛ i kɛ nyɛ ngɛ ɔ, níhi nɛ i deɔ nyɛ ji nɛ ɔmɛ nɛ: níhi tsuo nɛ a ngma ngɛ ye he ngɛ Mose mlaa a, kɛ gbali ɔmɛ, kɛ La womi ɔ a mi ɔ, ja lɛ tsuo ba mi.”

Luka 24:44 ပူးပေါင်းရင်းမြစ်များ

Mateo 1:22

Se a pee enɛ ɔmɛ tsuo konɛ nɔ́ nɛ Nyɔmtsɛ ɔ de kɛ gu gbalɔ ɔ nɔ ɔ nɛ ba mi ke:

Mateo 16:21

Kɛ je jamɛ a be ɔ, nɛ Yesu bɔni e kaseli ɔmɛ tsɔɔmi kaa ja e ya Yerusalem nɛ e ya na amanehlu babauu ngɛ nikɔtɔma amɛ kɛ osɔfo nikɔtɔma amɛ kɛ mlaa tsɔɔli ɔmɛ a dɛ mi, nɛ a gbe lɛ, nɛ ligbi nɛ ji ligbi etɛ ɔ nɛ a tle lɛ si ekohu.

Mateo 26:54

Se lɔ ɔ lɛɛ kɛ maa pee kɛɛ nɛ ngmami ɔmɛ maa ba mi, kaa ja a pee kikɛ ɔ nɔuu?”

Mateo 26:56

Se a pee enɛ ɔ tsuo konɛ nihi nɛ gbali ɔmɛ ngma a nɛ ba mi.” Kɛkɛ nɛ kaseli ɔmɛ tsuo tu fo si lɛ.

Marko 9:31

ejakaa e ngɛ e kaseli ɔmɛ ni tsɔɔe. E de mɛ ke: “A maa ngɔ Nɔmlɔ Bi ɔ ngɔ wo nimli a dɛ mi, nɛ a maa gbe lɛ, nɛ ke a gbe lɛ ɔ, e maa te si ngɛ ligbi nɛ ji ligbi etɛ ɔ nɔ.”

Luka 21:22

Ejakaa lueyemi ligbi ɔmɛ ji nɛ ɔmɛ nɛ, konɛ nihi kulaa nɛ a ngma a nɛ ba mi.

Luka 22:37

Ejakaa i ngɛ nyɛ dee ke nɔ́ nɛ a ngma nɛ ɔ hu ja e ba mi ngɛ ye he ke: ‘Nɛ a bu lɛ ngɔ si mlaa tɔli ɔmɛ a nɔ;’ ejakaa ye he sane ɔmɛ ma mi.”

Luka 24:46

Nɛ e de mɛ ke: “Bɔ nɛ a ngma ji nɛ ɔ nɛ, kaa Kristo nɛ na amanehlu nɛ e te si kɛ je gbeje ngɛ ligbi nɛ ji etɛ ɔ nɔ

Luka 9:22

Nɛ Yesu ke: “Ja Nɔmlɔ Bi ɔ na amanehlu babauu, nɛ ma mikɔtɔma amɛ kɛ osɔfo nikɔtɔma amɛ kɛ mlaatsɔɔli ɔmɛ kua lɛ, nɛ a gbe lɛ, nɛ ligbi nɛ ji ligbi etɛ ɔ nɛ a tle lɛ si ekohu.”

Luka 9:44

“Nyɛɛ lɛɛ nyɛ ha kikɛmɛ a munyu nɛ ɔmɛ nɛ sɛ nyɛ tue mi, ejakaa a maa ngɔ Nɔmlɔ Bi ɔ ngɔ wo nimli a dɛ mi.”

Yohane 3:14

Nɛ bɔ nɛ Mose wo sinɔ ɔ nɔ ngɛ nga a nɔ ɔ, ja nɔuu sa kaa a wo Nɔmlɔ Bi ɔ nɔ.

