Luka 22:32 - Somi He Ɔ

³² se imi lɛɛ i kpa pɛɛ ha mo, konɛ o hemi kɛ yemi ko ta; nɛ mo hu, ke o kpale ɔ, wo o nyɛmimɛ ɔmɛ he wami.”

BAIBLO ALOO NGMAMI KLƆUKLƆU Ɔ

³² Se imi lɛɛ i sɔle ha mo Simon, nɛ o hemi kɛ yemi kó ta, konɛ ke o kpale o se kɛ ba ye ngɔ ekohu ɔ, mo hu o wo o nyɛmimɛ ɔmɛ he wami.”

Luka 22:32 ပူးပေါင်းရင်းမြစ်များ

Romabi 8:34

Mɛnɔ ji nɔ nɛ buu fɔ ɔ? Yesu Kristo nɔ nɛ e gbo, se nɔ́ nɛ pe kɔlɔ ɔ, nɔ nɛ a tle lɛ si hulɔ, nɛ e ngɛ Mawu hiɛ ɔ nɔ, nɛ e pa daa mi haa wɔ.

Hebribi 7:25

Lɔ ɔ he hu ɔ e nyɛɔ nihi nɛ guu e nɔ kɛ baa Mawu ngɔ ɔmɛ a yi wami heɔ, ejakaa e ngɛ daa konɛ e da mi ha mɛ.

2 Petro 3:14

Lɔ ɔ he ɔ, mamimɛ, akɛnɛ nyɛ ngɛ kikɛmɛ a ni nɛ ɔmɛ a blɔ hyɛe nɛ ɔ, nyɛɛ bɔ mɔde konɛ nyɛɛ kɛ lɛ kpɛti nɛ hi he jɔmi nɛ a na nyɛ nɛ mu loo piami ko ko hi nyɛ he ngɛ e hɛ mi.

1 Petro 1:5

nyɛ nihi nɛ a gu hemi kɛ yemi nɔ buu nyɛ he ngɛ Mawu he wami nya ngɔ toɔ yi wami hemi nɛ a dla ngɔ to nɛ a ma je kpo ngɛ nyagbe be ɔmɛ a mi ɔ.

Luka 8:13

Nihi nɛ ya nɔ tɛ sa nɔ ɔ ji nihi nɛ benɛ a nu ɔ, a heɔ munyu ɔ kɛ buajɔmi, se akɛnɛ a be sipoku he je ɔ a heɔ yeɔ be kpiti kɛkɛ, nɛ ka be mi ɔ a kuaa a hemi kɛ yemi ɔ.

Ni Tsumi 3:19

Lɔ ɔ he ɔ, nyɛ tsake nyɛ tsui nɛ nyɛɛ kpale nyɛ se, kone a gbe nyɛ he yayami ɔmɛ,

1 Petro 1:13

Lɔ ɔ he ɔ, nyɛ dla nyɛ juɛmi kɛ ha ni tsumi, nyɛ hɛ nɛ ka si, nɛ nyɛɛ ngɔ nyɛ hɛ ngɔ fɔ dloomi nɛ a kɛ ma ha nyɛ ngɛ Yesu Kristo kpo jemi ɔ mi ɔ nɔ kulaa.

Hebribi 12:15

Nyɛɛ hyɛ nɛ hi, konɛ nɔ ko ko ngmɛɛ Mawu dloomi ɔ he, konɛ poku kɛ doomi ko ko puɛ nɛ e hao nyɛ nɛ e ble nihi fuu kɛ e duɔ ɔ;

Mateo 18:3

nɛ e ke: “Niinɛ, i ngɛ nyɛ dee ke: Ke nyɛ tsakee we nɛ nyɛ plɛ kaa jokuɛ tsɔwi ɔ, nyɛ be hiɔwe matsɛ yemi ɔ mi sɛe kulaa.

1 Yohane 2:19

Wa kpɛti a je kɛ ho, se kɛ ɔ, pi wa ti ni komɛ ji mɛ, ejakaa wa ti ni komɛ ji mɛ jinɛ a kɛ wɔ ko hi si; se a je benɛ pee nɛ a je a he si kaa tsa pi mɛ tsuo ji wa kpɛti nihi.

Yohane 14:19

E piɛ bɔɔ kɛkɛ nɛ je ɔ be mi nae hu; se nyɛ lɛɛ nyɛɛ ngɛ mi nae, ejakaa ye hɛ ngɛ, nɛ nyɛ hu nyɛ hɛ maa hi ngmengmle.

Marko 14:72

Nɛ amlɔ ɔ kungwɔ kpa nɔ nɛ ji si enyɔ; nɛ Petro kai munyu nɛ Yesu de lɛ ɔ ke: “Kungwɔ be nɔ kpae si enyɔ nɛ o ma kpa ngɛ ye se si etɛ” ɔ. Nɛ benɛ e kai ɔ e wo ya.

Marko 16:7

Jeha nɛ ɔ nyɛɛ ya nɛ nyɛ ya de e kaseli ɔmɛ kɛ Petro, ke e ngɛ nyɛ hlami sɛe kɛ yaa Galilea; lejɛ ɔ nyɛ maa na lɛ ngɛ, kaa bɔ nɛ e de nyɛ ɔ.”

Mateo 26:75

Nɛ Petro kai Yesu munyu nɛ e tu lɛ ke: “Loko kungwɔ ma kpa nɔ ɔ, o ma kpa ngɛ ye se si etɛ” ɔ. Nɛ e je kpo ya fo ya wawɛɛ.

1 Petro 1:1

Petro nɛ ji Yesu Kristo bɔfo ɔ, ngma ya ha nibwɔhi nɛ gbɛ fia Ponto, Kapodokia, Asia kɛ Bitinia a.

Romabi 8:32

Mawu nɛ kamaa we wɔ elɛ nitsɛ e Bi ɔ, se mohu e ngɔ lɛ ngɔ ha ngɛ wɔ tsuo wa nane mi ɔ, anɛ e be nihi tsuo kulaa ngɔe ngɔ piɛ e he kɛ ke wɔ lo?

Tito 1:1

Paulo, Mawu sɔmɔlɔ, kɛ Yesu Kristo bɔfo. Ahla mi nɛ a tsɔ mi nɛ ma ya ye bua ninɛmɛ nɛ Mawu hla amɛ a hemi kɛ yemi, nɛ ma kɛ mɛ nɛ ba anɔkuale nɛ wa jami ɔ tsɔɔ,

2 Timoteo 2:18

nihi nɛ tla blɔ kɛ je anɔkuale ɔ he, nɛ a deɔ ke si temi ɔ be momo, nɛ a butuu ni komɛ a hemi kɛ yemi ɔ.