Luka 24:41 - Somi He Ɔ

⁴¹ Se benɛ a he we yi kɛ mwɔɔ ngɛ bua jɔmi sɔuu he nɛ a hɛ mi pee mɛ yaa a, e bi mɛ ke: “Nyɛ ngɛ nɔ ko nɛ a yeɔ ngɛ hiɛ ɔ lo?”

BAIBLO ALOO NGMAMI KLƆUKLƆU Ɔ

⁴¹ Bua jɔmi babauu nɛ a na, kɛ bɔ nɛ nɔ́ ɔ pee mɛ nyakpɛ he je ɔ, a he we yi kɛ mwɔɔ. Kɛkɛ nɛ Yesu bi mɛ ke, “Nyɛ ngɛ nɔ́ ko nɛ a yeɔ ngɛ hiɛ ɔ lo?”

Luka 24:41 ပူးပေါင်းရင်းမြစ်များ

Yohane 21:5

Jeha nɛ ɔ Yesu bi mɛ ke: “Bimɛ, nyɛ gbe lo ko lo?” A he nɔ ke: “Dɛbi.”

Yohane 16:22

Lɔ ɔ he ɔ nyɛ hu, jeha nɛ ɔ nyɛ ngɛ kɔmɔ yee mohu, se ma na nyɛ ekohu, nɛ nyɛ tsui maa nɔ nyɛ mi, nɛ nyɛ bua jɔmi ɔ, na ko be kpɔe ngɛ nyɛ dɛ.

Marko 16:11

Se mɛɛ lɛɛ, benɛ a nu kaa Yesu hɛ ngɛ nɛ e na lɛ ɔ, a he we lɛ yi.

Marko 16:13

Ni nɛ ɔmɛ kpale a se kɛ ho ya de nihi nɛ piɛ ɔ, se a he we mɛ tete po yi.

Marko 16:14

Pee se ɔ e je e he kpo tsɔɔ ni nyɔngma kɛ kake ɔ nitsɛ, benɛ a hii si ngɛ niye ni he ɔ, nɛ e ka a hɛ mi ngɛ hemi nɛ a he we yi kɛ a tsui wami ɔ he, ejakaa a he we nihi nɛ na lɛ ngɛ e sitemi ɔ se ɔ yi.

Luka 24:11

Se kikɛmɛ a munyu nɛ ɔmɛ pee kaa nyazia ngɛ a tue mi, nɛ a he we yi.

Luka 24:40

Nɛ benɛ e de enɛ ɔ ɔ, e ngɔ e ninehi kɛ e nanehi ngɔ tsɔɔ mɛ.

Luka 24:42

Nɛ a ha lɛ lo kpɔ fã ko nɛ a hoo;

Ni Tsumi 12:14

Benɛ e yo Petro gbi ɔ, bua jɔmi sɔuu nya a, e bli we agbo ɔ, se mohu e tu fo kɛ ho ya de ke Petro daa si ngɛ agbo ɔ se.

Marko 8:7

A ngɛ lo tsɔwi bɔɔ komɛ hulɔ, nɛ e gbaa nɔ, nɛ e fa ke a gba kɔlɔ ɔ hu ha mɛ.