Yohane 5:39

Nyɛ hla ngmami ɔmɛ a mi; ejakaa nyɛ nitsɛmɛ nyɛ susuu kaa kɔlɔ ɔmɛ a mi nyɛ naa neneene wami ngɛ, nɛ kɔlɔ ɔmɛ nɔuu ji nihi nɛ yeɔ ye he odase ɔ nɛ.

Yohane 5:46

Se kaa nya he Mose ye jinɛ, imi hu nyɛ ma he mi ye; ejakaa ye he sane e ngma a nɛ.

Ni Tsumi 13:33

kaa kɔlɔ ɔ nɔuu Mawu ha e ba mi ha wɔ nɛ wa ji a bimɛ ɔ, kaa nɛ e tle Yesu si kaa bɔ nɛ a ngma ngɛ La nɛ ji enyɔ ɔ mi hu ke: ‘Ye bi ji mo, mwɔnɛ i fɔ mo’ ɔ.

Ni Tsumi 13:40

Lɔ ɔ he ɔ nyɛɛ hyɛ nɛ hi, konɛ bɔ nɛ gbali ɔmɛ de ɔ ko ba nyɛ nɔ ke:

Ni Tsumi 2:27

Ejakaa o be ye klaa sie ngɛ gbeje, Nɛ o be hae nɛ o nɔ klɔuklɔu ɔ nɛ puɛ.

Ni Tsumi 3:18

Se nihi nɛ Mawu de ngɔ to momo ngɛ we gbali ɔmɛ tsuo a nya, kaa Kristo maa na amanehlu ɔ, e ha e ba mi ja.

Ni Tsumi 7:37

Lɛ ji jamɛ a Mose nɛ de Israelbi ɔmɛ ke: ‘Nyɔmtsɛ nyɛ Mawu ɔ ma tle gbalɔ ko nɛ ngɛ kaa imi si kɛ maa je nyɛ nyɛmimɛ ɔmɛ a kpɛti ngɔ ha nyɛ; nyɛɛ bu lɛ tue.’

Hebribi 10:1

Ejakaa ni kpakpahi nɛ maa ba amɛ a nini kɛkɛ Mlaa a hɛɛ, se pi ni ɔmɛ a subai nitsɛ, lɔ ɔ he ɔ, e be nyɛe nɛ e kɛ daa jeha bɔhi nɛ a saa nɔtonɔto ɔ nɛ ha nihi nɛ baa Mawu ngɔ ɔ nɛ a hi kɛ pi si.

Hebribi 3:5

Mose ye anɔkuale ngɛ Mawu we mluku ɔ kulaa nɔ kaa sɔmɔlɔ, konɛ e ye nihi nɛ a ma de ɔmɛ a he odase;

Hebribi 7:1

Se Melkizedek nɛ ɔ ɔ, lɛ ji Salem matsɛ, Mawu ope ɔ, osɔfo nɛ kɛ Abraham ya kpe benɛ e kpale e se kɛ je matsɛmɛ ɔmɛ a gbemi mi ngɛ ta mi nɛ e gbaa lɛ,

Hebribi 9:8

Enɛ ɔ Mumi Klɔuklɔu ɔ kɛ tsɔɔ pãa kaa be abɔ nɛ kekle bo tsu ɔ maa si kɛ mwɔ nɛ ɔ ɔ, lɛɛ blɔ nɛ a kɛ yaa he klɔuklɔu ɔ a na we nɛ a bli.

1 Petro 1:11

nɛ a kpale bi be ɔ si, be nɛ kɛ bɔ nɛ Kristo Mumi nɛ ngɛ a mi ɔ je tsɔɔ, benɛ Mumi ɔ ngɛ amanehlu nɛ maa ba Kristo nɔ kɛ hɛ mi nyami nɛ maa ba ngɛ kɔlɔ ɔmɛ a se ɔ he odase yee kɛ ngɛ toe ɔ.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke: “Koo pee! O nyɛmi sɔmɔlɔ kɛ o nyɛmimɛ nɛ hɛɛ Yesu odase mi ɔ a ti nɔ ko ji mi. Ja Mawu mohu!” Ejakaa Yesu odase ɔ ji gbami mumi ɔ nɛ.