Luka 22:22 - Somi He Ɔ

²² ejakaa Nɔmlɔ Bi ɔ yaa kaa bɔ nɛ a so ngɔ to momo ɔ lɛɛ, se musu tloo nɔ nɛ maa tsɔɔ e se blɔ ɔ!”

BAIBLO ALOO NGMAMI KLƆUKLƆU Ɔ

²² Nɔmlɔ Bi ɔ ma gbo kaa bɔ nɛ Mawu to ɔ, se musu tloo nɔ nɛ maa tsɔɔ e se blɔ ɔ!”

Luka 22:22 ပူးပေါင်းရင်းမြစ်များ

Mateo 26:24

Nɔmlɔ Bi ɔ ma gbo kaa bɔ nɛ a ngma ngɛ e he ɔ mohu; se musu tloo jamɛ a nɔmlɔ ɔ nɛ tsɔɔ Nɔmlɔ Bi ɔ se blɔ ɔ; afani nɛ a na we a nɛ a fɔ jamɛ a nɔmlɔ ɔ.”

Mateo 27:5

Nɛ e ya sake sika a ngɔ pue si ngɛ sɔlemi we ɔ, nɛ e pue nɔ kɛ ho nɛ e ya wo e kuɛ kpa.

Marko 14:21

Nɔmlɔ Bi ɔ ma gbo kaa bɔ nɛ a ngma ngɛ e he ɔ mohu; se musu tloo nɔ nɛ tsɔɔ Nɔmlɔ Bi ɔ se blɔ ɔ! Afani nɛ a na we nɛ a fɔ jamɛ a nɔmlɔ ɔ.”

Luka 22:23

Nɛ a bɔni a he bimi ke a kpɛti mɛnɔ po maa pee enɛ ɔ.

Luka 24:46

Nɛ e de mɛ ke: “Bɔ nɛ a ngma ji nɛ ɔ nɛ, kaa Kristo nɛ na amanehlu nɛ e te si kɛ je gbeje ngɛ ligbi nɛ ji etɛ ɔ nɔ

Yohane 17:12

Benɛ i kɛ mɛ ngɛ je ɔ mi ɔ, i to mɛ ngɛ o biɛ ɔ mi; nihi nɛ o ngɔ ha mi ɔ, i bu a he, nɛ a ti nɔ ko nɔ ko laa we, ja laami bi ɔ, konɛ nɔ́ nɛ a ngma a nɛ ba mi.

Ni Tsumi 10:42

Nɛ e wo wɔ kita ke waa fiɛ ngɔ tsɔɔ ma a nɛ waa ye odase kaa lɛ ji nɔ nɛ Mawu je ngɔ to nɛ e kojo hɛ kali kɛ ni gbogboehi ɔ nɛ.

Ni Tsumi 17:31

Ejakaa e to ligbi ko nɛ e maa gu nyumu ko nɛ e to ɔ nɔ kɛ kojo je mluku ɔ tsuo ngɛ dami nya; e ha nɔ tsuaa nɔ le enɛ ɔ, ejakaa e tle lɛ si kɛ je gbeje.”

Ni Tsumi 2:23

Yesu nɛ ɔ nɛ a je lɛ ngɛ Mawu yi mi tomi kɛ e ni nɛ e le ngɔ to ɔ nya ngɔ ha a, nyɛ gu nihi nɛ li mlaa amɛ a nine nɔ nyɛ sɛu lɛ nɛ nyɛ gbe lɛ.

1 Petro 1:11

nɛ a kpale bi be ɔ si, be nɛ kɛ bɔ nɛ Kristo Mumi nɛ ngɛ a mi ɔ je tsɔɔ, benɛ Mumi ɔ ngɛ amanehlu nɛ maa ba Kristo nɔ kɛ hɛ mi nyami nɛ maa ba ngɛ kɔlɔ ɔmɛ a se ɔ he odase yee kɛ ngɛ toe ɔ.

2 Petro 2:3

Nɛ a kɛ kutupɔ munyuhi maa jua nyɛ ngɛ hɛ tsumi mi, nihi nɛ kɛ je blema lokoo ɔ, a kojomi hlua we si, nɛ a hɛ mi kpatami ɔ hu be mahɛ hwɔe.