Luka 23:4 - Somi He Ɔ

⁴ Nɛ Pilato de osɔfo nikɔtɔma amɛ kɛ asafo ɔmɛ ke: “I nɛ fɔ bumi sane ko ngɛ nyumu nɛ ɔ he.”

BAIBLO ALOO NGMAMI KLƆUKLƆU Ɔ

⁴ Jehanɛ ɔ, Pilato de osɔfo nikɔtɔma amɛ, kɛ ma kpekpemi ɔ nɛ ngɛ lejɛ ɔ ke, “I nɛ nɔ́ yayami ko ngɛ nyumu nɛ ɔ he nɛ buɔ lɛ fɔ.”

Luka 23:4 ပူးပေါင်းရင်းမြစ်များ

Yohane 18:38

Pilato bi lɛ ke: “Mɛni ji anɔkuale?” Nɛ benɛ e de enɛ ɔ ɔ, e je kpo kɛ ho Yudafo ɔmɛ a ngɔ ya ekohu, nɛ e ya de mɛ ke: “Imi lɛɛ i nɛ fɔ bumi sane ko kulaa ngɛ e he.

1 Petro 2:22

lɛ nɔ nɛ e pee we yayami nɛ jeha nɛ hu lakpa ko ji e nya mi ɔ,

1 Petro 1:19

se mohu, Kristo, nɔ nɛ ngɛ kaa to bi nɛ he be piami loo mu ko ɔ muɔ nɛ he jua wa a.

Luka 23:22

Pilato bi mɛ nɔ nɛ ji si etɛ ke: “Se nɔ nɛ ɔ lɛɛ mɛni yayami e pee? I nɛ́ nɔ́ ko nɛ sa gbenɔ ngɛ e he; lɔ ɔ he ɔ ma ha a fia lɛ kpa nɛ ma ngmɛɛ e he.”

Marko 15:14

Nɛ Pelato bi mɛ ke: “Se mɛni yayami po e pee?” Se a kpa huhui wawɛɛ pe kekle ɔ ke: “Sɛu lɛ!”

1 Petro 3:18

Ejakaa Kristo nitsɛ hu na amanehlu si kake nyɔngloo ngɛ yayamihi a he, lɛ dalɔ ɔ, ngɛ nihi nɛ dɛ ɔmɛ a nane mi, konɛ e kɛ wɔ nɛ ya Mawu ngɔ. A gbe lɛ ngɛ he lo blɔfami mohu, se a ha lɛ wami ngɛ mumi blɔfami.

Hebribi 7:26

Yesu ji Osɔfo nɔkɔtɔma nɛ sa wɔ pɛ: nɔ nɛ he tsɔ, nɛ yayami ko be e he, nɛ e he be piami ko, nɛ e tsɔ e he kɛ je yayami peeli a he, nɛ a wo e nɔ kɛ be hiɔwe, he;

Mateo 27:19

Se benɛ Pilato hii si ngɛ kojomi sɛ ɔ nɔ ɔ, e yo tsɔ kɛ ha e ngɔ ba de lɛ ke: “O kɛ dalɔ nɛ ɔ ko ye sane ko; ejakaa e he je ɔ, ye he hia mi babauu ngɛ nlami mi mwɔnɛ.”

Ni Tsumi 3:13

Abraham kɛ Isak kɛ Yakob Mawu ɔ nɛ ji wa tsɛmɛ a Mawu ɔ wo e tsɔlɔ Yesu hɛ mi nyami; nɔ nɛ nyɛ je lɛ ngɔ ha nɛ nyɛ kua lɛ ngɛ Pontio Pilato hɛ mi, benɛ lɛɛ e pee e juɛmi kaa e maa ngmɛɛ e he ɔ.

Ni Tsumi 25:25

Se imi lɛɛ i na kaa e pee we nɔ́ ko nɛ sa gbenɔ, nɛ akɛnɛ lɛ nitsɛ e tu e sane ɔ ngɔ wo Kaisare dɛ mi he je ɔ, i ma nya si kaa a kɛ lɛ ya ha lɛ.