Luka 22:11 - Somi He Ɔ

¹¹ nɛ nyɛ ya de wetsɛ ɔ ke: ‘Tsɔɔlɔ ɔ ke wa ba de mo ke: Jije nibwɔhi a tsu ɔ nɛ i kɛ ye kaseli ɔmɛ maa ye Hetsɔmi niyeni ɔ ngɛ mi ɔ ngɛ?’

BAIBLO ALOO NGMAMI KLƆUKLƆU Ɔ

¹¹ nɛ nyɛ ya de wetsɛ ɔ ke, ‘Tsɔɔlɔ ɔ ke wa ba bi mo ke nibwɔhi a tsu ɔ, he nɛ i kɛ ye kaseli ɔmɛ maa ye Hetsɔmi niye ní ɔ ngɛ ɔ, jije e ngɛ?’

Luka 22:11 ပူးပေါင်းရင်းမြစ်များ

Yohane 11:28

Nɛ benɛ Marta de lɛ kikɛ ɔ, e pue nɔ kɛ ho, nɛ e ya tsɛ e nyɛmi Maria a zaa, nɛ e de lɛ ke: “Nyɔmtsɛ ɔ ba, nɛ e ngɛ mo tsɛe.”

Kpojemi 3:20

Oʼɛ i daa si ngɛ sinya a se nɛ i ngɛ sie; ke nɔ ko nu ye gbi nɛ e bli sinya a, ma ba e ngɔ nɛ i kɛ lɛ ma ba ye ni nɛ lɛ hu e kɛ mi maa ye.

Luka 19:34

Nɛ a ke: “E he ngɛ Nyɔmtsɛ ɔ hiae.”

Luka 19:31

Nɛ ke nɔ ko bi nyɛ ke: ‘Mɛni he je nyɛ ngɛ lɛ pɛnee’ ɔ, nyɛ de lɛ ke: ‘E he ngɛ Nyɔmtsɛ ɔ hiae.’ ”

Luka 19:5

Nɛ Yesu su lejɛ ɔ, e wo e hɛ nɔ, nɛ e de lɛ ke: “Zakeo, o he nɛ esɔ nɛ o kple si, ejakaa o we ɔ mi ma to mwɔnɛ ɔ.”

Mateo 21:3

Nɛ ke nɔ ko bi nyɛ munyu ko ɔ, nyɛ de lɛ ke: ‘A he ngɛ Nyɔmtsɛ ɔ hiae;’ nɛ amlɔ ɔ, e ma ha nyɛɛ kɛ mɛ maa ba.”

Marko 14:14

nɛ he nɛ e ma ya sɛ ɔ, nyɛ de lejɛ ɔ wetsɛ ɔ ke: ‘Tsɔɔlɔ ɔ ke: Jije nibwɔhi a to he tsu ɔ nɛ i kɛ ye kaseli ɔmɛ maa ye Hetsɔmi ɔ ngɛ mi ɔ ngɛ?’

Luka 22:10

Nɛ e de mɛ ke: “Ke nyɛ sɛ ma a mi ɔ, oʼɛ, nyumu ko kɛ nyɛ maa kpe nɛ e tloo nyu buɛ, nyɛɛ nyɛɛ e se kɛ ya we mi he nɛ e yaa sɛ ɔ,

Luka 22:12

Nɛ e maa tsɔɔ nyɛ hiɔwe asa kpetekpleenyɛ ko nɛ a dla mi; lejɛ ɔ nyɛ ya dla ni ɔ ngɔ to ngɛ.”