Luka 23:26 - Somi He Ɔ

²⁶ Benɛ a kpaka Yesu kɛ yaa a, a nu Simon, Kireeneno ko, nɛ je ngmɔ si kɛ ma a, nɛ a wo sɛumi tso ɔ ngɔ tloo lɛ, nɛ e kɛ nyɛɛ Yesu se.

BAIBLO ALOO NGMAMI KLƆUKLƆU Ɔ

²⁶ Benɛ Roma ta buli ɔmɛ ngɔ Yesu kɛ yaa a, a kɛ Kirene no ko kpe nɛ je ngmɔ si kɛ ma ma a mi. E biɛ ji Simon. A nu lɛ, nɛ a wo sɛumi tso ɔ ngɔ tloo lɛ, nɛ e kɛ nyɛɛ Yesu se.

Luka 23:26 ပူးပေါင်းရင်းမြစ်များ

Ni Tsumi 6:9

Se ni kome nɛ je kpe he nɛ a tsɛɛ Nihi nɛ ye a he ɔmɛ a kpe he ɔ, kɛ Kireenebi kɛ Aleksandriabi kɛ nihi nɛ je Kilikia kɛ Asia a, a ti ni kome te si nɛ a kɛ Stefano sa nya.

Ni Tsumi 6:6

nɛ a kɛ ni nɛ ɔmɛ ba da bɔfo ɔmɛ a hɛ mi; nɛ a sɔle nɛ a kɛ a ninehi pue a nɔ.

Ni Tsumi 2:10

Frigia kɛ Pamfilia, Mizraim kɛ Libia ni ɔmɛ a mi ngɛ Kireene kasa nya, kɛ nibwɔhi nɛ je Roma, Yudafohi kɛ nihi nɛ plɛ Yudafohi,

Luka 14:27

Nɛ nɔ tsuaa nɔ nɛ wo we e seumi tso ngɔ tloo kɛ nyɛɛ ye se ɔ, e be nyɛe ye kaselɔ peemi.

Luka 9:23

Nɛ e de ni ɔmɛ tsuo ke: “Ke nɔ ko suɔ kaa e nyɛɛ ye se ɔ, e kua e he nɛ e wo e seumi tso ɔ ngɔ tloo daa ligbi kɛ nyɛɛ ye se.

Ni Tsumi 13:1

Gbali kɛ tsɔɔli komɛ ngɛ Antiokia asafo ɔ mi, mɛ ji Barnaba kɛ Simeon, nɔ nɛ a tsɛɛ lɛ Niger ɔ, kɛ Lukio Kireene no ɔ, kɛ Manahen, nɔ nɛ a lɛ lɛ kɛ amlalo Herode ɔ, kɛ Saulo.

Luka 23:25

Nɛ e ngmɛɛ nɔ nɛ atua tsɔmi kɛ awi yemi he nɛ a wo lɛ tsu mi nɛ a ngɛ hlae ɔ he; se Yesu ɔ lɛɛ, e ngɔ lɛ ngɔ ha ngɛ a hlami ɔ nya.

Mateo 5:41

Nɛ ke nɔ ko nyɛ o nɔ ke o kɛ lɛ nɛ ya si tomi nya kake ɔ, o kɛ lɛ nɛ ya enyɔ.