Luka 24:27 - Somi He Ɔ

²⁷ Nɛ e bɔni kɛ je Mose kɛ gbali ɔmɛ kulaa nɔ, nɛ e tsɔɔ mɛ nihi nɛ ngɛ ngmami ɔmɛ tsuo mi ngɛ e he ɔ sisi.

BAIBLO ALOO NGMAMI KLƆUKLƆU Ɔ

²⁷ Jehanɛ ɔ, Yesu tsɔɔ mɛ níhi tsuo nɛ ngmami ɔmɛ de ngɛ lɛ nitsɛ e he ɔ a sisi; e je sisi kɛ je Mose womi ɔmɛ, kɛ gbali ɔmɛ tsuo a ni ɔmɛ a nɔ.

Luka 24:27 ပူးပေါင်းရင်းမြစ်များ

Luka 24:44

Nɛ e de mɛ ke: “Enɛ ɔmɛ ji ye munyuhi nɛ i kɛ nyɛ tu benɛ i kɛ nyɛ ngɛ lolo ɔ nɛ, kaa ja nihi kulaa nɛ a ngma ngɛ Mose Mlaa a kɛ gbali ɔmɛ kɛ La amɛ a mi ngɛ ye he ɔ na ba mi.”

Ni Tsumi 10:43

Lɛ e he odase gbali ɔmɛ kulaa yeɔ, kaa nɔ tsuaa nɔ nɛ heɔ e nɔ yeɔ ɔ ma na e he yayami pami ngɛ e biɛ ɔ he.”

Yohane 5:39

Nyɛ hla ngmami ɔmɛ a mi; ejakaa nyɛ nitsɛmɛ nyɛ susuu kaa kɔlɔ ɔmɛ a mi nyɛ naa neneene wami ngɛ, nɛ kɔlɔ ɔmɛ nɔuu ji nihi nɛ yeɔ ye he odase ɔ nɛ.

Yohane 1:45

Filipo hu na Natanael, nɛ e de lɛ ke: “Wa na nɔ nɛ Mose ngma e he sane ngɛ Mlaa a mi, nɛ gbali ɔmɛ hu ngma e he sane ɔ, Yesu, Yosef bi nɛ je Nazaret ɔ.”

Luka 24:25

Kɛkɛ nɛ Yesu de mɛ ke: “Oo kuasiahi nɛ nyɛ ngɛ siɔɔ ngɛ nyɛ tsui mi ngɛ nihi tsuo nɛ gbali ɔmɛ de ɔ hemi kɛ yemi he.

Ni Tsumi 7:37

Lɛ ji jamɛ a Mose nɛ de Israelbi ɔmɛ ke: ‘Nyɔmtsɛ nyɛ Mawu ɔ ma tle gbalɔ ko nɛ ngɛ kaa imi si kɛ maa je nyɛ nyɛmimɛ ɔmɛ a kpɛti ngɔ ha nyɛ; nyɛɛ bu lɛ tue.’

Ni Tsumi 3:24

Nɛ jeha nɛ ɔ gbali tsuo nɛ tu munyu kɛ je Samuel kɛ nihi nɛ nyɛɛ e se ɔ nɔ ɔ, wo kikɛmɛ a ligbi nɛ ɔmɛ hu tã ngɔ to.

Ni Tsumi 3:22

Ejakaa Mose de tsɛmɛ ɔmɛ ke: ‘Nyɔmtsɛ nyɛ Mawu ɔ, ma tle gbalɔ ko nɛ ngɛ kaa imi si kɛ maa je nyɛ nyɛmimɛ ɔmɛ a kpɛti ngɔ ha nyɛ. Nyɛɛ bu lɛ tue ngɛ nihi kulaa nɛ e ma de ngɔ tsɔɔ nyɛ ɔ mi.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke: “Koo pee! O nyɛmi sɔmɔlɔ kɛ o nyɛmimɛ nɛ hɛɛ Yesu odase mi ɔ a ti nɔ ko ji mi. Ja Mawu mohu!” Ejakaa Yesu odase ɔ ji gbami mumi ɔ nɛ.

Marko 4:34

E kɛ mɛ tu we munyu ja ngɛ abɛhi a mi; se ke piɛ e kɛ e kaseli ɔmɛ pɛ ɔ, e tsɔɔ mɛ abɛ ɔmɛ kulaa sisi.

Yohane 5:37

Nɛ Tsɛ ɔ nɛ tsɔ mi ɔ, lɛ nitsɛ e ye ye he odase. Nyɛ nui e gbi hyɛ ɔ, pohu nyɛ nɛ e subai hyɛ;

Yohane 12:41

Ni nɛ ɔmɛ Yesaia de, ejakaa e na e hɛ mi nyami ɔ, nɛ e tu he munyu.

Ni Tsumi 3:18

Se nihi nɛ Mawu de ngɔ to momo ngɛ we gbali ɔmɛ tsuo a nya, kaa Kristo maa na amanehlu ɔ, e ha e ba mi ja.

Ni Tsumi 8:35

Filipo pa e nya mi nɛ e bɔni kɛ je kikɛmɛ a ngmami nɛ ɔ nɔ, nɛ e jaje Yesu he sane kpakpa a tsɔɔ lɛ.